UtshovChapter 95
95.1
लोमश उवाच
यदा त्वमन्यतागस्त्यो गार्हस्थ्ये तां क्षमामिति
तदाभिगम्य प्रोवाच वैदर्भं पृथिवीपतिम्
Lomasha uvacha
Yada tvamanyatagastyo garhasthye tam kshamamiti
Tadabhigamya provacha vaidarbham prithivipatim
95.2
राजन्निवेशे बुद्धिर्मे वर्तते पुत्रकारणात्
वरये त्वां महीपाल लोपामुद्रां प्रयच्छ मे
Rajanniveshe buddhirme vartate putrakaranat
Varaye tvam mahipala lopamudram prayachchha me
95.3
एवमुक्तः स मुनिना महीपालो विचेतनः
प्रत्याख्यानाय चाशक्तः प्रदातुमपि नैच्छत
Evamuktah sa munina mahipalo vichetanah
Pratyakhyanaya chashaktah pradatumapi naichchhata
95.4
ततः स भार्यामभ्येत्य प्रोवाच पृथिवीपतिः
महर्षिर्वीर्यवानेष क्रुद्धः शापाग्निना दहेत्
Tatah sa bharyamabhyetya provacha prithivipatih
Maharshirviryavanesha kruddhah shapagnina dahet
95.5
तं तथा दुःखितं दृष्ट्वा सभार्यं पृथिवीपतिम्
लोपामुद्राभिगम्येदं काले वचनमब्रवीत्
Tam tatha duhkhitam drishtva sabharyam prithivipatim
Lopamudrabhigamyedam kale vachanamabravit
95.6
न मत्कृते महीपाल पीडामभ्येतुमर्हसि
प्रयच्छ मामगस्त्याय त्राह्यात्मानं मया पितः
Na matkrite mahipala pidamabhyetumarhasi
Prayachchha mamagastyaya trahyatmanam maya pitah
95.7
दुहितुर्वचनाद्राजा सोऽगस्त्याय महात्मने
लोपामुद्रां ततः प्रादाद्विधिपूर्वं विशां पते
Duhiturvachanadraja sogastyaya mahatmane
Lopamudram tatah pradadvidhipurvam visham pate
95.8
प्राप्य भार्यामगस्त्यस्तु लोपामुद्रामभाषत
महार्हाण्युत्सृजैतानि वासांस्याभरणानि च
Prapya bharyamagastyastu lopamudramabhashata
Maharhanyutsrijaitani vasansyabharanani cha
95.9
ततः सा दर्शनीयानि महार्हाणि तनूनि च
समुत्ससर्ज रम्भोरूर्वसनान्यायतेक्षणा
Tatah sa darshaniyani maharhani tanuni cha
Samutsasarja rambhorurvasananyayatekshana
95.10
ततश्चीराणि जग्राह वल्कलान्यजिनानि च
समानव्रतचर्या च बभूवायतलोचना
Tatashchirani jagraha valkalanyajinani cha
Samanavratacharya cha babhuvayatalochana
95.11
गङ्गाद्वारमथागम्य भगवानृषिसत्तमः
उग्रमातिष्ठत तपः सह पत्न्यानुकूलया
Gangadvaramathagamya bhagavanrishisattamah
Ugramatishthata tapah saha patnyanukulaya
95.12
सा प्रीत्या बहुमानाच्च पतिं पर्यचरत्तदा
अगस्त्यश्च परां प्रीतिं भार्यायामकरोत्प्रभुः
Sa pritya bahumanachcha patim paryacharattada
Agastyashcha param pritim bharyayamakarotprabhuh
95.13
ततो बहुतिथे काले लोपामुद्रां विशां पते
तपसा द्योतितां स्नातां ददर्श भगवानृषिः
Tato bahutithe kale lopamudram visham pate
Tapasa dyotitam snatam dadarsha bhagavanrishih
95.14
स तस्याः परिचारेण शौचेन च दमेन च
श्रिया रूपेण च प्रीतो मैथुनायाजुहाव ताम्
Sa tasyah paricharena shauchena cha damena cha
Shriya rupena cha prito maithunayajuhava tam
95.15
ततः सा प्राञ्जलिर्भूत्वा लज्जमानेव भामिनी
तदा सप्रणयं वाक्यं भगवन्तमथाब्रवीत्
Tatah sa pranjalirbhutva lajjamaneva bhamini
Tada sapranayam vakyam bhagavantamathabravit
95.16
असंशयं प्रजाहेतोर्भार्यां पतिरविन्दत
या तु त्वयि मम प्रीतिस्तामृषे कर्तुमर्हसि
Asanshayam prajahetorbharyam patiravindata
Ya tu tvayi mama pritistamrishe kartumarhasi
95.17
यथा पितुर्गृहे विप्र प्रासादे शयनं मम
तथाविधे त्वं शयने मामुपैतुमिहार्हसि
Yatha piturgrihe vipra prasade shayanam mama
Tathavidhe tvam shayane mamupaitumiharhasi
95.18
इच्छामि त्वां स्रग्विणं च भूषणैश्च विभूषितम्
उपसर्तुं यथाकामं दिव्याभरणभूषिता
Ichchhami tvam sragvinam cha bhushanaishcha vibhushitam
Upasartum yathakamam divyabharanabhushita
95.19
अगस्त्य उवाच
न वै धनानि विद्यन्ते लोपामुद्रे तथा मम
यथाविधानि कल्याणि पितुस्तव सुमध्यमे
Agastya uvacha
Na vai dhanani vidyante lopamudre tatha mama
Yathavidhani kalyani pitustava sumadhyame
95.20
लोपामुद्रोवाच
ईशोऽसि तपसा सर्वं समाहर्तुमिहेश्वर
क्षणेन जीवलोके यद्वसु किंचन विद्यते
Lopamudrovacha
Ishosi tapasa sarvam samahartumiheshvara
Kshanena jivaloke yadvasu kinchana vidyate
95.21
अगस्त्य उवाच
एवमेतद्यथात्थ त्वं तपोव्ययकरं तु मे
यथा तु मे न नश्येत तपस्तन्मां प्रचोदय
Agastya uvacha
Evametadyathattha tvam tapovyayakaram tu me
Yatha tu me na nashyeta tapastanmam prachodaya
95.22
लोपामुद्रोवाच
अल्पावशिष्टः कालोऽयमृतौ मम तपोधन
न चान्यथाहमिच्छामि त्वामुपैतुं कथंचन
Lopamudrovacha
Alpavashishtah kaloyamritau mama tapodhana
Na chanyathahamichchhami tvamupaitum kathanchana
95.23
न चापि धर्ममिच्छामि विलोप्तुं ते तपोधन
एतत्तु मे यथाकामं संपादयितुमर्हसि
Na chapi dharmamichchhami viloptum te tapodhana
Etattu me yathakamam sampadayitumarhasi
95.24
अगस्त्य उवाच
यद्येष कामः सुभगे तव बुद्ध्या विनिश्चितः
हन्त गच्छाम्यहं भद्रे चर काममिह स्थिता
Agastya uvacha
Yadyesha kamah subhage tava buddhya vinishchitah
Hanta gachchhamyaham bhadre chara kamamiha sthita