UtshovChapter 14
14.1
वैशंपायन उवाच
प्रत्याख्यातो राजपुत्र्या सुदेष्णां कीचकोऽब्रवीत्
अमर्यादेन कामेन घोरेणाभिपरिप्लुतः
Vaishampayana uvacha
Pratyakhyato rajaputrya sudeshnam kichakobravit
Amaryadena kamena ghorenabhipariplutah
14.2
यथा कैकेयि सैरन्ध्र्या समेयां तद्विधीयताम्
तां सुदेष्णे परीप्सस्व माहं प्राणान्प्रहासिषम्
Yatha kaikeyi sairandhrya sameyam tadvidhiyatam
Tam sudeshne paripsasva maham prananprahasisham
14.3
तस्य तां बहुशः श्रुत्वा वाचं विलपतस्तदा
विराटमहिषी देवी कृपां चक्रे मनस्विनी
Tasya tam bahushah shrutva vacham vilapatastada
Viratamahishi devi kripam chakre manasvini
14.4
स्वमर्थमभिसंधाय तस्यार्थमनुचिन्त्य च
उद्वेगं चैव कृष्णायाः सुदेष्णा सूतमब्रवीत्
Svamarthamabhisandhaya tasyarthamanuchintya cha
Udvegam chaiva krishnayah sudeshna sutamabravit
14.5
पर्विणीं त्वं समुद्दिश्य सुरामन्नं च कारय
तत्रैनां प्रेषयिष्यामि सुराहारीं तवान्तिकम्
Parvinim tvam samuddishya suramannam cha karaya
Tatrainam preshayishyami suraharim tavantikam
14.6
तत्र संप्रेषितामेनां विजने निरवग्रहाम्
सान्त्वयेथा यथाकामं सान्त्व्यमाना रमेद्यदि
Tatra sampreshitamenam vijane niravagraham
Santvayetha yathakamam santvyamana ramedyadi
14.7
कीचकस्तु गृहं गत्वा भगिन्या वचनात्तदा
सुरामाहारयामास राजार्हां सुपरिस्रुताम्
Kichakastu griham gatva bhaginya vachanattada
Suramaharayamasa rajarham suparisrutam
14.8
आजौरभ्रं च सुभृशं बहूंश्चोच्चावचान्मृगान्
कारयामास कुशलैरन्नपानं सुशोभनम्
Ajaurabhram cha subhrisham bahunshchochchavachanmrigan
Karayamasa kushalairannapanam sushobhanam
14.9
तस्मिन्कृते तदा देवी कीचकेनोपमन्त्रिता
सुदेष्णा प्रेषयामास सैरन्ध्रीं कीचकालयम्
Tasminkrite tada devi kichakenopamantrita
Sudeshna preshayamasa sairandhrim kichakalayam
14.10
सुदेष्णोवाच
उत्तिष्ठ गच्छ सैरन्ध्रि कीचकस्य निवेशनम्
पानमानय कल्याणि पिपासा मां प्रबाधते
Sudeshnovacha
Uttishtha gachchha sairandhri kichakasya niveshanam
Panamanaya kalyani pipasa mam prabadhate
14.11
द्रौपद्युवाच
न गच्छेयमहं तस्य राजपुत्रि निवेशनम्
त्वमेव राज्ञि जानासि यथा स निरपत्रपः
Draupadyuvacha
Na gachchheyamaham tasya rajaputri niveshanam
Tvameva ragyi janasi yatha sa nirapatrapah
14.12
न चाहमनवद्याङ्गि तव वेश्मनि भामिनि
कामवृत्ता भविष्यामि पतीनां व्यभिचारिणी
Na chahamanavadyangi tava veshmani bhamini
Kamavritta bhavishyami patinam vyabhicharini
14.13
त्वं चैव देवि जानासि यथा स समयः कृतः
प्रविशन्त्या मया पूर्वं तव वेश्मनि भामिनि
Tvam chaiva devi janasi yatha sa samayah kritah
Pravishantya maya purvam tava veshmani bhamini
14.14
कीचकश्च सुकेशान्ते मूढो मदनदर्पितः
सोऽवमंस्यति मां दृष्ट्वा न यास्ये तत्र शोभने
Kichakashcha sukeshante mudho madanadarpitah
Sovamansyati mam drishtva na yasye tatra shobhane
14.15
सन्ति बह्व्यस्तव प्रेष्या राजपुत्रि वशानुगाः
अन्यां प्रेषय भद्रं ते स हि मामवमंस्यते
Santi bahvyastava preshya rajaputri vashanugah
Anyam preshaya bhadram te sa hi mamavamansyate
14.16
सुदेष्णोवाच
नैव त्वां जातु हिंस्यात्स इतः संप्रेषितां मया
Sudeshnovacha
Naiva tvam jatu hinsyatsa itah sampreshitam maya
14.17
वैशंपायन उवाच
इत्यस्याः प्रददौ कांस्यं सपिधानं हिरण्मयम्
सा शङ्कमाना रुदती दैवं शरणमीयुषी
प्रातिष्ठत सुराहारी कीचकस्य निवेशनम्
Vaishampayana uvacha
Ityasyah pradadau kansyam sapidhanam hiranmayam
Sa shankamana rudati daivam sharanamiyushi
Pratishthata surahari kichakasya niveshanam
14.18
द्रौपद्युवाच
यथाहमन्यं पाण्डुभ्यो नाभिजानामि कंचन
तेन सत्येन मां प्राप्तां कीचको मा वशे कृथाः
Draupadyuvacha
Yathahamanyam pandubhyo nabhijanami kanchana
Tena satyena mam praptam kichako ma vashe krithah
14.19
वैशंपायन उवाच
उपातिष्ठत सा सूर्यं मुहूर्तमबला ततः
स तस्यास्तनुमध्यायाः सर्वं सूर्योऽवबुद्धवान्
Vaishampayana uvacha
Upatishthata sa suryam muhurtamabala tatah
Sa tasyastanumadhyayah sarvam suryovabuddhavan
14.20
अन्तर्हितं ततस्तस्या रक्षो रक्षार्थमादिशत्
तच्चैनां नाजहात्तत्र सर्वावस्थास्वनिन्दिताम्
Antarhitam tatastasya raksho raksharthamadishat
Tachchainam najahattatra sarvavasthasvaninditam
14.21
तां मृगीमिव वित्रस्तां दृष्ट्वा कृष्णां समीपगाम्
उदतिष्ठन्मुदा सूतो नावं लब्ध्वेव पारगः
Tam mrigimiva vitrastam drishtva krishnam samipagam
Udatishthanmuda suto navam labdhveva paragah