UtshovChapter 142
142.1
युधिष्ठिर उवाच
भीमसेन यमौ चोभौ पाञ्चालि च निबोधत
नास्ति भूतस्य नाशो वै पश्यतास्मान्वनेचरान्
Yudhishthira uvacha
Bhimasena yamau chobhau panchali cha nibodhata
Nasti bhutasya nasho vai pashyatasmanvanecharan
142.2
दुर्बलाः क्लेशिताः स्मेति यद्ब्रवीथेतरेतरम्
अशक्येऽपि व्रजामेति धनंजयदिदृक्षया
Durbalah kleshitah smeti yadbravithetaretaram
Ashakyepi vrajameti dhananjayadidrikshaya
142.3
तन्मे दहति गात्राणि तूलराशिमिवानलः
यच्च वीरं न पश्यामि धनंजयमुपान्तिके
Tanme dahati gatrani tularashimivanalah
Yachcha viram na pashyami dhananjayamupantike
142.4
तस्य दर्शनतृष्णं मां सानुजं वनमास्थितम्
याज्ञसेन्याः परामर्शः स च वीर दहत्युत
Tasya darshanatrishnam mam sanujam vanamasthitam
Yagyasenyah paramarshah sa cha vira dahatyuta
142.5
नकुलात्पूर्वजं पार्थं न पश्याम्यमितौजसम्
अजेयमुग्रधन्वानं तेन तप्ये वृकोदर
Nakulatpurvajam partham na pashyamyamitaujasam
Ajeyamugradhanvanam tena tapye vrikodara
142.6
तीर्थानि चैव रम्याणि वनानि च सरांसि च
चरामि सह युष्माभिस्तस्य दर्शनकाङ्क्षया
Tirthani chaiva ramyani vanani cha saransi cha
Charami saha yushmabhistasya darshanakankshaya
142.7
पञ्च वर्षाण्यहं वीरं सत्यसंधं धनंजयम्
यन्न पश्यामि बीभत्सुं तेन तप्ये वृकोदर
Pancha varshanyaham viram satyasandham dhananjayam
Yanna pashyami bibhatsum tena tapye vrikodara
142.8
तं वै श्यामं गुडाकेशं सिंहविक्रान्तगामिनम्
न पश्यामि महाबाहुं तेन तप्ये वृकोदर
Tam vai shyamam gudakesham sinhavikrantagaminam
Na pashyami mahabahum tena tapye vrikodara
142.9
कृतास्त्रं निपुणं युद्धे प्रतिमानं धनुष्मताम्
न पश्यामि नरश्रेष्ठं तेन तप्ये वृकोदर
Kritastram nipunam yuddhe pratimanam dhanushmatam
Na pashyami narashreshtham tena tapye vrikodara
142.10
चरन्तमरिसंघेषु कालं क्रुद्धमिवान्तकम्
प्रभिन्नमिव मातङ्गं सिंहस्कन्धं धनंजयम्
Charantamarisangheshu kalam kruddhamivantakam
Prabhinnamiva matangam sinhaskandham dhananjayam
142.11
यः स शक्रादनवरो वीर्येण द्रविणेन च
यमयोः पूर्वजः पार्थः श्वेताश्वोऽमितविक्रमः
Yah sa shakradanavaro viryena dravinena cha
Yamayoh purvajah parthah shvetashvomitavikramah
142.12
दुःखेन महताविष्टः स्वकृतेनानिवर्तिना
अजेयमुग्रधन्वानं तं न पश्यामि फल्गुनम्
Duhkhena mahatavishtah svakritenanivartina
Ajeyamugradhanvanam tam na pashyami phalgunam
142.13
सततं यः क्षमाशीलः क्षिप्यमाणोऽप्यणीयसा
ऋजुमार्गप्रपन्नस्य शर्मदाताभयस्य च
Satatam yah kshamashilah kshipyamanopyaniyasa
Rijumargaprapannasya sharmadatabhayasya cha
142.14
स तु जिह्मप्रवृत्तस्य माययाभिजिघांसतः
अपि वज्रधरस्यापि भवेत्कालविषोपमः
Sa tu jihmapravrittasya mayayabhijighansatah
Api vajradharasyapi bhavetkalavishopamah
142.15
शत्रोरपि प्रपन्नस्य सोऽनृशंसः प्रतापवान्
दाताभयस्य बीभत्सुरमितात्मा महाबलः
Shatrorapi prapannasya sonrishansah pratapavan
Databhayasya bibhatsuramitatma mahabalah
142.16
सर्वेषामाश्रयोऽस्माकं रणेऽरीणां प्रमर्दिता
आहर्ता सर्वरत्नानां सर्वेषां नः सुखावहः
Sarveshamashrayosmakam ranerinam pramardita
Aharta sarvaratnanam sarvesham nah sukhavahah
142.17
रत्नानि यस्य वीर्येण दिव्यान्यासन्पुरा मम
बहूनि बहुजातानि यानि प्राप्तः सुयोधनः
Ratnani yasya viryena divyanyasanpura mama
Bahuni bahujatani yani praptah suyodhanah
142.18
यस्य बाहुबलाद्वीर सभा चासीत्पुरा मम
सर्वरत्नमयी ख्याता त्रिषु लोकेषु पाण्डव
Yasya bahubaladvira sabha chasitpura mama
Sarvaratnamayi khyata trishu lokeshu pandava
142.19
वासुदेवसमं वीर्ये कार्तवीर्यसमं युधि
अजेयमजितं युद्धे तं न पश्यामि फल्गुनम्
Vasudevasamam virye kartaviryasamam yudhi
Ajeyamajitam yuddhe tam na pashyami phalgunam
142.20
संकर्षणं महावीर्यं त्वां च भीमापराजितम्
अनुजातः स वीर्येण वासुदेवं च शत्रुहा
Sankarshanam mahaviryam tvam cha bhimaparajitam
Anujatah sa viryena vasudevam cha shatruha
142.21
यस्य बाहुबले तुल्यः प्रभावे च पुरंदरः
जवे वायुर्मुखे सोमः क्रोधे मृत्युः सनातनः
Yasya bahubale tulyah prabhave cha purandarah
Jave vayurmukhe somah krodhe mrityuh sanatanah
142.22
ते वयं तं नरव्याघ्रं सर्वे वीर दिदृक्षवः
प्रवेक्ष्यामो महाबाहो पर्वतं गन्धमादनम्
Te vayam tam naravyaghram sarve vira didrikshavah
Pravekshyamo mahabaho parvatam gandhamadanam
142.23
विशाला बदरी यत्र नरनारायणाश्रमः
तं सदाध्युषितं यक्षैर्द्रक्ष्यामो गिरिमुत्तमम्
Vishala badari yatra naranarayanashramah
Tam sadadhyushitam yakshairdrakshyamo girimuttamam
142.24
कुबेरनलिनीं रम्यां राक्षसैरभिरक्षिताम्
पद्भिरेव गमिष्यामस्तप्यमाना महत्तपः
Kuberanalinim ramyam rakshasairabhirakshitam
Padbhireva gamishyamastapyamana mahattapah
142.25
नातप्ततपसा शक्यो देशो गन्तुं वृकोदर
न नृशंसेन लुब्धेन नाप्रशान्तेन भारत
Nataptatapasa shakyo desho gantum vrikodara
Na nrishansena lubdhena naprashantena bharata
142.26
तत्र सर्वे गमिष्यामो भीमार्जुनपदैषिणः
सायुधा बद्धनिस्त्रिंशाः सह विप्रैर्महाव्रतैः
Tatra sarve gamishyamo bhimarjunapadaishinah
Sayudha baddhanistrinshah saha viprairmahavrataih
142.27
मक्षिकान्मशकान्दंशान्व्याघ्रान्सिंहान्सरीसृपान्
प्राप्नोत्यनियतः पार्थ नियतस्तान्न पश्यति
Makshikanmashakandanshanvyaghransinhansarisripan
Prapnotyaniyatah partha niyatastanna pashyati
142.28
ते वयं नियतात्मानः पर्वतं गन्धमादनम्
प्रवेक्ष्यामो मिताहारा धनंजयदिदृक्षवः
Te vayam niyatatmanah parvatam gandhamadanam
Pravekshyamo mitahara dhananjayadidrikshavah