UtshovChapter 250
250.1
वैशंपायन उवाच
अथाब्रवीद्द्रौपदी राजपुत्री; पृष्टा शिबीनां प्रवरेण तेन
अवेक्ष्य मन्दं प्रविमुच्य शाखां; संगृह्णती कौशिकमुत्तरीयम्
Vaishampayana uvacha
Athabraviddraupadi rajaputri; prishta shibinam pravarena tena
Avekshya mandam pravimuchya shakham; sangrihnati kaushikamuttariyam
250.2
बुद्ध्याभिजानामि नरेन्द्रपुत्र; न मादृशी त्वामभिभाष्टुमर्हा
न त्वेह वक्तास्ति तवेह वाक्य;मन्यो नरो वाप्यथ वापि नारी
Buddhyabhijanami narendraputra; na madrishi tvamabhibhashtumarha
Na tveha vaktasti taveha vakya;manyo naro vapyatha vapi nari
250.3
एका ह्यहं संप्रति तेन वाचं; ददानि वै भद्र निबोध चेदम्
अहं ह्यरण्ये कथमेकमेका; त्वामालपेयं निरता स्वधर्मे
Eka hyaham samprati tena vacham; dadani vai bhadra nibodha chedam
Aham hyaranye kathamekameka; tvamalapeyam nirata svadharme
250.4
जानामि च त्वां सुरथस्य पुत्रं; यं कोटिकाश्येति विदुर्मनुष्याः
तस्मादहं शैब्य तथैव तुभ्य;माख्यामि बन्धून्प्रति तन्निबोध
Janami cha tvam surathasya putram; yam kotikashyeti vidurmanushyah
Tasmadaham shaibya tathaiva tubhya;makhyami bandhunprati tannibodha
250.5
अपत्यमस्मि द्रुपदस्य राज्ञः; कृष्णेति मां शैब्य विदुर्मनुष्याः
साहं वृणे पञ्च जनान्पतित्वे; ये खाण्डवप्रस्थगताः श्रुतास्ते
Apatyamasmi drupadasya ragyah; krishneti mam shaibya vidurmanushyah
Saham vrine pancha jananpatitve; ye khandavaprasthagatah shrutaste
250.6
युधिष्ठिरो भीमसेनार्जुनौ च; माद्र्याश्च पुत्रौ पुरुषप्रवीरौ
ते मां निवेश्येह दिशश्चतस्रो; विभज्य पार्था मृगयां प्रयाताः
Yudhishthiro bhimasenarjunau cha; madryashcha putrau purushapravirau
Te mam niveshyeha dishashchatasro; vibhajya partha mrigayam prayatah
250.7
प्राचीं राजा दक्षिणां भीमसेनो; जयः प्रतीचीं यमजावुदीचीम्
मन्ये तु तेषां रथसत्तमानां; कालोऽभितः प्राप्त इहोपयातुम्
Prachim raja dakshinam bhimaseno; jayah pratichim yamajavudichim
Manye tu tesham rathasattamanam; kalobhitah prapta ihopayatum
250.8
संमानिता यास्यथ तैर्यथेष्टं; विमुच्य वाहानवगाहयध्वम्
प्रियातिथिर्धर्मसुतो महात्मा; प्रीतो भविष्यत्यभिवीक्ष्य युष्मान्
Sammanita yasyatha tairyatheshtam; vimuchya vahanavagahayadhvam
Priyatithirdharmasuto mahatma; prito bhavishyatyabhivikshya yushman
250.9
एतावदुक्त्वा द्रुपदात्मजा सा; शैब्यात्मजं चन्द्रमुखी प्रतीता
विवेश तां पर्णकुटीं प्रशस्तां; संचिन्त्य तेषामतिथिस्वधर्मम्
Etavaduktva drupadatmaja sa; shaibyatmajam chandramukhi pratita
Vivesha tam parnakutim prashastam; sanchintya teshamatithisvadharmam