UtshovChapter 10
10.1
वैशंपायन उवाच
अथापरोऽदृश्यत रूपसंपदा; स्त्रीणामलंकारधरो बृहत्पुमान्
प्राकारवप्रे प्रतिमुच्य कुण्डले; दीर्घे च कम्बू परिहाटके शुभे
Vaishampayana uvacha
Athaparodrishyata rupasampada; strinamalankaradharo brihatpuman
Prakaravapre pratimuchya kundale; dirghe cha kambu parihatake shubhe
10.2
बहूंश्च दीर्घांश्च विकीर्य मूर्धजा;न्महाभुजो वारणमत्तविक्रमः
गतेन भूमिमभिकम्पयंस्तदा; विराटमासाद्य सभासमीपतः
Bahunshcha dirghanshcha vikirya murdhaja;nmahabhujo varanamattavikramah
Gatena bhumimabhikampayanstada; viratamasadya sabhasamipatah
10.3
तं प्रेक्ष्य राजोपगतं सभातले; सत्रप्रतिच्छन्नमरिप्रमाथिनम्
विराजमानं परमेण वर्चसा; सुतं महेन्द्रस्य गजेन्द्रविक्रमम्
Tam prekshya rajopagatam sabhatale; satrapratichchhannamaripramathinam
Virajamanam paramena varchasa; sutam mahendrasya gajendravikramam
10.4
सर्वानपृच्छच्च समीपचारिणः; कुतोऽयमायाति न मे पुरा श्रुतः
न चैनमूचुर्विदितं तदा नराः; सविस्मितं वाक्यमिदं नृपोऽब्रवीत्
Sarvanaprichchhachcha samipacharinah; kutoyamayati na me pura shrutah
Na chainamuchurviditam tada narah; savismitam vakyamidam nripobravit
10.5
सर्वोपपन्नः पुरुषो मनोरमः; श्यामो युवा वारणयूथपोपमः
विमुच्य कम्बू परिहाटके शुभे; विमुच्य वेणीमपिनह्य कुण्डले
Sarvopapannah purusho manoramah; shyamo yuva varanayuthapopamah
Vimuchya kambu parihatake shubhe; vimuchya venimapinahya kundale
10.6
शिखी सुकेशः परिधाय चान्यथा; भवस्व धन्वी कवची शरी तथा
आरुह्य यानं परिधावतां भवा;न्सुतैः समो मे भव वा मया समः
Shikhi sukeshah paridhaya chanyatha; bhavasva dhanvi kavachi shari tatha
Aruhya yanam paridhavatam bhava;nsutaih samo me bhava va maya samah
10.7
वृद्धो ह्यहं वै परिहारकामः; सर्वान्मत्स्यांस्तरसा पालयस्व
नैवंविधाः क्लीबरूपा भवन्ति; कथंचनेति प्रतिभाति मे मनः
Vriddho hyaham vai pariharakamah; sarvanmatsyanstarasa palayasva
Naivanvidhah klibarupa bhavanti; kathanchaneti pratibhati me manah
10.8
अर्जुन उवाच
गायामि नृत्याम्यथ वादयामि; भद्रोऽस्मि नृत्ते कुशलोऽस्मि गीते
त्वमुत्तरायाः परिदत्स्व मां स्वयं; भवामि देव्या नरदेव नर्तकः
Arjuna uvacha
Gayami nrityamyatha vadayami; bhadrosmi nritte kushalosmi gite
Tvamuttarayah paridatsva mam svayam; bhavami devya naradeva nartakah
10.9
इदं तु रूपं मम येन किं नु त;त्प्रकीर्तयित्वा भृशशोकवर्धनम्
बृहन्नडां वै नरदेव विद्धि मां; सुतं सुतां वा पितृमातृवर्जिताम्
Idam tu rupam mama yena kim nu ta;tprakirtayitva bhrishashokavardhanam
Brihannadam vai naradeva viddhi mam; sutam sutam va pitrimatrivarjitam
10.10
विराट उवाच
ददामि ते हन्त वरं बृहन्नडे; सुतां च मे नर्तय याश्च तादृशीः
इदं तु ते कर्म समं न मे मतं; समुद्रनेमिं पृथिवीं त्वमर्हसि
Virata uvacha
Dadami te hanta varam brihannade; sutam cha me nartaya yashcha tadrishih
Idam tu te karma samam na me matam; samudranemim prithivim tvamarhasi
10.11
वैशंपायन उवाच
बृहन्नडां तामभिवीक्ष्य मत्स्यरा;ट्कलासु नृत्ते च तथैव वादिते
अपुंस्त्वमप्यस्य निशम्य च स्थिरं; ततः कुमारीपुरमुत्ससर्ज तम्
Vaishampayana uvacha
Brihannadam tamabhivikshya matsyara;tkalasu nritte cha tathaiva vadite
Apunstvamapyasya nishamya cha sthiram; tatah kumaripuramutsasarja tam
10.12
स शिक्षयामास च गीतवादितं; सुतां विराटस्य धनंजयः प्रभुः
सखीश्च तस्याः परिचारिकास्तथा; प्रियश्च तासां स बभूव पाण्डवः
Sa shikshayamasa cha gitavaditam; sutam viratasya dhananjayah prabhuh
Sakhishcha tasyah paricharikastatha; priyashcha tasam sa babhuva pandavah
10.13
तथा स सत्रेण धनंजयोऽवस;त्प्रियाणि कुर्वन्सह ताभिरात्मवान्
तथागतं तत्र न जज्ञिरे जना; बहिश्चरा वाप्यथ वान्तरेचराः
Tatha sa satrena dhananjayovasa;tpriyani kurvansaha tabhiratmavan
Tathagatam tatra na jagyire jana; bahishchara vapyatha vantarecharah