UtshovChapter 155
155.1
वैशंपायन उवाच
निहते राक्षसे तस्मिन्पुनर्नारायणाश्रमम्
अभ्येत्य राजा कौन्तेयो निवासमकरोत्प्रभुः
Vaishampayana uvacha
Nihate rakshase tasminpunarnarayanashramam
Abhyetya raja kaunteyo nivasamakarotprabhuh
155.2
स समानीय तान्सर्वान्भ्रातॄनित्यब्रवीद्वचः
द्रौपद्या सहितान्काले संस्मरन्भ्रातरं जयम्
Sa samaniya tansarvanbhratrinityabravidvachah
Draupadya sahitankale sansmaranbhrataram jayam
155.3
समाश्चतस्रोऽभिगताः शिवेन चरतां वने
कृतोद्देशश्च बीभत्सुः पञ्चमीमभितः समाम्
Samashchatasrobhigatah shivena charatam vane
Kritoddeshashcha bibhatsuh panchamimabhitah samam
155.4
प्राप्य पर्वतराजानं श्वेतं शिखरिणां वरम्
तत्रापि च कृतोद्देशः समागमदिदृक्षुभिः
Prapya parvatarajanam shvetam shikharinam varam
Tatrapi cha kritoddeshah samagamadidrikshubhih
155.5
कृतश्च समयस्तेन पार्थेनामिततेजसा
पञ्च वर्षाणि वत्स्यामि विद्यार्थीति पुरा मयि
Kritashcha samayastena parthenamitatejasa
Pancha varshani vatsyami vidyarthiti pura mayi
155.6
तत्र गाण्डीवधन्वानमवाप्तास्त्रमरिंदमम्
देवलोकादिमं लोकं द्रक्ष्यामः पुनरागतम्
Tatra gandivadhanvanamavaptastramarindamam
Devalokadimam lokam drakshyamah punaragatam
155.7
इत्युक्त्वा ब्राह्मणान्सर्वानामन्त्रयत पाण्डवः
कारणं चैव तत्तेषामाचचक्षे तपस्विनाम्
Ityuktva brahmanansarvanamantrayata pandavah
Karanam chaiva tatteshamachachakshe tapasvinam
155.8
तमुग्रतपसः प्रीताः कृत्वा पार्थं प्रदक्षिणम्
ब्राह्मणास्तेऽन्वमोदन्त शिवेन कुशलेन च
Tamugratapasah pritah kritva partham pradakshinam
Brahmanastenvamodanta shivena kushalena cha
155.9
सुखोदर्कमिमं क्लेशमचिराद्भरतर्षभ
क्षत्रधर्मेण धर्मज्ञ तीर्त्वा गां पालयिष्यसि
Sukhodarkamimam kleshamachiradbharatarshabha
Kshatradharmena dharmagya tirtva gam palayishyasi
155.10
तत्तु राजा वचस्तेषां प्रतिगृह्य तपस्विनाम्
प्रतस्थे सह विप्रैस्तैर्भ्रातृभिश्च परंतपः
Tattu raja vachastesham pratigrihya tapasvinam
Pratasthe saha vipraistairbhratribhishcha parantapah
155.11
द्रौपद्या सहितः श्रीमान्हैडिम्बेयादिभिस्तथा
राक्षसैरनुयातश्च लोमशेनाभिरक्षितः
Draupadya sahitah shrimanhaidimbeyadibhistatha
Rakshasairanuyatashcha lomashenabhirakshitah
155.12
क्वचिज्जगाम पद्भ्यां तु राक्षसैरुह्यते क्वचित्
तत्र तत्र महातेजा भ्रातृभिः सह सुव्रतः
Kvachijjagama padbhyam tu rakshasairuhyate kvachit
Tatra tatra mahateja bhratribhih saha suvratah
155.13
ततो युधिष्ठिरो राजा बहून्क्लेशान्विचिन्तयन्
सिंहव्याघ्रगजाकीर्णामुदीचीं प्रययौ दिशम्
Tato yudhishthiro raja bahunkleshanvichintayan
Sinhavyaghragajakirnamudichim prayayau disham
155.14
अवेक्षमाणः कैलासं मैनाकं चैव पर्वतम्
गन्धमादनपादांश्च मेरुं चापि शिलोच्चयम्
Avekshamanah kailasam mainakam chaiva parvatam
Gandhamadanapadanshcha merum chapi shilochchayam
155.15
उपर्युपरि शैलस्य बह्वीश्च सरितः शिवाः
प्रस्थं हिमवतः पुण्यं ययौ सप्तदशेऽहनि
Uparyupari shailasya bahvishcha saritah shivah
Prastham himavatah punyam yayau saptadashehani
155.16
ददृशुः पाण्डवा राजन्गन्धमादनमन्तिकात्
पृष्ठे हिमवतः पुण्ये नानाद्रुमलतायुते
Dadrishuh pandava rajangandhamadanamantikat
Prishthe himavatah punye nanadrumalatayute
155.17
सलिलावर्तसंजातैः पुष्पितैश्च महीरुहैः
समावृतं पुण्यतममाश्रमं वृषपर्वणः
Salilavartasanjataih pushpitaishcha mahiruhaih
Samavritam punyatamamashramam vrishaparvanah
155.18
तमुपक्रम्य राजर्षिं धर्मात्मानमरिंदमाः
पाण्डवा वृषपर्वाणमवन्दन्त गतक्लमाः
Tamupakramya rajarshim dharmatmanamarindamah
Pandava vrishaparvanamavandanta gataklamah
155.19
अभ्यनन्दत्स राजर्षिः पुत्रवद्भरतर्षभान्
पूजिताश्चावसंस्तत्र सप्तरात्रमरिंदमाः
Abhyanandatsa rajarshih putravadbharatarshabhan
Pujitashchavasanstatra saptaratramarindamah
155.20
अष्टमेऽहनि संप्राप्ते तमृषिं लोकविश्रुतम्
आमन्त्र्य वृषपर्वाणं प्रस्थानं समरोचयन्
Ashtamehani samprapte tamrishim lokavishrutam
Amantrya vrishaparvanam prasthanam samarochayan
155.21
एकैकशश्च तान्विप्रान्निवेद्य वृषपर्वणे
न्यासभूतान्यथाकालं बन्धूनिव सुसत्कृतान्
Ekaikashashcha tanviprannivedya vrishaparvane
Nyasabhutanyathakalam bandhuniva susatkritan
155.22
ततस्ते वरवस्त्राणि शुभान्याभरणानि च
न्यदधुः पाण्डवास्तस्मिन्नाश्रमे वृषपर्वणः
Tataste varavastrani shubhanyabharanani cha
Nyadadhuh pandavastasminnashrame vrishaparvanah
155.23
अतीतानागते विद्वान्कुशलः सर्वधर्मवित्
अन्वशासत्स धर्मज्ञः पुत्रवद्भरतर्षभान्
Atitanagate vidvankushalah sarvadharmavit
Anvashasatsa dharmagyah putravadbharatarshabhan
155.24
तेऽनुज्ञाता महात्मानः प्रययुर्दिशमुत्तराम्
कृष्णया सहिता वीरा ब्राह्मणैश्च महात्मभिः
तान्प्रस्थितानन्वगच्छद्वृषपर्वा महीपतिः
Tenugyata mahatmanah prayayurdishamuttaram
Krishnaya sahita vira brahmanaishcha mahatmabhih
Tanprasthitananvagachchhadvrishaparva mahipatih
155.25
उपन्यस्य महातेजा विप्रेभ्यः पाण्डवांस्तदा
अनुसंसाध्य कौन्तेयानाशीर्भिरभिनन्द्य च
वृषपर्वा निववृते पन्थानमुपदिश्य च
Upanyasya mahateja viprebhyah pandavanstada
Anusansadhya kaunteyanashirbhirabhinandya cha
Vrishaparva nivavrite panthanamupadishya cha
155.26
नानामृगगणैर्जुष्टं कौन्तेयः सत्यविक्रमः
पदातिर्भ्रातृभिः सार्धं प्रातिष्ठत युधिष्ठिरः
Nanamrigaganairjushtam kaunteyah satyavikramah
Padatirbhratribhih sardham pratishthata yudhishthirah
155.27
नानाद्रुमनिरोधेषु वसन्तः शैलसानुषु
पर्वतं विविशुः श्वेतं चतुर्थेऽहनि पाण्डवाः
Nanadrumanirodheshu vasantah shailasanushu
Parvatam vivishuh shvetam chaturthehani pandavah
155.28
महाभ्रघनसंकाशं सलिलोपहितं शुभम्
मणिकाञ्चनरम्यं च शैलं नानासमुच्छ्रयम्
Mahabhraghanasankasham salilopahitam shubham
Manikanchanaramyam cha shailam nanasamuchchhrayam
155.29
ते समासाद्य पन्थानं यथोक्तं वृषपर्वणा
अनुसस्रुर्यथोद्देशं पश्यन्तो विविधान्नगान्
Te samasadya panthanam yathoktam vrishaparvana
Anusasruryathoddesham pashyanto vividhannagan
155.30
उपर्युपरि शैलस्य गुहाः परमदुर्गमाः
सुदुर्गमांस्ते सुबहून्सुखेनैवाभिचक्रमुः
Uparyupari shailasya guhah paramadurgamah
Sudurgamanste subahunsukhenaivabhichakramuh
155.31
धौम्यः कृष्णा च पार्थाश्च लोमशश्च महानृषिः
अगमन्सहितास्तत्र न कश्चिदवहीयते
Dhaumyah krishna cha parthashcha lomashashcha mahanrishih
Agamansahitastatra na kashchidavahiyate
155.32
ते मृगद्विजसंघुष्टं नानाद्विजसमाकुलम्
शाखामृगगणैश्चैव सेवितं सुमनोहरम्
Te mrigadvijasanghushtam nanadvijasamakulam
Shakhamrigaganaishchaiva sevitam sumanoharam
155.33
पुण्यं पद्मसरोपेतं सपल्वलमहावनम्
उपतस्थुर्महावीर्या माल्यवन्तं महागिरिम्
Punyam padmasaropetam sapalvalamahavanam
Upatasthurmahavirya malyavantam mahagirim
155.34
ततः किंपुरुषावासं सिद्धचारणसेवितम्
ददृशुर्हृष्टरोमाणः पर्वतं गन्धमादनम्
Tatah kimpurushavasam siddhacharanasevitam
Dadrishurhrishtaromanah parvatam gandhamadanam
155.35
विद्याधरानुचरितं किंनरीभिस्तथैव च
गजसिंहसमाकीर्णमुदीर्णशरभायुतम्
Vidyadharanucharitam kinnaribhistathaiva cha
Gajasinhasamakirnamudirnasharabhayutam
155.36
उपेतमन्यैश्च तदा मृगैर्मृदुनिनादिभिः
ते गन्धमादनवनं तन्नन्दनवनोपमम्
Upetamanyaishcha tada mrigairmriduninadibhih
Te gandhamadanavanam tannandanavanopamam
155.37
मुदिताः पाण्डुतनया मनोहृदयनन्दनम्
विविशुः क्रमशो वीरा अरण्यं शुभकाननम्
Muditah pandutanaya manohridayanandanam
Vivishuh kramasho vira aranyam shubhakananam
155.38
द्रौपदीसहिता वीरास्तैश्च विप्रैर्महात्मभिः
शृण्वन्तः प्रीतिजननान्वल्गून्मदकलाञ्शुभान्
श्रोत्ररम्यान्सुमधुराञ्शब्दान्खगमुखेरितान्
Draupadisahita virastaishcha viprairmahatmabhih
Shrinvantah pritijanananvalgunmadakalanshubhan
Shrotraramyansumadhuranshabdankhagamukheritan
155.39
सर्वर्तुफलभाराढ्यान्सर्वर्तुकुसुमोज्ज्वलान्
पश्यन्तः पादपांश्चापि फलभारावनामितान्
Sarvartuphalabharadhyansarvartukusumojjvalan
Pashyantah padapanshchapi phalabharavanamitan
155.40
आम्रानाम्रातकान्फुल्लान्नारिकेलान्सतिन्दुकान्
अजातकांस्तथा जीरान्दाडिमान्बीजपूरकान्
Amranamratakanphullannarikelansatindukan
Ajatakanstatha jirandadimanbijapurakan
155.41
पनसाँल्लिकुचान्मोचान्खर्जूरानाम्रवेतसान्
पारावतांस्तथा क्षौद्रान्नीपांश्चापि मनोरमान्
Panasanllikuchanmochankharjuranamravetasan
Paravatanstatha kshaudrannipanshchapi manoraman
155.42
बिल्वान्कपित्थाञ्जम्बूंश्च काश्मरीर्बदरीस्तथा
प्लक्षानुदुम्बरवटानश्वत्थान्क्षीरिणस्तथा
भल्लातकानामलकान्हरीतकबिभीतकान्
Bilvankapitthanjambunshcha kashmarirbadaristatha
Plakshanudumbaravatanashvatthankshirinastatha
Bhallatakanamalakanharitakabibhitakan
155.43
इङ्गुदान्करवीरांश्च तिन्दुकांश्च महाफलान्
एतानन्यांश्च विविधान्गन्धमादनसानुषु
Ingudankaraviranshcha tindukanshcha mahaphalan
Etananyanshcha vividhangandhamadanasanushu
155.44
फलैरमृतकल्पैस्तानाचितान्स्वादुभिस्तरून्
तथैव चम्पकाशोकान्केतकान्बकुलांस्तथा
Phalairamritakalpaistanachitansvadubhistarun
Tathaiva champakashokanketakanbakulanstatha
155.45
पुंनागान्सप्तपर्णांश्च कर्णिकारान्सकेतकान्
पाटलान्कुटजान्रम्यान्मन्दारेन्दीवरांस्तथा
Punnagansaptaparnanshcha karnikaransaketakan
Patalankutajanramyanmandarendivaranstatha
155.46
पारिजातान्कोविदारान्देवदारुतरूंस्तथा
शालांस्तालांस्तमालांश्च प्रियालान्बकुलांस्तथा
शाल्मलीः किंशुकाशोकाञ्शिंशपांस्तरलांस्तथा
Parijatankovidarandevadarutarunstatha
Shalanstalanstamalanshcha priyalanbakulanstatha
Shalmalih kinshukashokanshinshapanstaralanstatha
155.47
चकोरैः शतपत्रैश्च भृङ्गराजैस्तथा शुकैः
कोकिलैः कलविङ्कैश्च हारीतैर्जीवजीवकैः
Chakoraih shatapatraishcha bhringarajaistatha shukaih
Kokilaih kalavinkaishcha haritairjivajivakaih
155.48
प्रियव्रतैश्चातकैश्च तथान्यैर्विविधैः खगैः
श्रोत्ररम्यं सुमधुरं कूजद्भिश्चाप्यधिष्ठितान्
Priyavrataishchatakaishcha tathanyairvividhaih khagaih
Shrotraramyam sumadhuram kujadbhishchapyadhishthitan
155.49
सरांसि च विचित्राणि प्रसन्नसलिलानि च
कुमुदैः पुण्डरीकैश्च तथा कोकनदोत्पलैः
कह्लारैः कमलैश्चैव आचितानि समन्ततः
Saransi cha vichitrani prasannasalilani cha
Kumudaih pundarikaishcha tatha kokanadotpalaih
Kahlaraih kamalaishchaiva achitani samantatah
155.50
कदम्बैश्चक्रवाकैश्च कुररैर्जलकुक्कुटैः
कारण्डवैः प्लवैर्हंसैर्बकैर्मद्गुभिरेव च
एतैश्चान्यैश्च कीर्णानि समन्ताज्जलचारिभिः
Kadambaishchakravakaishcha kurarairjalakukkutaih
Karandavaih plavairhansairbakairmadgubhireva cha
Etaishchanyaishcha kirnani samantajjalacharibhih
155.51
हृष्टैस्तथा तामरसरसासवमदालसैः
पद्मोदरच्युतरजःकिञ्जल्कारुणरञ्जितैः
Hrishtaistatha tamarasarasasavamadalasaih
Padmodarachyutarajahkinjalkarunaranjitaih
155.52
मधुरस्वरैर्मधुकरैर्विरुतान्कमलाकरान्
पश्यन्तस्ते मनोरम्यान्गन्धमादनसानुषु
Madhurasvarairmadhukarairvirutankamalakaran
Pashyantaste manoramyangandhamadanasanushu
155.53
तथैव पद्मषण्डैश्च मण्डितेषु समन्ततः
शिखण्डिनीभिः सहिताँल्लतामण्डपकेषु च
मेघतूर्यरवोद्दाममदनाकुलितान्भृशम्
Tathaiva padmashandaishcha manditeshu samantatah
Shikhandinibhih sahitanllatamandapakeshu cha
Meghaturyaravoddamamadanakulitanbhrisham
155.54
कृत्वैव केकामधुरं संगीतमधुरस्वरम्
चित्रान्कलापान्विस्तीर्य सविलासान्मदालसान्
मयूरान्ददृशुश्चित्रान्नृत्यतो वनलासकान्
Kritvaiva kekamadhuram sangitamadhurasvaram
Chitrankalapanvistirya savilasanmadalasan
Mayurandadrishushchitrannrityato vanalasakan
155.55
कान्ताभिः सहितानन्यानपश्यन्रमतः सुखम्
वल्लीलतासंकटेषु कटकेषु स्थितांस्तथा
Kantabhih sahitananyanapashyanramatah sukham
Vallilatasankateshu katakeshu sthitanstatha
155.56
कांश्चिच्छकुनजातांश्च विटपेषूत्कटानपि
कलापरचिताटोपान्विचित्रमुकुटानिव
विवरेषु तरूणां च मुदितान्ददृशुश्च ते
Kanshchichchhakunajatanshcha vitapeshutkatanapi
Kalaparachitatopanvichitramukutaniva
Vivareshu tarunam cha muditandadrishushcha te
155.57
सिन्धुवारानथोद्दामान्मन्मथस्येव तोमरान्
सुवर्णकुसुमाकीर्णान्गिरीणां शिखरेषु च
Sindhuvaranathoddamanmanmathasyeva tomaran
Suvarnakusumakirnangirinam shikhareshu cha
155.58
कर्णिकारान्विरचितान्कर्णपूरानिवोत्तमान्
अथापश्यन्कुरबकान्वनराजिषु पुष्पितान्
कामवश्योत्सुककरान्कामस्येव शरोत्करान्
Karnikaranvirachitankarnapuranivottaman
Athapashyankurabakanvanarajishu pushpitan
Kamavashyotsukakarankamasyeva sharotkaran
155.59
तथैव वनराजीनामुदारान्रचितानिव
विराजमानांस्तेऽपश्यंस्तिलकांस्तिलकानिव
Tathaiva vanarajinamudaranrachitaniva
Virajamananstepashyanstilakanstilakaniva
155.60
तथानङ्गशराकारान्सहकारान्मनोरमान्
अपश्यन्भ्रमरारावान्मञ्जरीभिर्विराजितान्
Tathanangasharakaransahakaranmanoraman
Apashyanbhramararavanmanjaribhirvirajitan
155.61
हिरण्यसदृशैः पुष्पैर्दावाग्निसदृशैरपि
लोहितैरञ्जनाभैश्च वैडूर्यसदृशैरपि
Hiranyasadrishaih pushpairdavagnisadrishairapi
Lohitairanjanabhaishcha vaiduryasadrishairapi
155.62
तथा शालांस्तमालांश्च पाटल्यो बकुलानि च
माला इव समासक्ताः शैलानां शिखरेषु च
Tatha shalanstamalanshcha patalyo bakulani cha
Mala iva samasaktah shailanam shikhareshu cha
155.63
एवं क्रमेण ते वीरा वीक्षमाणाः समन्ततः
गजसंघसमाबाधं सिंहव्याघ्रसमायुतम्
Evam kramena te vira vikshamanah samantatah
Gajasanghasamabadham sinhavyaghrasamayutam
155.64
शरभोन्नादसंघुष्टं नानारावनिनादितम्
सर्वर्तुफलपुष्पाढ्यं गन्धमादनसानुषु
Sharabhonnadasanghushtam nanaravaninaditam
Sarvartuphalapushpadhyam gandhamadanasanushu
155.65
पीता भास्वरवर्णाभा बभूवुर्वनराजयः
नात्र कण्टकिनः केचिन्नात्र केचिदपुष्पिताः
स्निग्धपत्रफला वृक्षा गन्धमादनसानुषु
Pita bhasvaravarnabha babhuvurvanarajayah
Natra kantakinah kechinnatra kechidapushpitah
Snigdhapatraphala vriksha gandhamadanasanushu
155.66
विमलस्फटिकाभानि पाण्डुरच्छदनैर्द्विजैः
राजहंसैरुपेतानि सारसाभिरुतानि च
सरांसि सरितः पार्थाः पश्यन्तः शैलसानुषु
Vimalasphatikabhani pandurachchhadanairdvijaih
Rajahansairupetani sarasabhirutani cha
Saransi saritah parthah pashyantah shailasanushu
155.67
पद्मोत्पलविचित्राणि सुखस्पर्शजलानि च
गन्धवन्ति च माल्यानि रसवन्ति फलानि च
अतीव वृक्षा राजन्ते पुष्पिताः शैलसानुषु
Padmotpalavichitrani sukhasparshajalani cha
Gandhavanti cha malyani rasavanti phalani cha
Ativa vriksha rajante pushpitah shailasanushu
155.68
एते चान्ये च बहवस्तत्र काननजा द्रुमाः
लताश्च विविधाकाराः पत्रपुष्पफलोच्चयाः
Ete chanye cha bahavastatra kananaja drumah
Latashcha vividhakarah patrapushpaphalochchayah
155.69
युधिष्ठिरस्तु तान्वृक्षान्पश्यमानो नगोत्तमे
भीमसेनमिदं वाक्यमब्रवीन्मधुराक्षरम्
Yudhishthirastu tanvrikshanpashyamano nagottame
Bhimasenamidam vakyamabravinmadhuraksharam
155.70
पश्य भीम शुभान्देशान्देवाक्रीडान्समन्ततः
अमानुषगतिं प्राप्ताः संसिद्धाः स्म वृकोदर
Pashya bhima shubhandeshandevakridansamantatah
Amanushagatim praptah sansiddhah sma vrikodara
155.71
लताभिश्चैव बह्वीभिः पुष्पिताः पादपोत्तमाः
संश्लिष्टाः पार्थ शोभन्ते गन्धमादनसानुषु
Latabhishchaiva bahvibhih pushpitah padapottamah
Sanshlishtah partha shobhante gandhamadanasanushu
155.72
शिखण्डिनीभिश्चरतां सहितानां शिखण्डिनाम्
नर्दतां शृणु निर्घोषं भीम पर्वतसानुषु
Shikhandinibhishcharatam sahitanam shikhandinam
Nardatam shrinu nirghosham bhima parvatasanushu
155.73
चकोराः शतपत्राश्च मत्तकोकिलशारिकाः
पत्रिणः पुष्पितानेतान्संश्लिष्यन्ति महाद्रुमान्
Chakorah shatapatrashcha mattakokilasharikah
Patrinah pushpitanetansanshlishyanti mahadruman
155.74
रक्तपीतारुणाः पार्थ पादपाग्रगता द्विजाः
परस्परमुदीक्षन्ते बहवो जीवजीवकाः
Raktapitarunah partha padapagragata dvijah
Parasparamudikshante bahavo jivajivakah
155.75
हरितारुणवर्णानां शाद्वलानां समन्ततः
सारसाः प्रतिदृश्यन्ते शैलप्रस्रवणेष्वपि
Haritarunavarnanam shadvalanam samantatah
Sarasah pratidrishyante shailaprasravaneshvapi
155.76
वदन्ति मधुरा वाचः सर्वभूतमनोनुगाः
भृङ्गराजोपचक्राश्च लोहपृष्ठाश्च पत्रिणः
Vadanti madhura vachah sarvabhutamanonugah
Bhringarajopachakrashcha lohaprishthashcha patrinah
155.77
चतुर्विषाणाः पद्माभाः कुञ्जराः सकरेणवः
एते वैडूर्यवर्णाभं क्षोभयन्ति महत्सरः
Chaturvishanah padmabhah kunjarah sakarenavah
Ete vaiduryavarnabham kshobhayanti mahatsarah
155.78
बहुतालसमुत्सेधाः शैलशृङ्गात्परिच्युताः
नानाप्रस्रवणेभ्यश्च वारिधाराः पतन्त्यमूः
Bahutalasamutsedhah shailashringatparichyutah
Nanaprasravanebhyashcha varidharah patantyamuh
155.79
भास्कराभप्रभा भीम शारदाभ्रघनोपमाः
शोभयन्ति महाशैलं नानारजतधातवः
Bhaskarabhaprabha bhima sharadabhraghanopamah
Shobhayanti mahashailam nanarajatadhatavah
155.80
क्वचिदञ्जनवर्णाभाः क्वचित्काञ्चनसंनिभाः
धातवो हरितालस्य क्वचिद्धिङ्गुलकस्य च
Kvachidanjanavarnabhah kvachitkanchanasannibhah
Dhatavo haritalasya kvachiddhingulakasya cha
155.81
मनःशिलागुहाश्चैव संध्याभ्रनिकरोपमाः
शशलोहितवर्णाभाः क्वचिद्गैरिकधातवः
Manahshilaguhashchaiva sandhyabhranikaropamah
Shashalohitavarnabhah kvachidgairikadhatavah
155.82
सितासिताभ्रप्रतिमा बालसूर्यसमप्रभाः
एते बहुविधाः शैलं शोभयन्ति महाप्रभाः
Sitasitabhrapratima balasuryasamaprabhah
Ete bahuvidhah shailam shobhayanti mahaprabhah
155.83
गन्धर्वाः सह कान्ताभिर्यथोक्तं वृषपर्वणा
दृश्यन्ते शैलशृङ्गेषु पार्थ किंपुरुषैः सह
Gandharvah saha kantabhiryathoktam vrishaparvana
Drishyante shailashringeshu partha kimpurushaih saha
155.84
गीतानां तलतालानां यथा साम्नां च निस्वनः
श्रूयते बहुधा भीम सर्वभूतमनोहरः
Gitanam talatalanam yatha samnam cha nisvanah
Shruyate bahudha bhima sarvabhutamanoharah
155.85
महागङ्गामुदीक्षस्व पुण्यां देवनदीं शुभाम्
कलहंसगणैर्जुष्टामृषिकिंनरसेविताम्
Mahagangamudikshasva punyam devanadim shubham
Kalahansaganairjushtamrishikinnarasevitam
155.86
धातुभिश्च सरिद्भिश्च किंनरैर्मृगपक्षिभिः
गन्धर्वैरप्सरोभिश्च काननैश्च मनोरमैः
Dhatubhishcha saridbhishcha kinnarairmrigapakshibhih
Gandharvairapsarobhishcha kananaishcha manoramaih
155.87
व्यालैश्च विविधाकारैः शतशीर्षैः समन्ततः
उपेतं पश्य कौन्तेय शैलराजमरिंदम
Vyalaishcha vividhakaraih shatashirshaih samantatah
Upetam pashya kaunteya shailarajamarindama
155.88
ते प्रीतमनसः शूराः प्राप्ता गतिमनुत्तमाम्
नातृप्यन्पर्वतेन्द्रस्य दर्शनेन परंतपाः
Te pritamanasah shurah prapta gatimanuttamam
Natripyanparvatendrasya darshanena parantapah
155.89
उपेतमथ माल्यैश्च फलवद्भिश्च पादपैः
आर्ष्टिषेणस्य राजर्षेराश्रमं ददृशुस्तदा
Upetamatha malyaishcha phalavadbhishcha padapaih
Arshtishenasya rajarsherashramam dadrishustada
155.90
ततस्तं तीव्रतपसं कृशं धमनिसंततम्
पारगं सर्वधर्माणामार्ष्टिषेणमुपागमन्
Tatastam tivratapasam krisham dhamanisantatam
Paragam sarvadharmanamarshtishenamupagaman