UtshovChapter 29
29.1
द्रौपद्युवाच
अत्राप्युदाहरन्तीममितिहासं पुरातनम्
प्रह्लादस्य च संवादं बलेर्वैरोचनस्य च
Draupadyuvacha
Atrapyudaharantimamitihasam puratanam
Prahladasya cha sanvadam balervairochanasya cha
29.2
असुरेन्द्रं महाप्राज्ञं धर्माणामागतागमम्
बलिः पप्रच्छ दैत्येन्द्रं प्रह्लादं पितरं पितुः
Asurendram mahapragyam dharmanamagatagamam
Balih paprachchha daityendram prahladam pitaram pituh
29.3
क्षमा स्विच्छ्रेयसी तात उताहो तेज इत्युत
एतन्मे संशयं तात यथावद्ब्रूहि पृच्छते
Kshama svichchhreyasi tata utaho teja ityuta
Etanme sanshayam tata yathavadbruhi prichchhate
29.4
श्रेयो यदत्र धर्मज्ञ ब्रूहि मे तदसंशयम्
करिष्यामि हि तत्सर्वं यथावदनुशासनम्
Shreyo yadatra dharmagya bruhi me tadasanshayam
Karishyami hi tatsarvam yathavadanushasanam
29.5
तस्मै प्रोवाच तत्सर्वमेवं पृष्टः पितामहः
सर्वनिश्चयवित्प्राज्ञः संशयं परिपृच्छते
Tasmai provacha tatsarvamevam prishtah pitamahah
Sarvanishchayavitpragyah sanshayam pariprichchhate
29.6
प्रह्लाद उवाच
न श्रेयः सततं तेजो न नित्यं श्रेयसी क्षमा
इति तात विजानीहि द्वयमेतदसंशयम्
Prahlada uvacha
Na shreyah satatam tejo na nityam shreyasi kshama
Iti tata vijanihi dvayametadasanshayam
29.7
यो नित्यं क्षमते तात बहून्दोषान्स विन्दति
भृत्याः परिभवन्त्येनमुदासीनास्तथैव च
Yo nityam kshamate tata bahundoshansa vindati
Bhrityah paribhavantyenamudasinastathaiva cha
29.8
सर्वभूतानि चाप्यस्य न नमन्ते कदाचन
तस्मान्नित्यं क्षमा तात पण्डितैरपवादिता
Sarvabhutani chapyasya na namante kadachana
Tasmannityam kshama tata panditairapavadita
29.9
अवज्ञाय हि तं भृत्या भजन्ते बहुदोषताम्
आदातुं चास्य वित्तानि प्रार्थयन्तेऽल्पचेतसः
Avagyaya hi tam bhritya bhajante bahudoshatam
Adatum chasya vittani prarthayantelpachetasah
29.10
यानं वस्त्राण्यलंकाराञ्शयनान्यासनानि च
भोजनान्यथ पानानि सर्वोपकरणानि च
Yanam vastranyalankaranshayananyasanani cha
Bhojananyatha panani sarvopakaranani cha
29.11
आददीरन्नधिकृता यथाकाममचेतसः
प्रदिष्टानि च देयानि न दद्युर्भर्तृशासनात्
Adadirannadhikrita yathakamamachetasah
Pradishtani cha deyani na dadyurbhartrishasanat
29.12
न चैनं भर्तृपूजाभिः पूजयन्ति कदाचन
अवज्ञानं हि लोकेऽस्मिन्मरणादपि गर्हितम्
Na chainam bhartripujabhih pujayanti kadachana
Avagyanam hi lokesminmaranadapi garhitam
29.13
क्षमिणं तादृशं तात ब्रुवन्ति कटुकान्यपि
प्रेष्याः पुत्राश्च भृत्याश्च तथोदासीनवृत्तयः
Kshaminam tadrisham tata bruvanti katukanyapi
Preshyah putrashcha bhrityashcha tathodasinavrittayah
29.14
अप्यस्य दारानिच्छन्ति परिभूय क्षमावतः
दाराश्चास्य प्रवर्तन्ते यथाकाममचेतसः
Apyasya daranichchhanti paribhuya kshamavatah
Darashchasya pravartante yathakamamachetasah
29.15
तथा च नित्यमुदिता यदि स्वल्पमपीश्वरात्
दण्डमर्हन्ति दुष्यन्ति दुष्टाश्चाप्यपकुर्वते
Tatha cha nityamudita yadi svalpamapishvarat
Dandamarhanti dushyanti dushtashchapyapakurvate
29.16
एते चान्ये च बहवो नित्यं दोषाः क्षमावताम्
अथ वैरोचने दोषानिमान्विद्ध्यक्षमावताम्
Ete chanye cha bahavo nityam doshah kshamavatam
Atha vairochane doshanimanviddhyakshamavatam
29.17
अस्थाने यदि वा स्थाने सततं रजसावृतः
क्रुद्धो दण्डान्प्रणयति विविधान्स्वेन तेजसा
Asthane yadi va sthane satatam rajasavritah
Kruddho dandanpranayati vividhansvena tejasa
29.18
मित्रैः सह विरोधं च प्राप्नुते तेजसावृतः
प्राप्नोति द्वेष्यतां चैव लोकात्स्वजनतस्तथा
Mitraih saha virodham cha prapnute tejasavritah
Prapnoti dveshyatam chaiva lokatsvajanatastatha
29.19
सोऽवमानादर्थहानिमुपालम्भमनादरम्
संतापद्वेषलोभांश्च शत्रूंश्च लभते नरः
Sovamanadarthahanimupalambhamanadaram
Santapadveshalobhanshcha shatrunshcha labhate narah
29.20
क्रोधाद्दण्डान्मनुष्येषु विविधान्पुरुषो नयन्
भ्रश्यते शीघ्रमैश्वर्यात्प्राणेभ्यः स्वजनादपि
Krodhaddandanmanushyeshu vividhanpurusho nayan
Bhrashyate shighramaishvaryatpranebhyah svajanadapi
29.21
योऽपकर्तॄंश्च कर्तॄंश्च तेजसैवोपगच्छति
तस्मादुद्विजते लोकः सर्पाद्वेश्मगतादिव
Yopakartrinshcha kartrinshcha tejasaivopagachchhati
Tasmadudvijate lokah sarpadveshmagatadiva
29.22
यस्मादुद्विजते लोकः कथं तस्य भवो भवेत्
अन्तरं ह्यस्य दृष्ट्वैव लोको विकुरुते ध्रुवम्
तस्मान्नात्युत्सृजेत्तेजो न च नित्यं मृदुर्भवेत्
Yasmadudvijate lokah katham tasya bhavo bhavet
Antaram hyasya drishtvaiva loko vikurute dhruvam
Tasmannatyutsrijettejo na cha nityam mridurbhavet
29.23
काले मृदुर्यो भवति काले भवति दारुणः
स वै सुखमवाप्नोति लोकेऽमुष्मिन्निहैव च
Kale mriduryo bhavati kale bhavati darunah
Sa vai sukhamavapnoti lokemushminnihaiva cha
29.24
क्षमाकालांस्तु वक्ष्यामि शृणु मे विस्तरेण तान्
ये ते नित्यमसंत्याज्या यथा प्राहुर्मनीषिणः
Kshamakalanstu vakshyami shrinu me vistarena tan
Ye te nityamasantyajya yatha prahurmanishinah
29.25
पूर्वोपकारी यस्तु स्यादपराधेऽगरीयसि
उपकारेण तत्तस्य क्षन्तव्यमपराधिनः
Purvopakari yastu syadaparadhegariyasi
Upakarena tattasya kshantavyamaparadhinah
29.26
अबुद्धिमाश्रितानां च क्षन्तव्यमपराधिनाम्
न हि सर्वत्र पाण्डित्यं सुलभं पुरुषेण वै
Abuddhimashritanam cha kshantavyamaparadhinam
Na hi sarvatra pandityam sulabham purushena vai
29.27
अथ चेद्बुद्धिजं कृत्वा ब्रूयुस्ते तदबुद्धिजम्
पापान्स्वल्पेऽपि तान्हन्यादपराधे तथानृजून्
Atha chedbuddhijam kritva bruyuste tadabuddhijam
Papansvalpepi tanhanyadaparadhe tathanrijun
29.28
सर्वस्यैकोऽपराधस्ते क्षन्तव्यः प्राणिनो भवेत्
द्वितीये सति वध्यस्तु स्वल्पेऽप्यपकृते भवेत्
Sarvasyaikoparadhaste kshantavyah pranino bhavet
Dvitiye sati vadhyastu svalpepyapakrite bhavet
29.29
अजानता भवेत्कश्चिदपराधः कृतो यदि
क्षन्तव्यमेव तस्याहुः सुपरीक्ष्य परीक्षया
Ajanata bhavetkashchidaparadhah krito yadi
Kshantavyameva tasyahuh suparikshya parikshaya
29.30
मृदुना मार्दवं हन्ति मृदुना हन्ति दारुणम्
नासाध्यं मृदुना किंचित्तस्मात्तीक्ष्णतरो मृदुः
Mriduna mardavam hanti mriduna hanti darunam
Nasadhyam mriduna kinchittasmattikshnataro mriduh
29.31
देशकालौ तु संप्रेक्ष्य बलाबलमथात्मनः
नादेशकाले किंचित्स्याद्देशः कालः प्रतीक्ष्यते
तथा लोकभयाच्चैव क्षन्तव्यमपराधिनः
Deshakalau tu samprekshya balabalamathatmanah
Nadeshakale kinchitsyaddeshah kalah pratikshyate
Tatha lokabhayachchaiva kshantavyamaparadhinah
29.32
एत एवंविधाः कालाः क्षमायाः परिकीर्तिताः
अतोऽन्यथानुवर्तत्सु तेजसः काल उच्यते
Eta evanvidhah kalah kshamayah parikirtitah
Atonyathanuvartatsu tejasah kala uchyate
29.33
द्रौपद्युवाच
तदहं तेजसः कालं तव मन्ये नराधिप
धार्तराष्ट्रेषु लुब्धेषु सततं चापकारिषु
Draupadyuvacha
Tadaham tejasah kalam tava manye naradhipa
Dhartarashtreshu lubdheshu satatam chapakarishu
29.34
न हि कश्चित्क्षमाकालो विद्यतेऽद्य कुरून्प्रति
तेजसश्चागते काले तेज उत्स्रष्टुमर्हसि
Na hi kashchitkshamakalo vidyatedya kurunprati
Tejasashchagate kale teja utsrashtumarhasi
29.35
मृदुर्भवत्यवज्ञातस्तीक्ष्णादुद्विजते जनः
काले प्राप्ते द्वयं ह्येतद्यो वेद स महीपतिः
Mridurbhavatyavagyatastikshnadudvijate janah
Kale prapte dvayam hyetadyo veda sa mahipatih