Chapter 260

260.1

मार्कण्डेय उवाच
ततो ब्रह्मर्षयः सिद्धा देवराजर्षयस्तथा
हव्यवाहं पुरस्कृत्य ब्रह्माणं शरणं गताः

Markandeya uvacha
Tato brahmarshayah siddha devarajarshayastatha
Havyavaham puraskritya brahmanam sharanam gatah

अग्निरुवाच
यः स विश्रवसः पुत्रो दशग्रीवो महाबलः
अवध्यो वरदानेन कृतो भगवता पुरा

Agniruvacha
Yah sa vishravasah putro dashagrivo mahabalah
Avadhyo varadanena krito bhagavata pura

स बाधते प्रजाः सर्वा विप्रकारैर्महाबलः
ततो नस्त्रातु भगवन्नान्यस्त्राता हि विद्यते

Sa badhate prajah sarva viprakarairmahabalah
Tato nastratu bhagavannanyastrata hi vidyate

ब्रह्मोवाच
न स देवासुरैः शक्यो युद्धे जेतुं विभावसो
विहितं तत्र यत्कार्यमभितस्तस्य निग्रहे

Brahmovacha
Na sa devasuraih shakyo yuddhe jetum vibhavaso
Vihitam tatra yatkaryamabhitastasya nigrahe

तदर्थमवतीर्णोऽसौ मन्नियोगाच्चतुर्भुजः
विष्णुः प्रहरतां श्रेष्ठः स कर्मैतत्करिष्यति

Tadarthamavatirnosau manniyogachchaturbhujah
Vishnuh praharatam shreshthah sa karmaitatkarishyati

मार्कण्डेय उवाच
पितामहस्ततस्तेषां संनिधौ वाक्यमब्रवीत्
सर्वैर्देवगणैः सार्धं संभवध्वं महीतले

Markandeya uvacha
Pitamahastatastesham sannidhau vakyamabravit
Sarvairdevaganaih sardham sambhavadhvam mahitale

विष्णोः सहायानृक्षीषु वानरीषु च सर्वशः
जनयध्वं सुतान्वीरान्कामरूपबलान्वितान्

Vishnoh sahayanrikshishu vanarishu cha sarvashah
Janayadhvam sutanvirankamarupabalanvitan

ततो भागानुभागेन देवगन्धर्वदानवाः
अवतर्तुं महीं सर्वे रञ्जयामासुरञ्जसा

Tato bhaganubhagena devagandharvadanavah
Avatartum mahim sarve ranjayamasuranjasa

तेषां समक्षं गन्धर्वीं दुन्दुभीं नाम नामतः
शशास वरदो देवो देवकार्यार्थसिद्धये

Tesham samaksham gandharvim dundubhim nama namatah
Shashasa varado devo devakaryarthasiddhaye

पितामहवचः श्रुत्वा गन्धर्वी दुन्दुभी ततः
मन्थरा मानुषे लोके कुब्जा समभवत्तदा

Pitamahavachah shrutva gandharvi dundubhi tatah
Manthara manushe loke kubja samabhavattada

शक्रप्रभृतयश्चैव सर्वे ते सुरसत्तमाः
वानरर्क्षवरस्त्रीषु जनयामासुरात्मजान्
तेऽन्ववर्तन्पितॄन्सर्वे यशसा च बलेन च

Shakraprabhritayashchaiva sarve te surasattamah
Vanararkshavarastrishu janayamasuratmajan
Tenvavartanpitrinsarve yashasa cha balena cha

भेत्तारो गिरिशृङ्गाणां शालतालशिलायुधाः
वज्रसंहननाः सर्वे सर्वे चौघबलास्तथा

Bhettaro girishringanam shalatalashilayudhah
Vajrasanhananah sarve sarve chaughabalastatha

कामवीर्यधराश्चैव सर्वे युद्धविशारदाः
नागायुतसमप्राणा वायुवेगसमा जवे
यत्रेच्छकनिवासाश्च केचिदत्र वनौकसः

Kamaviryadharashchaiva sarve yuddhavisharadah
Nagayutasamaprana vayuvegasama jave
Yatrechchhakanivasashcha kechidatra vanaukasah

एवं विधाय तत्सर्वं भगवाँल्लोकभावनः
मन्थरां बोधयामास यद्यत्कार्यं यथा यथा

Evam vidhaya tatsarvam bhagavanllokabhavanah
Mantharam bodhayamasa yadyatkaryam yatha yatha

सा तद्वचनमाज्ञाय तथा चक्रे मनोजवा
इतश्चेतश्च गच्छन्ती वैरसंधुक्षणे रता

Sa tadvachanamagyaya tatha chakre manojava
Itashchetashcha gachchhanti vairasandhukshane rata