UtshovChapter 244
244.1
जनमेजय उवाच
दुर्योधनं मोचयित्वा पाण्डुपुत्रा महाबलाः
किमकार्षुर्वने तस्मिंस्तन्ममाख्यातुमर्हसि
Janamejaya uvacha
Duryodhanam mochayitva panduputra mahabalah
Kimakarshurvane tasminstanmamakhyatumarhasi
244.2
वैशंपायन उवाच
ततः शयानं कौन्तेयं रात्रौ द्वैतवने मृगाः
स्वप्नान्ते दर्शयामासुर्बाष्पकण्ठा युधिष्ठिरम्
Vaishampayana uvacha
Tatah shayanam kaunteyam ratrau dvaitavane mrigah
Svapnante darshayamasurbashpakantha yudhishthiram
244.3
तानब्रवीत्स राजेन्द्रो वेपमानान्कृताञ्जलीन्
ब्रूत यद्वक्तुकामाः स्थ के भवन्तः किमिष्यते
Tanabravitsa rajendro vepamanankritanjalin
Bruta yadvaktukamah stha ke bhavantah kimishyate
244.4
एवमुक्ताः पाण्डवेन कौन्तेयेन यशस्विना
प्रत्यब्रुवन्मृगास्तत्र हतशेषा युधिष्ठिरम्
Evamuktah pandavena kaunteyena yashasvina
Pratyabruvanmrigastatra hatashesha yudhishthiram
244.5
वयं मृगा द्वैतवने हतशिष्टाः स्म भारत
नोत्सीदेम महाराज क्रियतां वासपर्ययः
Vayam mriga dvaitavane hatashishtah sma bharata
Notsidema maharaja kriyatam vasaparyayah
244.6
भवन्तो भ्रातरः शूराः सर्व एवास्त्रकोविदाः
कुलान्यल्पावशिष्टानि कृतवन्तो वनौकसाम्
Bhavanto bhratarah shurah sarva evastrakovidah
Kulanyalpavashishtani kritavanto vanaukasam
244.7
बीजभूता वयं केचिदवशिष्टा महामते
विवर्धेमहि राजेन्द्र प्रसादात्ते युधिष्ठिर
Bijabhuta vayam kechidavashishta mahamate
Vivardhemahi rajendra prasadatte yudhishthira
244.8
तान्वेपमानान्वित्रस्तान्बीजमात्रावशेषितान्
मृगान्दृष्ट्वा सुदुःखार्तो धर्मराजो युधिष्ठिरः
Tanvepamananvitrastanbijamatravasheshitan
Mrigandrishtva suduhkharto dharmarajo yudhishthirah
244.9
तांस्तथेत्यब्रवीद्राजा सर्वभूतहिते रतः
तथ्यं भवन्तो ब्रुवते करिष्यामि च तत्तथा
Tanstathetyabravidraja sarvabhutahite ratah
Tathyam bhavanto bruvate karishyami cha tattatha
244.10
इत्येवं प्रतिबुद्धः स रात्र्यन्ते राजसत्तमः
अब्रवीत्सहितान्भ्रातॄन्दयापन्नो मृगान्प्रति
Ityevam pratibuddhah sa ratryante rajasattamah
Abravitsahitanbhratrindayapanno mriganprati
244.11
उक्तो रात्रौ मृगैरस्मि स्वप्नान्ते हतशेषितैः
तनुभूताः स्म भद्रं ते दया नः क्रियतामिति
Ukto ratrau mrigairasmi svapnante hatasheshitaih
Tanubhutah sma bhadram te daya nah kriyatamiti
244.12
ते सत्यमाहुः कर्तव्या दयास्माभिर्वनौकसाम्
साष्टमासं हि नो वर्षं यदेनानुपयुञ्ज्महे
Te satyamahuh kartavya dayasmabhirvanaukasam
Sashtamasam hi no varsham yadenanupayunjmahe
244.13
पुनर्बहुमृगं रम्यं काम्यकं काननोत्तमम्
मरुभूमेः शिरः ख्यातं तृणबिन्दुसरः प्रति
तत्रेमा वसतीः शिष्टा विहरन्तो रमेमहि
Punarbahumrigam ramyam kamyakam kananottamam
Marubhumeh shirah khyatam trinabindusarah prati
Tatrema vasatih shishta viharanto ramemahi
244.14
ततस्ते पाण्डवाः शीघ्रं प्रययुर्धर्मकोविदाः
ब्राह्मणैः सहिता राजन्ये च तत्र सहोषिताः
इन्द्रसेनादिभिश्चैव प्रेष्यैरनुगतास्तदा
Tataste pandavah shighram prayayurdharmakovidah
Brahmanaih sahita rajanye cha tatra sahoshitah
Indrasenadibhishchaiva preshyairanugatastada
244.15
ते यात्वानुसृतैर्मार्गैः स्वन्नैः शुचिजलान्वितैः
ददृशुः काम्यकं पुण्यमाश्रमं तापसायुतम्
Te yatvanusritairmargaih svannaih shuchijalanvitaih
Dadrishuh kamyakam punyamashramam tapasayutam
244.16
विविशुस्ते स्म कौरव्या वृता विप्रर्षभैस्तदा
तद्वनं भरतश्रेष्ठाः स्वर्गं सुकृतिनो यथा
Vivishuste sma kauravya vrita viprarshabhaistada
Tadvanam bharatashreshthah svargam sukritino yatha