UtshovChapter 286
286.1
कर्ण उवाच
भगवन्तमहं भक्तो यथा मां वेत्थ गोपते
तथा परमतिग्मांशो नान्यं देवं कथंचन
Karna uvacha
Bhagavantamaham bhakto yatha mam vettha gopate
Tatha paramatigmansho nanyam devam kathanchana
286.2
न मे दारा न मे पुत्रा न चात्मा सुहृदो न च
तथेष्टा वै सदा भक्त्या यथा त्वं गोपते मम
Na me dara na me putra na chatma suhrido na cha
Tatheshta vai sada bhaktya yatha tvam gopate mama
286.3
इष्टानां च महात्मानो भक्तानां च न संशयः
कुर्वन्ति भक्तिमिष्टां च जानीषे त्वं च भास्कर
Ishtanam cha mahatmano bhaktanam cha na sanshayah
Kurvanti bhaktimishtam cha janishe tvam cha bhaskara
286.4
इष्टो भक्तश्च मे कर्णो न चान्यद्दैवतं दिवि
जानीत इति वै कृत्वा भगवानाह मद्धितम्
Ishto bhaktashcha me karno na chanyaddaivatam divi
Janita iti vai kritva bhagavanaha maddhitam
286.5
भूयश्च शिरसा याचे प्रसाद्य च पुनः पुनः
इति ब्रवीमि तिग्मांशो त्वं तु मे क्षन्तुमर्हसि
Bhuyashcha shirasa yache prasadya cha punah punah
Iti bravimi tigmansho tvam tu me kshantumarhasi
286.6
बिभेमि न तथा मृत्योर्यथा बिभ्येऽनृतादहम्
विशेषेण द्विजातीनां सर्वेषां सर्वदा सताम्
प्रदाने जीवितस्यापि न मेऽत्रास्ति विचारणा
Bibhemi na tatha mrityoryatha bibhyenritadaham
Visheshena dvijatinam sarvesham sarvada satam
Pradane jivitasyapi na metrasti vicharana
286.7
यच्च मामात्थ देव त्वं पाण्डवं फल्गुनं प्रति
व्येतु संतापजं दुःखं तव भास्कर मानसम्
अर्जुनं प्रति मां चैव विजेष्यामि रणेऽर्जुनम्
Yachcha mamattha deva tvam pandavam phalgunam prati
Vyetu santapajam duhkham tava bhaskara manasam
Arjunam prati mam chaiva vijeshyami ranerjunam
286.8
तवापि विदितं देव ममाप्यस्त्रबलं महत्
जामदग्न्यादुपात्तं यत्तथा द्रोणान्महात्मनः
Tavapi viditam deva mamapyastrabalam mahat
Jamadagnyadupattam yattatha dronanmahatmanah
286.9
इदं त्वमनुजानीहि सुरश्रेष्ठ व्रतं मम
भिक्षते वज्रिणे दद्यामपि जीवितमात्मनः
Idam tvamanujanihi surashreshtha vratam mama
Bhikshate vajrine dadyamapi jivitamatmanah
286.10
सूर्य उवाच
यदि तात ददास्येते वज्रिणे कुण्डले शुभे
त्वमप्येनमथो ब्रूया विजयार्थं महाबल
Surya uvacha
Yadi tata dadasyete vajrine kundale shubhe
Tvamapyenamatho bruya vijayartham mahabala
286.11
नियमेन प्रदद्यास्त्वं कुण्डले वै शतक्रतोः
अवध्यो ह्यसि भूतानां कुण्डलाभ्यां समन्वितः
Niyamena pradadyastvam kundale vai shatakratoh
Avadhyo hyasi bhutanam kundalabhyam samanvitah
286.12
अर्जुनेन विनाशं हि तव दानवसूदनः
प्रार्थयानो रणे वत्स कुण्डले ते जिहीर्षति
Arjunena vinasham hi tava danavasudanah
Prarthayano rane vatsa kundale te jihirshati
286.13
स त्वमप्येनमाराध्य सूनृताभिः पुनः पुनः
अभ्यर्थयेथा देवेशममोघार्थं पुरंदरम्
Sa tvamapyenamaradhya sunritabhih punah punah
Abhyarthayetha deveshamamoghartham purandaram
286.14
अमोघां देहि मे शक्तिममित्रविनिबर्हिणीम्
दास्यामि ते सहस्राक्ष कुण्डले वर्म चोत्तमम्
Amogham dehi me shaktimamitravinibarhinim
Dasyami te sahasraksha kundale varma chottamam
286.15
इत्येवं नियमेन त्वं दद्याः शक्राय कुण्डले
तया त्वं कर्ण संग्रामे हनिष्यसि रणे रिपून्
Ityevam niyamena tvam dadyah shakraya kundale
Taya tvam karna sangrame hanishyasi rane ripun
286.16
नाहत्वा हि महाबाहो शत्रूनेति करं पुनः
सा शक्तिर्देवराजस्य शतशोऽथ सहस्रशः
Nahatva hi mahabaho shatruneti karam punah
Sa shaktirdevarajasya shatashotha sahasrashah
286.17
वैशंपायन उवाच
एवमुक्त्वा सहस्रांशुः सहसान्तरधीयत
ततः सूर्याय जप्यान्ते कर्णः स्वप्नं न्यवेदयत्
Vaishampayana uvacha
Evamuktva sahasranshuh sahasantaradhiyata
Tatah suryaya japyante karnah svapnam nyavedayat
286.18
यथादृष्टं यथातत्त्वं यथोक्तमुभयोर्निशि
तत्सर्वमानुपूर्व्येण शशंसास्मै वृषस्तदा
Yathadrishtam yathatattvam yathoktamubhayornishi
Tatsarvamanupurvyena shashansasmai vrishastada
286.19
तच्छ्रुत्वा भगवान्देवो भानुः स्वर्भानुसूदनः
उवाच तं तथेत्येव कर्णं सूर्यः स्मयन्निव
Tachchhrutva bhagavandevo bhanuh svarbhanusudanah
Uvacha tam tathetyeva karnam suryah smayanniva
286.20
ततस्तत्त्वमिति ज्ञात्वा राधेयः परवीरहा
शक्तिमेवाभिकाङ्क्षन्वै वासवं प्रत्यपालयत्
Tatastattvamiti gyatva radheyah paraviraha
Shaktimevabhikankshanvai vasavam pratyapalayat