UtshovChapter 249
249.1
कोटिकाश्य उवाच
का त्वं कदम्बस्य विनम्य शाखा;मेकाश्रमे तिष्ठसि शोभमाना
देदीप्यमानाग्निशिखेव नक्तं; दोधूयमाना पवनेन सुभ्रूः
Kotikashya uvacha
Ka tvam kadambasya vinamya shakha;mekashrame tishthasi shobhamana
Dedipyamanagnishikheva naktam; dodhuyamana pavanena subhruh
249.2
अतीव रूपेण समन्विता त्वं; न चाप्यरण्येषु बिभेषि किं नु
देवी नु यक्षी यदि दानवी वा; वराप्सरा दैत्यवराङ्गना वा
Ativa rupena samanvita tvam; na chapyaranyeshu bibheshi kim nu
Devi nu yakshi yadi danavi va; varapsara daityavarangana va
249.3
वपुष्मती वोरगराजकन्या; वनेचरी वा क्षणदाचरस्त्री
यद्येव राज्ञो वरुणस्य पत्नी; यमस्य सोमस्य धनेश्वरस्य
Vapushmati voragarajakanya; vanechari va kshanadacharastri
Yadyeva ragyo varunasya patni; yamasya somasya dhaneshvarasya
249.4
धातुर्विधातुः सवितुर्विभोर्वा; शक्रस्य वा त्वं सदनात्प्रपन्ना
न ह्येव नः पृच्छसि ये वयं स्म; न चापि जानीम तवेह नाथम्
Dhaturvidhatuh saviturvibhorva; shakrasya va tvam sadanatprapanna
Na hyeva nah prichchhasi ye vayam sma; na chapi janima taveha natham
249.5
वयं हि मानं तव वर्धयन्तः; पृच्छाम भद्रे प्रभवं प्रभुं च
आचक्ष्व बन्धूंश्च पतिं कुलं च; तत्त्वेन यच्चेह करोषि कार्यम्
Vayam hi manam tava vardhayantah; prichchhama bhadre prabhavam prabhum cha
Achakshva bandhunshcha patim kulam cha; tattvena yachcheha karoshi karyam
249.6
अहं तु राज्ञः सुरथस्य पुत्रो; यं कोटिकाश्येति विदुर्मनुष्याः
असौ तु यस्तिष्ठति काञ्चनाङ्गे; रथे हुतोऽग्निश्चयने यथैव
त्रिगर्तराजः कमलायताक्षि; क्षेमंकरो नाम स एष वीरः
Aham tu ragyah surathasya putro; yam kotikashyeti vidurmanushyah
Asau tu yastishthati kanchanange; rathe hutognishchayane yathaiva
Trigartarajah kamalayatakshi; kshemankaro nama sa esha virah
249.7
अस्मात्परस्त्वेष महाधनुष्मा;न्पुत्रः कुणिन्दाधिपतेर्वरिष्ठः
निरीक्षते त्वां विपुलायतांसः; सुविस्मितः पर्वतवासनित्यः
Asmatparastvesha mahadhanushma;nputrah kunindadhipatervarishthah
Nirikshate tvam vipulayatansah; suvismitah parvatavasanityah
249.8
असौ तु यः पुष्करिणीसमीपे; श्यामो युवा तिष्ठति दर्शनीयः
इक्ष्वाकुराज्ञः सुबलस्य पुत्रः; स एष हन्ता द्विषतां सुगात्रि
Asau tu yah pushkarinisamipe; shyamo yuva tishthati darshaniyah
Ikshvakuragyah subalasya putrah; sa esha hanta dvishatam sugatri
249.9
यस्यानुयात्रं ध्वजिनः प्रयान्ति; सौवीरका द्वादश राजपुत्राः
शोणाश्वयुक्तेषु रथेषु सर्वे; मखेषु दीप्ता इव हव्यवाहाः
Yasyanuyatram dhvajinah prayanti; sauviraka dvadasha rajaputrah
Shonashvayukteshu ratheshu sarve; makheshu dipta iva havyavahah
249.10
अङ्गारकः कुञ्जरगुप्तकश्च; शत्रुंजयः संजयसुप्रवृद्धौ
प्रभंकरोऽथ भ्रमरो रविश्च; शूरः प्रतापः कुहरश्च नाम
Angarakah kunjaraguptakashcha; shatrunjayah sanjayasupravriddhau
Prabhankarotha bhramaro ravishcha; shurah pratapah kuharashcha nama
249.11
यं षट्सहस्रा रथिनोऽनुयान्ति; नागा हयाश्चैव पदातिनश्च
जयद्रथो नाम यदि श्रुतस्ते; सौवीरराजः सुभगे स एषः
Yam shatsahasra rathinonuyanti; naga hayashchaiva padatinashcha
Jayadratho nama yadi shrutaste; sauvirarajah subhage sa eshah
249.12
तस्यापरे भ्रातरोऽदीनसत्त्वा; बलाहकानीकविदारणाध्याः
सौवीरवीराः प्रवरा युवानो; राजानमेते बलिनोऽनुयान्ति
Tasyapare bhratarodinasattva; balahakanikavidaranadhyah
Sauviravirah pravara yuvano; rajanamete balinonuyanti
249.13
एतैः सहायैरुपयाति राजा; मरुद्गणैरिन्द्र इवाभिगुप्तः
अजानतां ख्यापय नः सुकेशि; कस्यासि भार्या दुहिता च कस्य
Etaih sahayairupayati raja; marudganairindra ivabhiguptah
Ajanatam khyapaya nah sukeshi; kasyasi bharya duhita cha kasya