UtshovChapter 7
7.1
धृतराष्ट्र उवाच
स्पृश मां पाणिना भूयः परिष्वज च पाण्डव
जीवामीव हि संस्पर्शात्तव राजीवलोचन
Dhritarashtra uvacha
Sprisha mam panina bhuyah parishvaja cha pandava
Jivamiva hi sansparshattava rajivalochana
7.2
मूर्धानं च तवाघ्रातुमिच्छामि मनुजाधिप
पाणिभ्यां च परिस्प्रष्टुं प्राणा हि न जहुर्मम
Murdhanam cha tavaghratumichchhami manujadhipa
Panibhyam cha parisprashtum prana hi na jahurmama
7.3
अष्टमो ह्यद्य कालोऽयमाहारस्य कृतस्य मे
येनाहं कुरुशार्दूल न शक्नोमि विचेष्टितुम्
Ashtamo hyadya kaloyamaharasya kritasya me
Yenaham kurushardula na shaknomi vicheshtitum
7.4
व्यायामश्चायमत्यर्थं कृतस्त्वामभियाचता
ततो ग्लानमनास्तात नष्टसंज्ञ इवाभवम्
Vyayamashchayamatyartham kritastvamabhiyachata
Tato glanamanastata nashtasangya ivabhavam
7.5
तवामृतसमस्पर्शं हस्तस्पर्शमिमं विभो
लब्ध्वा संजीवितोऽस्मीति मन्ये कुरुकुलोद्वह
Tavamritasamasparsham hastasparshamimam vibho
Labdhva sanjivitosmiti manye kurukulodvaha
7.6
वैशंपायन उवाच
एवमुक्तस्तु कौन्तेयः पित्रा ज्येष्ठेन भारत
पस्पर्श सर्वगात्रेषु सौहार्दात्तं शनैस्तदा
Vaishampayana uvacha
Evamuktastu kaunteyah pitra jyeshthena bharata
Pasparsha sarvagatreshu sauhardattam shanaistada
7.7
उपलभ्य ततः प्राणान्धृतराष्ट्रो महीपतिः
बाहुभ्यां संपरिष्वज्य मूर्ध्न्याजिघ्रत पाण्डवम्
Upalabhya tatah pranandhritarashtro mahipatih
Bahubhyam samparishvajya murdhnyajighrata pandavam
7.8
विदुरादयश्च ते सर्वे रुरुदुर्दुःखिता भृशम्
अतिदुःखाच्च राजानं नोचुः किंचन पाण्डवाः
Viduradayashcha te sarve rurudurduhkhita bhrisham
Atiduhkhachcha rajanam nochuh kinchana pandavah
7.9
गान्धारी त्वेव धर्मज्ञा मनसोद्वहती भृशम्
दुःखान्यवारयद्राजन्मैवमित्येव चाब्रवीत्
Gandhari tveva dharmagya manasodvahati bhrisham
Duhkhanyavarayadrajanmaivamityeva chabravit
7.10
इतरास्तु स्त्रियः सर्वाः कुन्त्या सह सुदुःखिताः
नेत्रैरागतविक्लेदैः परिवार्य स्थिताभवन्
Itarastu striyah sarvah kuntya saha suduhkhitah
Netrairagatavikledaih parivarya sthitabhavan
7.11
अथाब्रवीत्पुनर्वाक्यं धृतराष्ट्रो युधिष्ठिरम्
अनुजानीहि मां राजंस्तापस्ये भरतर्षभ
Athabravitpunarvakyam dhritarashtro yudhishthiram
Anujanihi mam rajanstapasye bharatarshabha
7.12
ग्लायते मे मनस्तात भूयो भूयः प्रजल्पतः
न मामतः परं पुत्र परिक्लेष्टुमिहार्हसि
Glayate me manastata bhuyo bhuyah prajalpatah
Na mamatah param putra parikleshtumiharhasi
7.13
तस्मिंस्तु कौरवेन्द्रे तं तथा ब्रुवति पाण्डवम्
सर्वेषामवरोधानामार्तनादो महानभूत्
Tasminstu kauravendre tam tatha bruvati pandavam
Sarveshamavarodhanamartanado mahanabhut
7.14
दृष्ट्वा कृशं विवर्णं च राजानमतथोचितम्
उपवासपरिश्रान्तं त्वगस्थिपरिवारितम्
Drishtva krisham vivarnam cha rajanamatathochitam
Upavasaparishrantam tvagasthiparivaritam
7.15
धर्मपुत्रः स पितरं परिष्वज्य महाभुजः
शोकजं बाष्पमुत्सृज्य पुनर्वचनमब्रवीत्
Dharmaputrah sa pitaram parishvajya mahabhujah
Shokajam bashpamutsrijya punarvachanamabravit
7.16
न कामये नरश्रेष्ठ जीवितं पृथिवीं तथा
यथा तव प्रियं राजंश्चिकीर्षामि परंतप
Na kamaye narashreshtha jivitam prithivim tatha
Yatha tava priyam rajanshchikirshami parantapa
7.17
यदि त्वहमनुग्राह्यो भवतो दयितोऽपि वा
क्रियतां तावदाहारस्ततो वेत्स्यामहे वयम्
Yadi tvahamanugrahyo bhavato dayitopi va
Kriyatam tavadaharastato vetsyamahe vayam
7.18
ततोऽब्रवीन्महातेजा धर्मपुत्रं स पार्थिवः
अनुज्ञातस्त्वया पुत्र भुञ्जीयामिति कामये
Tatobravinmahateja dharmaputram sa parthivah
Anugyatastvaya putra bhunjiyamiti kamaye
7.19
इति ब्रुवति राजेन्द्रे धृतराष्ट्रे युधिष्ठिरम्
ऋषिः सत्यवतीपुत्रो व्यासोऽभ्येत्य वचोऽब्रवीत्
Iti bruvati rajendre dhritarashtre yudhishthiram
Rishih satyavatiputro vyasobhyetya vachobravit