UtshovChapter 123
123.1
लोमश उवाच
कस्यचित्त्वथ कालस्य सुराणामश्विनौ नृप
कृताभिषेकां विवृतां सुकन्यां तामपश्यताम्
Lomasha uvacha
Kasyachittvatha kalasya suranamashvinau nripa
Kritabhishekam vivritam sukanyam tamapashyatam
123.2
तां दृष्ट्वा दर्शनीयाङ्गीं देवराजसुतामिव
ऊचतुः समभिद्रुत्य नासत्यावश्विनाविदम्
Tam drishtva darshaniyangim devarajasutamiva
Uchatuh samabhidrutya nasatyavashvinavidam
123.3
कस्य त्वमसि वामोरु किं वने वै करोषि च
इच्छाव भद्रे ज्ञातुं त्वां तत्त्वमाख्याहि शोभने
Kasya tvamasi vamoru kim vane vai karoshi cha
Ichchhava bhadre gyatum tvam tattvamakhyahi shobhane
123.4
ततः सुकन्या संवीता तावुवाच सुरोत्तमौ
शर्यातितनयां वित्तं भार्यां च च्यवनस्य माम्
Tatah sukanya sanvita tavuvacha surottamau
Sharyatitanayam vittam bharyam cha chyavanasya mam
123.5
अथाश्विनौ प्रहस्यैतामब्रूतां पुनरेव तु
कथं त्वमसि कल्याणि पित्रा दत्ता गताध्वने
Athashvinau prahasyaitamabrutam punareva tu
Katham tvamasi kalyani pitra datta gatadhvane
123.6
भ्राजसे वनमध्ये त्वं विद्युत्सौदामिनी यथा
न देवेष्वपि तुल्यां हि त्वया पश्याव भामिनि
Bhrajase vanamadhye tvam vidyutsaudamini yatha
Na deveshvapi tulyam hi tvaya pashyava bhamini
123.7
सर्वाभरणसंपन्ना परमाम्बरधारिणी
शोभेथास्त्वनवद्याङ्गि न त्वेवं मलपङ्किनी
Sarvabharanasampanna paramambaradharini
Shobhethastvanavadyangi na tvevam malapankini
123.8
कस्मादेवंविधा भूत्वा जराजर्जरितं पतिम्
त्वमुपास्से ह कल्याणि कामभोगबहिष्कृतम्
Kasmadevanvidha bhutva jarajarjaritam patim
Tvamupasse ha kalyani kamabhogabahishkritam
123.9
असमर्थं परित्राणे पोषणे च शुचिस्मिते
साधु च्यवनमुत्सृज्य वरयस्वैकमावयोः
पत्यर्थं देवगर्भाभे मा वृथा यौवनं कृथाः
Asamartham paritrane poshane cha shuchismite
Sadhu chyavanamutsrijya varayasvaikamavayoh
Patyartham devagarbhabhe ma vritha yauvanam krithah
123.10
एवमुक्ता सुकन्या तु सुरौ ताविदमब्रवीत्
रताहं च्यवने पत्यौ मैवं मा पर्यशङ्किथाः
Evamukta sukanya tu surau tavidamabravit
Rataham chyavane patyau maivam ma paryashankithah
123.11
तावब्रूतां पुनस्त्वेनामावां देवभिषग्वरौ
युवानं रूपसंपन्नं करिष्यावः पतिं तव
Tavabrutam punastvenamavam devabhishagvarau
Yuvanam rupasampannam karishyavah patim tava
123.12
ततस्तस्यावयोश्चैव पतिमेकतमं वृणु
एतेन समयेनैनमामन्त्रय वरानने
Tatastasyavayoshchaiva patimekatamam vrinu
Etena samayenainamamantraya varanane
123.13
सा तयोर्वचनाद्राजन्नुपसंगम्य भार्गवम्
उवाच वाक्यं यत्ताभ्यामुक्तं भृगुसुतं प्रति
Sa tayorvachanadrajannupasangamya bhargavam
Uvacha vakyam yattabhyamuktam bhrigusutam prati
123.14
तच्छ्रुत्वा च्यवनो भार्यामुवाच क्रियतामिति
भर्त्रा सा समनुज्ञाता क्रियतामित्यथाब्रवीत्
Tachchhrutva chyavano bharyamuvacha kriyatamiti
Bhartra sa samanugyata kriyatamityathabravit
123.15
श्रुत्वा तदश्विनौ वाक्यं तत्तस्याः क्रियतामिति
ऊचतू राजपुत्रीं तां पतिस्तव विशत्वपः
Shrutva tadashvinau vakyam tattasyah kriyatamiti
Uchatu rajaputrim tam patistava vishatvapah
123.16
ततोऽम्भश्च्यवनः शीघ्रं रूपार्थी प्रविवेश ह
अश्विनावपि तद्राजन्सरः प्रविशतां प्रभो
Tatombhashchyavanah shighram ruparthi pravivesha ha
Ashvinavapi tadrajansarah pravishatam prabho
123.17
ततो मुहूर्तादुत्तीर्णाः सर्वे ते सरसस्ततः
दिव्यरूपधराः सर्वे युवानो मृष्टकुण्डलाः
तुल्यरूपधराश्चैव मनसः प्रीतिवर्धनाः
Tato muhurtaduttirnah sarve te sarasastatah
Divyarupadharah sarve yuvano mrishtakundalah
Tulyarupadharashchaiva manasah pritivardhanah
123.18
तेऽब्रुवन्सहिताः सर्वे वृणीष्वान्यतमं शुभे
अस्माकमीप्सितं भद्रे पतित्वे वरवर्णिनि
यत्र वाप्यभिकामासि तं वृणीष्व सुशोभने
Tebruvansahitah sarve vrinishvanyatamam shubhe
Asmakamipsitam bhadre patitve varavarnini
Yatra vapyabhikamasi tam vrinishva sushobhane
123.19
सा समीक्ष्य तु तान्सर्वांस्तुल्यरूपधरान्स्थितान्
निश्चित्य मनसा बुद्ध्या देवी वव्रे स्वकं पतिम्
Sa samikshya tu tansarvanstulyarupadharansthitan
Nishchitya manasa buddhya devi vavre svakam patim
123.20
लब्ध्वा तु च्यवनो भार्यां वयोरूपं च वाञ्छितम्
हृष्टोऽब्रवीन्महातेजास्तौ नासत्याविदं वचः
Labdhva tu chyavano bharyam vayorupam cha vanchhitam
Hrishtobravinmahatejastau nasatyavidam vachah
123.21
यथाहं रूपसंपन्नो वयसा च समन्वितः
कृतो भवद्भ्यां वृद्धः सन्भार्यां च प्राप्तवानिमाम्
Yathaham rupasampanno vayasa cha samanvitah
Krito bhavadbhyam vriddhah sanbharyam cha praptavanimam
123.22
तस्माद्युवां करिष्यामि प्रीत्याहं सोमपीथिनौ
मिषतो देवराजस्य सत्यमेतद्ब्रवीमि वाम्
Tasmadyuvam karishyami prityaham somapithinau
Mishato devarajasya satyametadbravimi vam
123.23
तच्छ्रुत्वा हृष्टमनसौ दिवं तौ प्रतिजग्मतुः
च्यवनोऽपि सुकन्या च सुराविव विजह्रतुः
Tachchhrutva hrishtamanasau divam tau pratijagmatuh
Chyavanopi sukanya cha suraviva vijahratuh