UtshovChapter 11
11.1
वैशंपायन उवाच
अथापरोऽदृश्यत पाण्डवः प्रभु;र्विराटराज्ञस्तुरगान्समीक्षतः
तमापतन्तं ददृशे पृथग्जनो; विमुक्तमभ्रादिव सूर्यमण्डलम्
Vaishampayana uvacha
Athaparodrishyata pandavah prabhu;rvirataragyasturagansamikshatah
Tamapatantam dadrishe prithagjano; vimuktamabhradiva suryamandalam
11.2
स वै हयानैक्षत तांस्ततस्ततः; समीक्षमाणं च ददर्श मत्स्यराट्
ततोऽब्रवीत्ताननुगानमित्रहा; कुतोऽयमायाति नरोऽमरप्रभः
Sa vai hayanaikshata tanstatastatah; samikshamanam cha dadarsha matsyarat
Tatobravittananuganamitraha; kutoyamayati naromaraprabhah
11.3
अयं हयान्वीक्षति मामकान्दृढं; ध्रुवं हयज्ञो भविता विचक्षणः
प्रवेश्यतामेष समीपमाशु मे; विभाति वीरो हि यथामरस्तथा
Ayam hayanvikshati mamakandridham; dhruvam hayagyo bhavita vichakshanah
Praveshyatamesha samipamashu me; vibhati viro hi yathamarastatha
11.4
अभ्येत्य राजानममित्रहाब्रवी;ज्जयोऽस्तु ते पार्थिव भद्रमस्तु च
हयेषु युक्तो नृप संमतः सदा; तवाश्वसूतो निपुणो भवाम्यहम्
Abhyetya rajanamamitrahabravi;jjayostu te parthiva bhadramastu cha
Hayeshu yukto nripa sammatah sada; tavashvasuto nipuno bhavamyaham
11.5
विराट उवाच
ददामि यानानि धनं निवेशनं; ममाश्वसूतो भवितुं त्वमर्हसि
कुतोऽसि कस्यासि कथं त्वमागतः; प्रब्रूहि शिल्पं तव विद्यते च यत्
Virata uvacha
Dadami yanani dhanam niveshanam; mamashvasuto bhavitum tvamarhasi
Kutosi kasyasi katham tvamagatah; prabruhi shilpam tava vidyate cha yat
11.6
नकुल उवाच
पञ्चानां पाण्डुपुत्राणां ज्येष्ठो राजा युधिष्ठिरः
तेनाहमश्वेषु पुरा प्रकृतः शत्रुकर्शन
Nakula uvacha
Panchanam panduputranam jyeshtho raja yudhishthirah
Tenahamashveshu pura prakritah shatrukarshana
11.7
अश्वानां प्रकृतिं वेद्मि विनयं चापि सर्वशः
दुष्टानां प्रतिपत्तिं च कृत्स्नं चैव चिकित्सितम्
Ashvanam prakritim vedmi vinayam chapi sarvashah
Dushtanam pratipattim cha kritsnam chaiva chikitsitam
11.8
न कातरं स्यान्मम जातु वाहनं; न मेऽस्ति दुष्टा वडवा कुतो हयाः
जनस्तु मामाह स चापि पाण्डवो; युधिष्ठिरो ग्रन्थिकमेव नामतः
Na kataram syanmama jatu vahanam; na mesti dushta vadava kuto hayah
Janastu mamaha sa chapi pandavo; yudhishthiro granthikameva namatah
11.9
विराट उवाच
यदस्ति किंचिन्मम वाजिवाहनं; तदस्तु सर्वं त्वदधीनमद्य वै
ये चापि केचिन्मम वाजियोजका;स्त्वदाश्रयाः सारथयश्च सन्तु मे
Virata uvacha
Yadasti kinchinmama vajivahanam; tadastu sarvam tvadadhinamadya vai
Ye chapi kechinmama vajiyojaka;stvadashrayah sarathayashcha santu me
11.10
इदं तवेष्टं यदि वै सुरोपम; ब्रवीहि यत्ते प्रसमीक्षितं वसु
न तेऽनुरूपं हयकर्म विद्यते; प्रभासि राजेव हि संमतो मम
Idam taveshtam yadi vai suropama; bravihi yatte prasamikshitam vasu
Na tenurupam hayakarma vidyate; prabhasi rajeva hi sammato mama
11.11
युधिष्ठिरस्येव हि दर्शनेन मे; समं तवेदं प्रियदर्श दर्शनम्
कथं तु भृत्यैः स विनाकृतो वने; वसत्यनिन्द्यो रमते च पाण्डवः
Yudhishthirasyeva hi darshanena me; samam tavedam priyadarsha darshanam
Katham tu bhrityaih sa vinakrito vane; vasatyanindyo ramate cha pandavah
11.12
वैशंपायन उवाच
तथा स गन्धर्ववरोपमो युवा; विराटराज्ञा मुदितेन पूजितः
न चैनमन्येऽपि विदुः कथंचन; प्रियाभिरामं विचरन्तमन्तरा
Vaishampayana uvacha
Tatha sa gandharvavaropamo yuva; virataragya muditena pujitah
Na chainamanyepi viduh kathanchana; priyabhiramam vicharantamantara
11.13
एवं हि मत्स्ये न्यवसन्त पाण्डवा; यथाप्रतिज्ञाभिरमोघदर्शनाः
अज्ञातचर्यां व्यचरन्समाहिताः; समुद्रनेमीपतयोऽतिदुःखिताः
Evam hi matsye nyavasanta pandava; yathapratigyabhiramoghadarshanah
Agyatacharyam vyacharansamahitah; samudranemipatayotiduhkhitah