UtshovChapter 179
179.1
वैशंपायन उवाच
निदाघान्तकरः कालः सर्वभूतसुखावहः
तत्रैव वसतां तेषां प्रावृट्समभिपद्यत
Vaishampayana uvacha
Nidaghantakarah kalah sarvabhutasukhavahah
Tatraiva vasatam tesham pravritsamabhipadyata
179.2
छादयन्तो महाघोषाः खं दिशश्च बलाहकाः
प्रववर्षुर्दिवारात्रमसिताः सततं तदा
Chhadayanto mahaghoshah kham dishashcha balahakah
Pravavarshurdivaratramasitah satatam tada
179.3
तपात्ययनिकेताश्च शतशोऽथ सहस्रशः
अपेतार्कप्रभाजालाः सविद्युद्विमलप्रभाः
Tapatyayaniketashcha shatashotha sahasrashah
Apetarkaprabhajalah savidyudvimalaprabhah
179.4
विरूढशष्पा पृथिवी मत्तदंशसरीसृपा
बभूव पयसा सिक्ता शान्तधूमरजोऽरुणा
Virudhashashpa prithivi mattadanshasarisripa
Babhuva payasa sikta shantadhumarajoruna
179.5
न स्म प्रज्ञायते किंचिदम्भसा समवस्तृते
समं वा विषमं वापि नद्यो वा स्थावराणि वा
Na sma pragyayate kinchidambhasa samavastrite
Samam va vishamam vapi nadyo va sthavarani va
179.6
क्षुब्धतोया महाघोषाः श्वसमाना इवाशुगाः
सिन्धवः शोभयां चक्रुः काननानि तपात्यये
Kshubdhatoya mahaghoshah shvasamana ivashugah
Sindhavah shobhayam chakruh kananani tapatyaye
179.7
नदतां काननान्तेषु श्रूयन्ते विविधाः स्वनाः
वृष्टिभिस्ताड्यमानानां वराहमृगपक्षिणाम्
Nadatam kanananteshu shruyante vividhah svanah
Vrishtibhistadyamananam varahamrigapakshinam
179.8
स्तोककाः शिखिनश्चैव पुंस्कोकिलगणैः सह
मत्ताः परिपतन्ति स्म दर्दुराश्चैव दर्पिताः
Stokakah shikhinashchaiva punskokilaganaih saha
Mattah paripatanti sma dardurashchaiva darpitah
179.9
तथा बहुविधाकारा प्रावृण्मेघानुनादिता
अभ्यतीता शिवा तेषां चरतां मरुधन्वसु
Tatha bahuvidhakara pravrinmeghanunadita
Abhyatita shiva tesham charatam marudhanvasu
179.10
क्रौञ्चहंसगणाकीर्णा शरत्प्रणिहिताभवत्
रूढकक्षवनप्रस्था प्रसन्नजलनिम्नगा
Kraunchahansaganakirna sharatpranihitabhavat
Rudhakakshavanaprastha prasannajalanimnaga
179.11
विमलाकाशनक्षत्रा शरत्तेषां शिवाभवत्
मृगद्विजसमाकीर्णा पाण्डवानां महात्मनाम्
Vimalakashanakshatra sharattesham shivabhavat
Mrigadvijasamakirna pandavanam mahatmanam
179.12
पश्यन्तः शान्तरजसः क्षपा जलदशीतलाः
ग्रहनक्षत्रसंघैश्च सोमेन च विराजिताः
Pashyantah shantarajasah kshapa jaladashitalah
Grahanakshatrasanghaishcha somena cha virajitah
179.13
कुमुदैः पुण्डरीकैश्च शीतवारिधराः शिवाः
नदीः पुष्करिणीश्चैव ददृशुः समलंकृताः
Kumudaih pundarikaishcha shitavaridharah shivah
Nadih pushkarinishchaiva dadrishuh samalankritah
179.14
आकाशनीकाशतटां नीपनीवारसंकुलाम्
बभूव चरतां हर्षः पुण्यतीर्थां सरस्वतीम्
Akashanikashatatam nipanivarasankulam
Babhuva charatam harshah punyatirtham sarasvatim
179.15
ते वै मुमुदिरे वीराः प्रसन्नसलिलां शिवाम्
पश्यन्तो दृढधन्वानः परिपूर्णां सरस्वतीम्
Te vai mumudire virah prasannasalilam shivam
Pashyanto dridhadhanvanah paripurnam sarasvatim
179.16
तेषां पुण्यतमा रात्रिः पर्वसंधौ स्म शारदी
तत्रैव वसतामासीत्कार्त्तिकी जनमेजय
Tesham punyatama ratrih parvasandhau sma sharadi
Tatraiva vasatamasitkarttiki janamejaya
179.17
पुण्यकृद्भिर्महासत्त्वैस्तापसैः सह पाण्डवाः
तत्सर्वं भरतश्रेष्ठाः समूहुर्योगमुत्तमम्
Punyakridbhirmahasattvaistapasaih saha pandavah
Tatsarvam bharatashreshthah samuhuryogamuttamam
179.18
तमिस्राभ्युदये तस्मिन्धौम्येन सह पाण्डवाः
सूतैः पौरोगवैश्चैव काम्यकं प्रययुर्वनम्
Tamisrabhyudaye tasmindhaumyena saha pandavah
Sutaih paurogavaishchaiva kamyakam prayayurvanam