Chapter 87

87.1

धौम्य उवाच
अवन्तिषु प्रतीच्यां वै कीर्तयिष्यामि ते दिशि
यानि तत्र पवित्राणि पुण्यान्यायतनानि च

Dhaumya uvacha
Avantishu pratichyam vai kirtayishyami te dishi
Yani tatra pavitrani punyanyayatanani cha

प्रियङ्ग्वाम्रवनोपेता वानीरवनमालिनी
प्रत्यक्स्रोता नदी पुण्या नर्मदा तत्र भारत

Priyangvamravanopeta vaniravanamalini
Pratyaksrota nadi punya narmada tatra bharata

निकेतः ख्यायते पुण्यो यत्र विश्रवसो मुनेः
जज्ञे धनपतिर्यत्र कुबेरो नरवाहनः

Niketah khyayate punyo yatra vishravaso muneh
Jagye dhanapatiryatra kubero naravahanah

वैडूर्यशिखरो नाम पुण्यो गिरिवरः शुभः
दिव्यपुष्पफलास्तत्र पादपा हरितच्छदाः

Vaiduryashikharo nama punyo girivarah shubhah
Divyapushpaphalastatra padapa haritachchhadah

तस्य शैलस्य शिखरे सरस्तत्र च धीमतः
प्रफुल्लनलिनं राजन्देवगन्धर्वसेवितम्

Tasya shailasya shikhare sarastatra cha dhimatah
Praphullanalinam rajandevagandharvasevitam

बह्वाश्चर्यं महाराज दृश्यते तत्र पर्वते
पुण्ये स्वर्गोपमे दिव्ये नित्यं देवर्षिसेविते

Bahvashcharyam maharaja drishyate tatra parvate
Punye svargopame divye nityam devarshisevite

ह्रदिनी पुण्यतीर्था च राजर्षेस्तत्र वै सरित्
विश्वामित्रनदी पारा पुण्या परपुरंजय

Hradini punyatirtha cha rajarshestatra vai sarit
Vishvamitranadi para punya parapuranjaya

यस्यास्तीरे सतां मध्ये ययातिर्नहुषात्मजः
पपात स पुनर्लोकाँल्लेभे धर्मान्सनातनान्

Yasyastire satam madhye yayatirnahushatmajah
Papata sa punarlokanllebhe dharmansanatanan

तत्र पुण्यह्रदस्तात मैनाकश्चैव पर्वतः
बहुमूलफलो वीर असितो नाम पर्वतः

Tatra punyahradastata mainakashchaiva parvatah
Bahumulaphalo vira asito nama parvatah

आश्रमः कक्षसेनस्य पुण्यस्तत्र युधिष्ठिर
च्यवनस्याश्रमश्चैव ख्यातः सर्वत्र पाण्डव
तत्राल्पेनैव सिध्यन्ति मानवास्तपसा विभो

Ashramah kakshasenasya punyastatra yudhishthira
Chyavanasyashramashchaiva khyatah sarvatra pandava
Tatralpenaiva sidhyanti manavastapasa vibho

जम्बूमार्गो महाराज ऋषीणां भावितात्मनाम्
आश्रमः शाम्यतां श्रेष्ठ मृगद्विजगणायुतः

Jambumargo maharaja rishinam bhavitatmanam
Ashramah shamyatam shreshtha mrigadvijaganayutah

ततः पुण्यतमा राजन्सततं तापसायुता
केतुमाला च मेध्या च गङ्गारण्यं च भूमिप
ख्यातं च सैन्धवारण्यं पुण्यं द्विजनिषेवितम्

Tatah punyatama rajansatatam tapasayuta
Ketumala cha medhya cha gangaranyam cha bhumipa
Khyatam cha saindhavaranyam punyam dvijanishevitam

पितामहसरः पुण्यं पुष्करं नाम भारत
वैखानसानां सिद्धानामृषीणामाश्रमः प्रियः

Pitamahasarah punyam pushkaram nama bharata
Vaikhanasanam siddhanamrishinamashramah priyah

अप्यत्र संस्तवार्थाय प्रजापतिरथो जगौ
पुष्करेषु कुरुश्रेष्ठ गाथां सुकृतिनां वर

Apyatra sanstavarthaya prajapatiratho jagau
Pushkareshu kurushreshtha gatham sukritinam vara

मनसाप्यभिकामस्य पुष्कराणि मनस्विनः
पापाणि विप्रणश्यन्ति नाकपृष्ठे च मोदते

Manasapyabhikamasya pushkarani manasvinah
Papani vipranashyanti nakaprishthe cha modate