UtshovChapter 140
140.1
लोमश उवाच
उशीरबीजं मैनाकं गिरिं श्वेतं च भारत
समतीतोऽसि कौन्तेय कालशैलं च पार्थिव
Lomasha uvacha
Ushirabijam mainakam girim shvetam cha bharata
Samatitosi kaunteya kalashailam cha parthiva
140.2
एषा गङ्गा सप्तविधा राजते भरतर्षभ
स्थानं विरजसं रम्यं यत्राग्निर्नित्यमिध्यते
Esha ganga saptavidha rajate bharatarshabha
Sthanam virajasam ramyam yatragnirnityamidhyate
140.3
एतद्वै मानुषेणाद्य न शक्यं द्रष्टुमप्युत
समाधिं कुरुताव्यग्रास्तीर्थान्येतानि द्रक्ष्यथ
Etadvai manushenadya na shakyam drashtumapyuta
Samadhim kurutavyagrastirthanyetani drakshyatha
140.4
श्वेतं गिरिं प्रवेक्ष्यामो मन्दरं चैव पर्वतम्
यत्र माणिचरो यक्षः कुबेरश्चापि यक्षराट्
Shvetam girim pravekshyamo mandaram chaiva parvatam
Yatra manicharo yakshah kuberashchapi yaksharat
140.5
अष्टाशीतिसहस्राणि गन्धर्वाः शीघ्रचारिणः
तथा किंपुरुषा राजन्यक्षाश्चैव चतुर्गुणाः
Ashtashitisahasrani gandharvah shighracharinah
Tatha kimpurusha rajanyakshashchaiva chaturgunah
140.6
अनेकरूपसंस्थाना नानाप्रहरणाश्च ते
यक्षेन्द्रं मनुजश्रेष्ठ माणिभद्रमुपासते
Anekarupasansthana nanapraharanashcha te
Yakshendram manujashreshtha manibhadramupasate
140.7
तेषामृद्धिरतीवाग्र्या गतौ वायुसमाश्च ते
स्थानात्प्रच्यावयेयुर्ये देवराजमपि ध्रुवम्
Teshamriddhirativagrya gatau vayusamashcha te
Sthanatprachyavayeyurye devarajamapi dhruvam
140.8
तैस्तात बलिभिर्गुप्ता यातुधानैश्च रक्षिताः
दुर्गमाः पर्वताः पार्थ समाधिं परमं कुरु
Taistata balibhirgupta yatudhanaishcha rakshitah
Durgamah parvatah partha samadhim paramam kuru
140.9
कुबेरसचिवाश्चान्ये रौद्रा मैत्राश्च राक्षसाः
तैः समेष्याम कौन्तेय यत्तो विक्रमणे भव
Kuberasachivashchanye raudra maitrashcha rakshasah
Taih sameshyama kaunteya yatto vikramane bhava
140.10
कैलासः पर्वतो राजन्षड्योजनशतान्युत
यत्र देवाः समायान्ति विशाला यत्र भारत
Kailasah parvato rajanshadyojanashatanyuta
Yatra devah samayanti vishala yatra bharata
140.11
असंख्येयास्तु कौन्तेय यक्षराक्षसकिंनराः
नागाः सुपर्णा गन्धर्वाः कुबेरसदनं प्रति
Asankhyeyastu kaunteya yaksharakshasakinnarah
Nagah suparna gandharvah kuberasadanam prati
140.12
तान्विगाहस्व पार्थाद्य तपसा च दमेन च
रक्ष्यमाणो मया राजन्भीमसेनबलेन च
Tanvigahasva parthadya tapasa cha damena cha
Rakshyamano maya rajanbhimasenabalena cha
140.13
स्वस्ति ते वरुणो राजा यमश्च समितिंजयः
गङ्गा च यमुना चैव पर्वतश्च दधातु ते
Svasti te varuno raja yamashcha samitinjayah
Ganga cha yamuna chaiva parvatashcha dadhatu te
140.14
इन्द्रस्य जाम्बूनदपर्वताग्रे; शृणोमि घोषं तव देवि गङ्गे
गोपाययेमं सुभगे गिरिभ्यः; सर्वाजमीढापचितं नरेन्द्रम्
भवस्व शर्म प्रविविक्षतोऽस्य; शैलानिमाञ्शैलसुते नृपस्य
Indrasya jambunadaparvatagre; shrinomi ghosham tava devi gange
Gopayayemam subhage giribhyah; sarvajamidhapachitam narendram
Bhavasva sharma pravivikshatosya; shailanimanshailasute nripasya
140.15
युधिष्ठिर उवाच
अपूर्वोऽयं संभ्रमो लोमशस्य; कृष्णां सर्वे रक्षत मा प्रमादम्
देशो ह्ययं दुर्गतमो मतोऽस्य; तस्मात्परं शौचमिहाचरध्वम्
Yudhishthira uvacha
Apurvoyam sambhramo lomashasya; krishnam sarve rakshata ma pramadam
Desho hyayam durgatamo matosya; tasmatparam shauchamihacharadhvam
140.16
वैशंपायन उवाच
ततोऽब्रवीद्भीममुदारवीर्यं; कृष्णां यत्तः पालय भीमसेन
शून्येऽर्जुनेऽसंनिहिते च तात; त्वमेव कृष्णां भजसेऽसुखेषु
Vaishampayana uvacha
Tatobravidbhimamudaraviryam; krishnam yattah palaya bhimasena
Shunyerjunesannihite cha tata; tvameva krishnam bhajasesukheshu
140.17
ततो महात्मा यमजौ समेत्य; मूर्धन्युपाघ्राय विमृज्य गात्रे
उवाच तौ बाष्पकलं स राजा; मा भैष्टमागच्छतमप्रमत्तौ
Tato mahatma yamajau sametya; murdhanyupaghraya vimrijya gatre
Uvacha tau bashpakalam sa raja; ma bhaishtamagachchhatamapramattau