UtshovChapter 58
58.1
शकुनिरुवाच
बहु वित्तं पराजैषीः पाण्डवानां युधिष्ठिर
आचक्ष्व वित्तं कौन्तेय यदि तेऽस्त्यपराजितम्
Shakuniruvacha
Bahu vittam parajaishih pandavanam yudhishthira
Achakshva vittam kaunteya yadi testyaparajitam
58.2
युधिष्ठिर उवाच
मम वित्तमसंख्येयं यदहं वेद सौबल
अथ त्वं शकुने कस्माद्वित्तं समनुपृच्छसि
Yudhishthira uvacha
Mama vittamasankhyeyam yadaham veda saubala
Atha tvam shakune kasmadvittam samanuprichchhasi
58.3
अयुतं प्रयुतं चैव खर्वं पद्मं तथार्बुदम्
शङ्खं चैव निखर्वं च समुद्रं चात्र पण्यताम्
एतन्मम धनं राजंस्तेन दीव्याम्यहं त्वया
Ayutam prayutam chaiva kharvam padmam tatharbudam
Shankham chaiva nikharvam cha samudram chatra panyatam
Etanmama dhanam rajanstena divyamyaham tvaya
58.4
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.5
युधिष्ठिर उवाच
गवाश्वं बहुधेनूकमसंख्येयमजाविकम्
यत्किंचिदनुवर्णानां प्राक्सिन्धोरपि सौबल
एतन्मम धनं राजंस्तेन दीव्याम्यहं त्वया
Yudhishthira uvacha
Gavashvam bahudhenukamasankhyeyamajavikam
Yatkinchidanuvarnanam praksindhorapi saubala
Etanmama dhanam rajanstena divyamyaham tvaya
58.6
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.7
युधिष्ठिर उवाच
पुरं जनपदो भूमिरब्राह्मणधनैः सह
अब्राह्मणाश्च पुरुषा राजञ्शिष्टं धनं मम
एतद्राजन्धनं मह्यं तेन दीव्याम्यहं त्वया
Yudhishthira uvacha
Puram janapado bhumirabrahmanadhanaih saha
Abrahmanashcha purusha rajanshishtam dhanam mama
Etadrajandhanam mahyam tena divyamyaham tvaya
58.8
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.9
युधिष्ठिर उवाच
राजपुत्रा इमे राजञ्शोभन्ते येन भूषिताः
कुण्डलानि च निष्काश्च सर्वं चाङ्गविभूषणम्
एतन्मम धनं राजंस्तेन दीव्याम्यहं त्वया
Yudhishthira uvacha
Rajaputra ime rajanshobhante yena bhushitah
Kundalani cha nishkashcha sarvam changavibhushanam
Etanmama dhanam rajanstena divyamyaham tvaya
58.10
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.11
युधिष्ठिर उवाच
श्यामो युवा लोहिताक्षः सिंहस्कन्धो महाभुजः
नकुलो ग्लह एको मे यच्चैतत्स्वगतं धनम्
Yudhishthira uvacha
Shyamo yuva lohitakshah sinhaskandho mahabhujah
Nakulo glaha eko me yachchaitatsvagatam dhanam
58.12
शकुनिरुवाच
प्रियस्ते नकुलो राजन्राजपुत्रो युधिष्ठिर
अस्माकं धनतां प्राप्तो भूयस्त्वं केन दीव्यसि
Shakuniruvacha
Priyaste nakulo rajanrajaputro yudhishthira
Asmakam dhanatam prapto bhuyastvam kena divyasi
58.13
वैशंपायन उवाच
एवमुक्त्वा तु शकुनिस्तानक्षान्प्रत्यपद्यत
जितमित्येव शकुनिर्युधिष्ठिरमभाषत
Vaishampayana uvacha
Evamuktva tu shakunistanakshanpratyapadyata
Jitamityeva shakuniryudhishthiramabhashata
58.14
युधिष्ठिर उवाच
अयं धर्मान्सहदेवोऽनुशास्ति; लोके ह्यस्मिन्पण्डिताख्यां गतश्च
अनर्हता राजपुत्रेण तेन; त्वया दीव्याम्यप्रियवत्प्रियेण
Yudhishthira uvacha
Ayam dharmansahadevonushasti; loke hyasminpanditakhyam gatashcha
Anarhata rajaputrena tena; tvaya divyamyapriyavatpriyena
58.15
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.16
शकुनिरुवाच
माद्रीपुत्रौ प्रियौ राजंस्तवेमौ विजितौ मया
गरीयांसौ तु ते मन्ये भीमसेनधनंजयौ
Shakuniruvacha
Madriputrau priyau rajanstavemau vijitau maya
Gariyansau tu te manye bhimasenadhananjayau
58.17
युधिष्ठिर उवाच
अधर्मं चरसे नूनं यो नावेक्षसि वै नयम्
यो नः सुमनसां मूढ विभेदं कर्तुमिच्छसि
Yudhishthira uvacha
Adharmam charase nunam yo navekshasi vai nayam
Yo nah sumanasam mudha vibhedam kartumichchhasi
58.18
शकुनिरुवाच
गर्ते मत्तः प्रपतति प्रमत्तः स्थाणुमृच्छति
ज्येष्ठो राजन्वरिष्ठोऽसि नमस्ते भरतर्षभ
Shakuniruvacha
Garte mattah prapatati pramattah sthanumrichchhati
Jyeshtho rajanvarishthosi namaste bharatarshabha
58.19
स्वप्ने न तानि पश्यन्ति जाग्रतो वा युधिष्ठिर
कितवा यानि दीव्यन्तः प्रलपन्त्युत्कटा इव
Svapne na tani pashyanti jagrato va yudhishthira
Kitava yani divyantah pralapantyutkata iva
58.20
युधिष्ठिर उवाच
यो नः संख्ये नौरिव पारनेता; जेता रिपूणां राजपुत्रस्तरस्वी
अनर्हता लोकवीरेण तेन; दीव्याम्यहं शकुने फल्गुनेन
Yudhishthira uvacha
Yo nah sankhye nauriva paraneta; jeta ripunam rajaputrastarasvi
Anarhata lokavirena tena; divyamyaham shakune phalgunena
58.21
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.22
शकुनिरुवाच
अयं मया पाण्डवानां धनुर्धरः; पराजितः पाण्डवः सव्यसाची
भीमेन राजन्दयितेन दीव्य; यत्कैतव्यं पाण्डव तेऽवशिष्टम्
Shakuniruvacha
Ayam maya pandavanam dhanurdharah; parajitah pandavah savyasachi
Bhimena rajandayitena divya; yatkaitavyam pandava tevashishtam
58.23
युधिष्ठिर उवाच
यो नो नेता यो युधां नः प्रणेता; यथा वज्री दानवशत्रुरेकः
तिर्यक्प्रेक्षी संहतभ्रूर्महात्मा; सिंहस्कन्धो यश्च सदात्यमर्षी
Yudhishthira uvacha
Yo no neta yo yudham nah praneta; yatha vajri danavashatrurekah
Tiryakprekshi sanhatabhrurmahatma; sinhaskandho yashcha sadatyamarshi
58.24
बलेन तुल्यो यस्य पुमान्न विद्यते; गदाभृतामग्र्य इहारिमर्दनः
अनर्हता राजपुत्रेण तेन; दीव्याम्यहं भीमसेनेन राजन्
Balena tulyo yasya pumanna vidyate; gadabhritamagrya iharimardanah
Anarhata rajaputrena tena; divyamyaham bhimasenena rajan
58.25
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.26
शकुनिरुवाच
बहु वित्तं पराजैषीर्भ्रातॄंश्च सहयद्विपान्
आचक्ष्व वित्तं कौन्तेय यदि तेऽस्त्यपराजितम्
Shakuniruvacha
Bahu vittam parajaishirbhratrinshcha sahayadvipan
Achakshva vittam kaunteya yadi testyaparajitam
58.27
युधिष्ठिर उवाच
अहं विशिष्टः सर्वेषां भ्रातॄणां दयितस्तथा
कुर्यामस्ते जिताः कर्म स्वयमात्मन्युपप्लवे
Yudhishthira uvacha
Aham vishishtah sarvesham bhratrinam dayitastatha
Kuryamaste jitah karma svayamatmanyupaplave
58.28
वैशंपायन उवाच
एतच्छ्रुत्वा व्यवसितो निकृतिं समुपाश्रितः
जितमित्येव शकुनिर्युधिष्ठिरमभाषत
Vaishampayana uvacha
Etachchhrutva vyavasito nikritim samupashritah
Jitamityeva shakuniryudhishthiramabhashata
58.29
शकुनिरुवाच
एतत्पापिष्ठमकरोर्यदात्मानं पराजितः
शिष्टे सति धने राजन्पाप आत्मपराजयः
Shakuniruvacha
Etatpapishthamakaroryadatmanam parajitah
Shishte sati dhane rajanpapa atmaparajayah
58.30
वैशंपायन उवाच
एवमुक्त्वा मताक्षस्तान्ग्लहे सर्वानवस्थितान्
पराजयल्लोकवीरानाक्षेपेण पृथक्पृथक्
Vaishampayana uvacha
Evamuktva matakshastanglahe sarvanavasthitan
Parajayallokaviranakshepena prithakprithak
58.31
शकुनिरुवाच
अस्ति वै ते प्रिया देवी ग्लह एकोऽपराजितः
पणस्व कृष्णां पाञ्चालीं तयात्मानं पुनर्जय
Shakuniruvacha
Asti vai te priya devi glaha ekoparajitah
Panasva krishnam panchalim tayatmanam punarjaya
58.32
युधिष्ठिर उवाच
नैव ह्रस्वा न महती नातिकृष्णा न रोहिणी
सरागरक्तनेत्रा च तया दीव्याम्यहं त्वया
Yudhishthira uvacha
Naiva hrasva na mahati natikrishna na rohini
Saragaraktanetra cha taya divyamyaham tvaya
58.33
शारदोत्पलपत्राक्ष्या शारदोत्पलगन्धया
शारदोत्पलसेविन्या रूपेण श्रीसमानया
Sharadotpalapatrakshya sharadotpalagandhaya
Sharadotpalasevinya rupena shrisamanaya
58.34
तथैव स्यादानृशंस्यात्तथा स्याद्रूपसंपदा
तथा स्याच्छीलसंपत्त्या यामिच्छेत्पुरुषः स्त्रियम्
Tathaiva syadanrishansyattatha syadrupasampada
Tatha syachchhilasampattya yamichchhetpurushah striyam
58.35
चरमं संविशति या प्रथमं प्रतिबुध्यते
आ गोपालाविपालेभ्यः सर्वं वेद कृताकृतम्
Charamam sanvishati ya prathamam pratibudhyate
A gopalavipalebhyah sarvam veda kritakritam
58.36
आभाति पद्मवद्वक्त्रं सस्वेदं मल्लिकेव च
वेदीमध्या दीर्घकेशी ताम्राक्षी नातिरोमशा
Abhati padmavadvaktram sasvedam mallikeva cha
Vedimadhya dirghakeshi tamrakshi natiromasha
58.37
तयैवंविधया राजन्पाञ्चाल्याहं सुमध्यया
ग्लहं दीव्यामि चार्वङ्ग्या द्रौपद्या हन्त सौबल
Tayaivanvidhaya rajanpanchalyaham sumadhyaya
Glaham divyami charvangya draupadya hanta saubala
58.38
वैशंपायन उवाच
एवमुक्ते तु वचने धर्मराजेन भारत
धिग्धिगित्येव वृद्धानां सभ्यानां निःसृता गिरः
Vaishampayana uvacha
Evamukte tu vachane dharmarajena bharata
Dhigdhigityeva vriddhanam sabhyanam nihsrita girah
58.39
चुक्षुभे सा सभा राजन्राज्ञां संजज्ञिरे कथाः
भीष्मद्रोणकृपादीनां स्वेदश्च समजायत
Chukshubhe sa sabha rajanragyam sanjagyire kathah
Bhishmadronakripadinam svedashcha samajayata
58.40
शिरो गृहीत्वा विदुरो गतसत्त्व इवाभवत्
आस्ते ध्यायन्नधोवक्त्रो निःश्वसन्पन्नगो यथा
Shiro grihitva viduro gatasattva ivabhavat
Aste dhyayannadhovaktro nihshvasanpannago yatha
58.41
धृतराष्ट्रस्तु संहृष्टः पर्यपृच्छत्पुनः पुनः
किं जितं किं जितमिति ह्याकारं नाभ्यरक्षत
Dhritarashtrastu sanhrishtah paryaprichchhatpunah punah
Kim jitam kim jitamiti hyakaram nabhyarakshata
58.42
जहर्ष कर्णोऽतिभृशं सह दुःशासनादिभिः
इतरेषां तु सभ्यानां नेत्रेभ्यः प्रापतज्जलम्
Jaharsha karnotibhrisham saha duhshasanadibhih
Itaresham tu sabhyanam netrebhyah prapatajjalam
58.43
सौबलस्त्वविचार्यैव जितकाशी मदोत्कटः
जितमित्येव तानक्षान्पुनरेवान्वपद्यत
Saubalastvavicharyaiva jitakashi madotkatah
Jitamityeva tanakshanpunarevanvapadyata