UtshovChapter 7
7.1
वैशंपायन उवाच
तं शयानं महात्मानं वीरमानकदुन्दुभिम्
पुत्रशोकाभिसंतप्तं ददर्श कुरुपुंगवः
Vaishampayana uvacha
Tam shayanam mahatmanam viramanakadundubhim
Putrashokabhisantaptam dadarsha kurupungavah
7.2
तस्याश्रुपरिपूर्णाक्षो व्यूढोरस्को महाभुजः
आर्तस्यार्ततरः पार्थः पादौ जग्राह भारत
Tasyashruparipurnaksho vyudhorasko mahabhujah
Artasyartatarah parthah padau jagraha bharata
7.3
समालिङ्ग्यार्जुनं वृद्धः स भुजाभ्यां महाभुजः
रुदन्पुत्रान्स्मरन्सर्वान्विललाप सुविह्वलः
भ्रातॄन्पुत्रांश्च पौत्रांश्च दौहित्रांश्च सखीनपि
Samalingyarjunam vriddhah sa bhujabhyam mahabhujah
Rudanputransmaransarvanvilalapa suvihvalah
Bhratrinputranshcha pautranshcha dauhitranshcha sakhinapi
7.4
वसुदेव उवाच
यैर्जिता भूमिपालाश्च दैत्याश्च शतशोऽर्जुन
तान्दृष्ट्वा नेह पश्यामि जीवाम्यर्जुन दुर्मरः
Vasudeva uvacha
Yairjita bhumipalashcha daityashcha shatashorjuna
Tandrishtva neha pashyami jivamyarjuna durmarah
7.5
यौ तावर्जुन शिष्यौ ते प्रियौ बहुमतौ सदा
तयोरपनयात्पार्थ वृष्णयो निधनं गताः
Yau tavarjuna shishyau te priyau bahumatau sada
Tayorapanayatpartha vrishnayo nidhanam gatah
7.6
यौ तौ वृष्णिप्रवीराणां द्वावेवातिरथौ मतौ
प्रद्युम्नो युयुधानश्च कथयन्कत्थसे च यौ
Yau tau vrishnipraviranam dvavevatirathau matau
Pradyumno yuyudhanashcha kathayankatthase cha yau
7.7
नित्यं त्वं कुरुशार्दूल कृष्णश्च मम पुत्रकः
तावुभौ वृष्णिनाशस्य मुखमास्तां धनंजय
Nityam tvam kurushardula krishnashcha mama putrakah
Tavubhau vrishninashasya mukhamastam dhananjaya
7.8
न तु गर्हामि शैनेयं हार्दिक्यं चाहमर्जुन
अक्रूरं रौक्मिणेयं च शापो ह्येवात्र कारणम्
Na tu garhami shaineyam hardikyam chahamarjuna
Akruram raukmineyam cha shapo hyevatra karanam
7.9
केशिनं यस्तु कंसं च विक्रम्य जगतः प्रभुः
विदेहावकरोत्पार्थ चैद्यं च बलगर्वितम्
Keshinam yastu kansam cha vikramya jagatah prabhuh
Videhavakarotpartha chaidyam cha balagarvitam
7.10
नैषादिमेकलव्यं च चक्रे कालिङ्गमागधान्
गान्धारान्काशिराजं च मरुभूमौ च पार्थिवान्
Naishadimekalavyam cha chakre kalingamagadhan
Gandharankashirajam cha marubhumau cha parthivan
7.11
प्राच्यांश्च दाक्षिणात्यांश्च पार्वतीयांस्तथा नृपान्
सोऽभ्युपेक्षितवानेतमनयं मधुसूदनः
Prachyanshcha dakshinatyanshcha parvatiyanstatha nripan
Sobhyupekshitavanetamanayam madhusudanah
7.12
ततः पुत्रांश्च पौत्रांश्च भ्रातॄनथ सखीनपि
शयानान्निहतान्दृष्ट्वा ततो मामब्रवीदिदम्
Tatah putranshcha pautranshcha bhratrinatha sakhinapi
Shayanannihatandrishtva tato mamabravididam
7.13
संप्राप्तोऽद्यायमस्यान्तः कुलस्य पुरुषर्षभ
आगमिष्यति बीभत्सुरिमां द्वारवतीं पुरीम्
Sampraptodyayamasyantah kulasya purusharshabha
Agamishyati bibhatsurimam dvaravatim purim
7.14
आख्येयं तस्य यद्वृत्तं वृष्णीनां वैशसं महत्
स तु श्रुत्वा महातेजा यदूनामनयं प्रभो
आगन्ता क्षिप्रमेवेह न मेऽत्रास्ति विचारणा
Akhyeyam tasya yadvrittam vrishninam vaishasam mahat
Sa tu shrutva mahateja yadunamanayam prabho
Aganta kshiprameveha na metrasti vicharana
7.15
योऽहं तमर्जुनं विद्धि योऽर्जुनः सोऽहमेव तु
यद्ब्रूयात्तत्तथा कार्यमिति बुध्यस्व माधव
Yoham tamarjunam viddhi yorjunah sohameva tu
Yadbruyattattatha karyamiti budhyasva madhava
7.16
स स्त्रीषु प्राप्तकालं वः पाण्डवो बालकेषु च
प्रतिपत्स्यति बीभत्सुर्भवतश्चौर्ध्वदेहिकम्
Sa strishu praptakalam vah pandavo balakeshu cha
Pratipatsyati bibhatsurbhavatashchaurdhvadehikam
7.17
इमां च नगरीं सद्यः प्रतियाते धनंजये
प्राकाराट्टालकोपेतां समुद्रः प्लावयिष्यति
Imam cha nagarim sadyah pratiyate dhananjaye
Prakarattalakopetam samudrah plavayishyati
7.18
अहं हि देशे कस्मिंश्चित्पुण्ये नियममास्थितः
कालं कर्ता सद्य एव रामेण सह धीमता
Aham hi deshe kasminshchitpunye niyamamasthitah
Kalam karta sadya eva ramena saha dhimata
7.19
एवमुक्त्वा हृषीकेशो मामचिन्त्यपराक्रमः
हित्वा मां बालकैः सार्धं दिशं कामप्यगात्प्रभुः
Evamuktva hrishikesho mamachintyaparakramah
Hitva mam balakaih sardham disham kamapyagatprabhuh
7.20
सोऽहं तौ च महात्मानौ चिन्तयन्भ्रातरौ तव
घोरं ज्ञातिवधं चैव न भुञ्जे शोककर्शितः
Soham tau cha mahatmanau chintayanbhratarau tava
Ghoram gyativadham chaiva na bhunje shokakarshitah
7.21
न च भोक्ष्ये न जीविष्ये दिष्ट्या प्राप्तोऽसि पाण्डव
यदुक्तं पार्थ कृष्णेन तत्सर्वमखिलं कुरु
Na cha bhokshye na jivishye dishtya praptosi pandava
Yaduktam partha krishnena tatsarvamakhilam kuru
7.22
एतत्ते पार्थ राज्यं च स्त्रियो रत्नानि चैव ह
इष्टान्प्राणानहं हीमांस्त्यक्ष्यामि रिपुसूदन
Etatte partha rajyam cha striyo ratnani chaiva ha
Ishtanprananaham himanstyakshyami ripusudana