UtshovChapter 16
16.1
वैशंपायन उवाच
सा हता सूतपुत्रेण राजपुत्री समज्वलत्
वधं कृष्णा परीप्सन्ती सेनावाहस्य भामिनी
जगामावासमेवाथ तदा सा द्रुपदात्मजा
Vaishampayana uvacha
Sa hata sutaputrena rajaputri samajvalat
Vadham krishna paripsanti senavahasya bhamini
Jagamavasamevatha tada sa drupadatmaja
16.2
कृत्वा शौचं यथान्यायं कृष्णा वै तनुमध्यमा
गात्राणि वाससी चैव प्रक्षाल्य सलिलेन सा
Kritva shaucham yathanyayam krishna vai tanumadhyama
Gatrani vasasi chaiva prakshalya salilena sa
16.3
चिन्तयामास रुदती तस्य दुःखस्य निर्णयम्
किं करोमि क्व गच्छामि कथं कार्यं भवेन्मम
Chintayamasa rudati tasya duhkhasya nirnayam
Kim karomi kva gachchhami katham karyam bhavenmama
16.4
इत्येवं चिन्तयित्वा सा भीमं वै मनसागमत्
नान्यः कर्ता ऋते भीमान्ममाद्य मनसः प्रियम्
Ityevam chintayitva sa bhimam vai manasagamat
Nanyah karta rite bhimanmamadya manasah priyam
16.5
तत उत्थाय रात्रौ सा विहाय शयनं स्वकम्
प्राद्रवन्नाथमिच्छन्ती कृष्णा नाथवती सती
दुःखेन महता युक्ता मानसेन मनस्विनी
Tata utthaya ratrau sa vihaya shayanam svakam
Pradravannathamichchhanti krishna nathavati sati
Duhkhena mahata yukta manasena manasvini
16.6
सा वै महानसे प्राप्य भीमसेनं शुचिस्मिता
सर्वश्वेतेव माहेयी वने जाता त्रिहायनी
उपातिष्ठत पाञ्चाली वाशितेव महागजम्
Sa vai mahanase prapya bhimasenam shuchismita
Sarvashveteva maheyi vane jata trihayani
Upatishthata panchali vashiteva mahagajam
16.7
सा लतेव महाशालं फुल्लं गोमतितीरजम्
बाहुभ्यां परिरभ्यैनं प्राबोधयदनिन्दिता
सिंहं सुप्तं वने दुर्गे मृगराजवधूरिव
Sa lateva mahashalam phullam gomatitirajam
Bahubhyam parirabhyainam prabodhayadanindita
Sinham suptam vane durge mrigarajavadhuriva
16.8
वीणेव मधुराभाषा गान्धारं साधु मूर्च्छिता
अभ्यभाषत पाञ्चाली भीमसेनमनिन्दिता
Vineva madhurabhasha gandharam sadhu murchchhita
Abhyabhashata panchali bhimasenamanindita
16.9
उत्तिष्ठोत्तिष्ठ किं शेषे भीमसेन यथा मृतः
नामृतस्य हि पापीयान्भार्यामालभ्य जीवति
Uttishthottishtha kim sheshe bhimasena yatha mritah
Namritasya hi papiyanbharyamalabhya jivati
16.10
तस्मिञ्जीवति पापिष्ठे सेनावाहे मम द्विषि
तत्कर्म कृतवत्यद्य कथं निद्रां निषेवसे
Tasminjivati papishthe senavahe mama dvishi
Tatkarma kritavatyadya katham nidram nishevase
16.11
स संप्रहाय शयनं राजपुत्र्या प्रबोधितः
उपातिष्ठत मेघाभः पर्यङ्के सोपसंग्रहे
Sa samprahaya shayanam rajaputrya prabodhitah
Upatishthata meghabhah paryanke sopasangrahe
16.12
अथाब्रवीद्राजपुत्रीं कौरव्यो महिषीं प्रियाम्
केनास्यर्थेन संप्राप्ता त्वरितेव ममान्तिकम्
Athabravidrajaputrim kauravyo mahishim priyam
Kenasyarthena samprapta tvariteva mamantikam
16.13
न ते प्रकृतिमान्वर्णः कृशा पाण्डुश्च लक्ष्यसे
आचक्ष्व परिशेषेण सर्वं विद्यामहं यथा
Na te prakritimanvarnah krisha pandushcha lakshyase
Achakshva parisheshena sarvam vidyamaham yatha
16.14
सुखं वा यदि वा दुःखं द्वेष्यं वा यदि वा प्रियम्
यथावत्सर्वमाचक्ष्व श्रुत्वा ज्ञास्यामि यत्परम्
Sukham va yadi va duhkham dveshyam va yadi va priyam
Yathavatsarvamachakshva shrutva gyasyami yatparam
16.15
अहमेव हि ते कृष्णे विश्वास्यः सर्वकर्मसु
अहमापत्सु चापि त्वां मोक्षयामि पुनः पुनः
Ahameva hi te krishne vishvasyah sarvakarmasu
Ahamapatsu chapi tvam mokshayami punah punah
16.16
शीघ्रमुक्त्वा यथाकामं यत्ते कार्यं विवक्षितम्
गच्छ वै शयनायैव पुरा नान्योऽवबुध्यते
Shighramuktva yathakamam yatte karyam vivakshitam
Gachchha vai shayanayaiva pura nanyovabudhyate