UtshovChapter 101
101.1
देवा ऊचुः
इतः प्रदानाद्वर्तन्ते प्रजाः सर्वाश्चतुर्विधाः
ता भाविता भावयन्ति हव्यकव्यैर्दिवौकसः
Deva uchuh
Itah pradanadvartante prajah sarvashchaturvidhah
Ta bhavita bhavayanti havyakavyairdivaukasah
101.2
लोका ह्येवं वर्तयन्ति अन्योन्यं समुपाश्रिताः
त्वत्प्रसादान्निरुद्विग्नास्त्वयैव परिरक्षिताः
Loka hyevam vartayanti anyonyam samupashritah
Tvatprasadannirudvignastvayaiva parirakshitah
101.3
इदं च समनुप्राप्तं लोकानां भयमुत्तमम्
न च जानीम केनेमे रात्रौ वध्यन्ति ब्राह्मणाः
Idam cha samanupraptam lokanam bhayamuttamam
Na cha janima keneme ratrau vadhyanti brahmanah
101.4
क्षीणेषु च ब्राह्मणेषु पृथिवी क्षयमेष्यति
ततः पृथिव्यां क्षीणायां त्रिदिवं क्षयमेष्यति
Kshineshu cha brahmaneshu prithivi kshayameshyati
Tatah prithivyam kshinayam tridivam kshayameshyati
101.5
त्वत्प्रसादान्महाबाहो लोकाः सर्वे जगत्पते
विनाशं नाधिगच्छेयुस्त्वया वै परिरक्षिताः
Tvatprasadanmahabaho lokah sarve jagatpate
Vinasham nadhigachchheyustvaya vai parirakshitah
101.6
विष्णुरुवाच
विदितं मे सुराः सर्वं प्रजानां क्षयकारणम्
भवतां चापि वक्ष्यामि शृणुध्वं विगतज्वराः
Vishnuruvacha
Viditam me surah sarvam prajanam kshayakaranam
Bhavatam chapi vakshyami shrinudhvam vigatajvarah
101.7
कालेय इति विख्यातो गणः परमदारुणः
तैश्च वृत्रं समाश्रित्य जगत्सर्वं प्रबाधितम्
Kaleya iti vikhyato ganah paramadarunah
Taishcha vritram samashritya jagatsarvam prabadhitam
101.8
ते वृत्रं निहतं दृष्ट्वा सहस्राक्षेण धीमता
जीवितं परिरक्षन्तः प्रविष्टा वरुणालयम्
Te vritram nihatam drishtva sahasrakshena dhimata
Jivitam parirakshantah pravishta varunalayam
101.9
ते प्रविश्योदधिं घोरं नक्रग्राहसमाकुलम्
उत्सादनार्थं लोकानां रात्रौ घ्नन्ति मुनीनिह
Te pravishyodadhim ghoram nakragrahasamakulam
Utsadanartham lokanam ratrau ghnanti muniniha
101.10
न तु शक्याः क्षयं नेतुं समुद्राश्रयगा हि ते
समुद्रस्य क्षये बुद्धिर्भवद्भिः संप्रधार्यताम्
अगस्त्येन विना को हि शक्तोऽन्योऽर्णवशोषणे
Na tu shakyah kshayam netum samudrashrayaga hi te
Samudrasya kshaye buddhirbhavadbhih sampradharyatam
Agastyena vina ko hi shaktonyornavashoshane
101.11
एतच्छ्रुत्वा वचो देवा विष्णुना समुदाहृतम्
परमेष्ठिनमाज्ञाप्य अगस्त्यस्याश्रमं ययुः
Etachchhrutva vacho deva vishnuna samudahritam
Parameshthinamagyapya agastyasyashramam yayuh
101.12
तत्रापश्यन्महात्मानं वारुणिं दीप्ततेजसम्
उपास्यमानमृषिभिर्देवैरिव पितामहम्
Tatrapashyanmahatmanam varunim diptatejasam
Upasyamanamrishibhirdevairiva pitamaham
101.13
तेऽभिगम्य महात्मानं मैत्रावरुणिमच्युतम्
आश्रमस्थं तपोराशिं कर्मभिः स्वैरभिष्टुवन्
Tebhigamya mahatmanam maitravarunimachyutam
Ashramastham taporashim karmabhih svairabhishtuvan
101.14
देवा ऊचुः
नहुषेणाभितप्तानां त्वं लोकानां गतिः पुरा
भ्रंशितश्च सुरैश्वर्याल्लोकार्थं लोककण्टकः
Deva uchuh
Nahushenabhitaptanam tvam lokanam gatih pura
Bhranshitashcha suraishvaryallokartham lokakantakah
101.15
क्रोधात्प्रवृद्धः सहसा भास्करस्य नगोत्तमः
वचस्तवानतिक्रामन्विन्ध्यः शैलो न वर्धते
Krodhatpravriddhah sahasa bhaskarasya nagottamah
Vachastavanatikramanvindhyah shailo na vardhate
101.16
तमसा चावृते लोके मृत्युनाभ्यर्दिताः प्रजाः
त्वामेव नाथमासाद्य निर्वृतिं परमां गताः
Tamasa chavrite loke mrityunabhyarditah prajah
Tvameva nathamasadya nirvritim paramam gatah
101.17
अस्माकं भयभीतानां नित्यशो भगवान्गतिः
ततस्त्वार्ताः प्रयाचामस्त्वां वरं वरदो ह्यसि
Asmakam bhayabhitanam nityasho bhagavangatih
Tatastvartah prayachamastvam varam varado hyasi