Chapter 237

237.1

दुर्योधन उवाच
अजानतस्ते राधेय नाभ्यसूयाम्यहं वचः
जानासि त्वं जिताञ्शत्रून्गन्धर्वांस्तेजसा मया

Duryodhana uvacha
Ajanataste radheya nabhyasuyamyaham vachah
Janasi tvam jitanshatrungandharvanstejasa maya

आयोधितास्तु गन्धर्वाः सुचिरं सोदरैर्मम
मया सह महाबाहो कृतश्चोभयतः क्षयः

Ayodhitastu gandharvah suchiram sodarairmama
Maya saha mahabaho kritashchobhayatah kshayah

मायाधिकास्त्वयुध्यन्त यदा शूरा वियद्गताः
तदा नो नसमं युद्धमभवत्सह खेचरैः

Mayadhikastvayudhyanta yada shura viyadgatah
Tada no nasamam yuddhamabhavatsaha khecharaih

पराजयं च प्राप्ताः स्म रणे बन्धनमेव च
सभृत्यामात्यपुत्राश्च सदारधनवाहनाः
उच्चैराकाशमार्गेण ह्रियामस्तैः सुदुःखिताः

Parajayam cha praptah sma rane bandhanameva cha
Sabhrityamatyaputrashcha sadaradhanavahanah
Uchchairakashamargena hriyamastaih suduhkhitah

अथ नः सैनिकाः केचिदमात्याश्च महारथान्
उपगम्याब्रुवन्दीनाः पाण्डवाञ्शरणप्रदान्

Atha nah sainikah kechidamatyashcha maharathan
Upagamyabruvandinah pandavansharanapradan

एष दुर्योधनो राजा धार्तराष्ट्रः सहानुजः
सामात्यदारो ह्रियते गन्धर्वैर्दिवमास्थितैः

Esha duryodhano raja dhartarashtrah sahanujah
Samatyadaro hriyate gandharvairdivamasthitaih

तं मोक्षयत भद्रं वः सहदारं नराधिपम्
परामर्शो मा भविष्यत्कुरुदारेषु सर्वशः

Tam mokshayata bhadram vah sahadaram naradhipam
Paramarsho ma bhavishyatkurudareshu sarvashah

एवमुक्ते तु धर्मात्मा ज्येष्ठः पाण्डुसुतस्तदा
प्रसाद्य सोदरान्सर्वानाज्ञापयत मोक्षणे

Evamukte tu dharmatma jyeshthah pandusutastada
Prasadya sodaransarvanagyapayata mokshane

अथागम्य तमुद्देशं पाण्डवाः पुरुषर्षभाः
सान्त्वपूर्वमयाचन्त शक्ताः सन्तो महारथाः

Athagamya tamuddesham pandavah purusharshabhah
Santvapurvamayachanta shaktah santo maharathah

यदा चास्मान्न मुमुचुर्गन्धर्वाः सान्त्विता अपि
ततोऽर्जुनश्च भीमश्च यमजौ च बलोत्कटौ
मुमुचुः शरवर्षाणि गन्धर्वान्प्रत्यनेकशः

Yada chasmanna mumuchurgandharvah santvita api
Tatorjunashcha bhimashcha yamajau cha balotkatau
Mumuchuh sharavarshani gandharvanpratyanekashah

अथ सर्वे रणं मुक्त्वा प्रयाताः खचरा दिवम्
अस्मानेवाभिकर्षन्तो दीनान्मुदितमानसाः

Atha sarve ranam muktva prayatah khachara divam
Asmanevabhikarshanto dinanmuditamanasah

ततः समन्तात्पश्यामि शरजालेन वेष्टितम्
अमानुषाणि चास्त्राणि प्रयुञ्जानं धनंजयम्

Tatah samantatpashyami sharajalena veshtitam
Amanushani chastrani prayunjanam dhananjayam

समावृता दिशो दृष्ट्वा पाण्डवेन शितैः शरैः
धनंजयसखात्मानं दर्शयामास वै तदा

Samavrita disho drishtva pandavena shitaih sharaih
Dhananjayasakhatmanam darshayamasa vai tada

चित्रसेनः पाण्डवेन समाश्लिष्य परंतपः
कुशलं परिपप्रच्छ तैः पृष्टश्चाप्यनामयम्

Chitrasenah pandavena samashlishya parantapah
Kushalam paripaprachchha taih prishtashchapyanamayam

ते समेत्य तथान्योन्यं संनाहान्विप्रमुच्य च
एकीभूतास्ततो वीरा गन्धर्वाः सह पाण्डवैः
अपूजयेतामन्योन्यं चित्रसेनधनंजयौ

Te sametya tathanyonyam sannahanvipramuchya cha
Ekibhutastato vira gandharvah saha pandavaih
Apujayetamanyonyam chitrasenadhananjayau