UtshovChapter 86
86.1
धौम्य उवाच
दक्षिणस्यां तु पुण्यानि शृणु तीर्थानि भारत
विस्तरेण यथाबुद्धि कीर्त्यमानानि भारत
Dhaumya uvacha
Dakshinasyam tu punyani shrinu tirthani bharata
Vistarena yathabuddhi kirtyamanani bharata
86.2
यस्यामाख्यायते पुण्या दिशि गोदावरी नदी
बह्वारामा बहुजला तापसाचरिता शुभा
Yasyamakhyayate punya dishi godavari nadi
Bahvarama bahujala tapasacharita shubha
86.3
वेण्णा भीमरथी चोभे नद्यौ पापभयापहे
मृगद्विजसमाकीर्णे तापसालयभूषिते
Venna bhimarathi chobhe nadyau papabhayapahe
Mrigadvijasamakirne tapasalayabhushite
86.4
राजर्षेस्तत्र च सरिन्नृगस्य भरतर्षभ
रम्यतीर्था बहुजला पयोष्णी द्विजसेविता
Rajarshestatra cha sarinnrigasya bharatarshabha
Ramyatirtha bahujala payoshni dvijasevita
86.5
अपि चात्र महायोगी मार्कण्डेयो महातपाः
अनुवंश्यां जगौ गाथां नृगस्य धरणीपतेः
Api chatra mahayogi markandeyo mahatapah
Anuvanshyam jagau gatham nrigasya dharanipateh
86.6
नृगस्य यजमानस्य प्रत्यक्षमिति नः श्रुतम्
अमाद्यदिन्द्रः सोमेन दक्षिणाभिर्द्विजातयः
Nrigasya yajamanasya pratyakshamiti nah shrutam
Amadyadindrah somena dakshinabhirdvijatayah
86.7
माठरस्य वनं पुण्यं बहुमूलफलं शिवम्
यूपश्च भरतश्रेष्ठ वरुणस्रोतसे गिरौ
Matharasya vanam punyam bahumulaphalam shivam
Yupashcha bharatashreshtha varunasrotase girau
86.8
प्रवेण्युत्तरपार्श्वे तु पुण्ये कण्वाश्रमे तथा
तापसानामरण्यानि कीर्तितानि यथाश्रुति
Pravenyuttaraparshve tu punye kanvashrame tatha
Tapasanamaranyani kirtitani yathashruti
86.9
वेदी शूर्पारके तात जमदग्नेर्महात्मनः
रम्या पाषाणतीर्था च पुरश्चन्द्रा च भारत
Vedi shurparake tata jamadagnermahatmanah
Ramya pashanatirtha cha purashchandra cha bharata
86.10
अशोकतीर्थं मर्त्येषु कौन्तेय बहुलाश्रमम्
अगस्त्यतीर्थं पाण्ड्येषु वारुणं च युधिष्ठिर
Ashokatirtham martyeshu kaunteya bahulashramam
Agastyatirtham pandyeshu varunam cha yudhishthira
86.11
कुमार्यः कथिताः पुण्याः पाण्ड्येष्वेव नरर्षभ
ताम्रपर्णीं तु कौन्तेय कीर्तयिष्यामि तां शृणु
Kumaryah kathitah punyah pandyeshveva nararshabha
Tamraparnim tu kaunteya kirtayishyami tam shrinu
86.12
यत्र देवैस्तपस्तप्तं महदिच्छद्भिराश्रमे
गोकर्णमिति विख्यातं त्रिषु लोकेषु भारत
Yatra devaistapastaptam mahadichchhadbhirashrame
Gokarnamiti vikhyatam trishu lokeshu bharata
86.13
शीततोयो बहुजलः पुण्यस्तात शिवश्च सः
ह्रदः परमदुष्प्रापो मानुषैरकृतात्मभिः
Shitatoyo bahujalah punyastata shivashcha sah
Hradah paramadushprapo manushairakritatmabhih
86.14
तत्रैव तृणसोमाग्नेः संपन्नफलमूलवान्
आश्रमोऽगस्त्यशिष्यस्य पुण्यो देवसभे गिरौ
Tatraiva trinasomagneh sampannaphalamulavan
Ashramogastyashishyasya punyo devasabhe girau
86.15
वैडूर्यपर्वतस्तत्र श्रीमान्मणिमयः शिवः
अगस्त्यस्याश्रमश्चैव बहुमूलफलोदकः
Vaiduryaparvatastatra shrimanmanimayah shivah
Agastyasyashramashchaiva bahumulaphalodakah
86.16
सुराष्ट्रेष्वपि वक्ष्यामि पुण्यान्यायतनानि च
आश्रमान्सरितः शैलान्सरांसि च नराधिप
Surashtreshvapi vakshyami punyanyayatanani cha
Ashramansaritah shailansaransi cha naradhipa
86.17
चमसोन्मज्जनं विप्रास्तत्रापि कथयन्त्युत
प्रभासं चोदधौ तीर्थं त्रिदशानां युधिष्ठिर
Chamasonmajjanam viprastatrapi kathayantyuta
Prabhasam chodadhau tirtham tridashanam yudhishthira
86.18
तत्र पिण्डारकं नाम तापसाचरितं शुभम्
उज्जयन्तश्च शिखरी क्षिप्रं सिद्धिकरो महान्
Tatra pindarakam nama tapasacharitam shubham
Ujjayantashcha shikhari kshipram siddhikaro mahan
86.19
तत्र देवर्षिवर्येण नारदेनानुकीर्तितः
पुराणः श्रूयते श्लोकस्तं निबोध युधिष्ठिर
Tatra devarshivaryena naradenanukirtitah
Puranah shruyate shlokastam nibodha yudhishthira
86.20
पुण्ये गिरौ सुराष्ट्रेषु मृगपक्षिनिषेविते
उज्जयन्ते स्म तप्ताङ्गो नाकपृष्ठे महीयते
Punye girau surashtreshu mrigapakshinishevite
Ujjayante sma taptango nakaprishthe mahiyate
86.21
पुण्या द्वारवती तत्र यत्रास्ते मधुसूदनः
साक्षाद्देवः पुराणोऽसौ स हि धर्मः सनातनः
Punya dvaravati tatra yatraste madhusudanah
Sakshaddevah puranosau sa hi dharmah sanatanah
86.22
ये च वेदविदो विप्रा ये चाध्यात्मविदो जनाः
ते वदन्ति महात्मानं कृष्णं धर्मं सनातनम्
Ye cha vedavido vipra ye chadhyatmavido janah
Te vadanti mahatmanam krishnam dharmam sanatanam
86.23
पवित्राणां हि गोविन्दः पवित्रं परमुच्यते
पुण्यानामपि पुण्योऽसौ मङ्गलानां च मङ्गलम्
Pavitranam hi govindah pavitram paramuchyate
Punyanamapi punyosau mangalanam cha mangalam
86.24
त्रैलोक्यं पुण्डरीकाक्षो देवदेवः सनातनः
आस्ते हरिरचिन्त्यात्मा तत्रैव मधुसूदनः
Trailokyam pundarikaksho devadevah sanatanah
Aste harirachintyatma tatraiva madhusudanah