UtshovChapter 43
43.1
वैशंपायन उवाच
अदृष्ट्वा तु नृपः पुत्रान्दर्शनं प्रतिलब्धवान्
ऋषिप्रसादात्पुत्राणां स्वरूपाणां कुरूद्वह
Vaishampayana uvacha
Adrishtva tu nripah putrandarshanam pratilabdhavan
Rishiprasadatputranam svarupanam kurudvaha
43.2
स राजा राजधर्मांश्च ब्रह्मोपनिषदं तथा
अवाप्तवान्नरश्रेष्ठो बुद्धिनिश्चयमेव च
Sa raja rajadharmanshcha brahmopanishadam tatha
Avaptavannarashreshtho buddhinishchayameva cha
43.3
विदुरश्च महाप्राज्ञो ययौ सिद्धिं तपोबलात्
धृतराष्ट्रः समासाद्य व्यासं चापि तपस्विनम्
Vidurashcha mahapragyo yayau siddhim tapobalat
Dhritarashtrah samasadya vyasam chapi tapasvinam
43.4
जनमेजय उवाच
ममापि वरदो व्यासो दर्शयेत्पितरं यदि
तद्रूपवेषवयसं श्रद्दध्यां सर्वमेव ते
Janamejaya uvacha
Mamapi varado vyaso darshayetpitaram yadi
Tadrupaveshavayasam shraddadhyam sarvameva te
43.5
प्रियं मे स्यात्कृतार्थश्च स्यामहं कृतनिश्चयः
प्रसादादृषिपुत्रस्य मम कामः समृध्यताम्
Priyam me syatkritarthashcha syamaham kritanishchayah
Prasadadrishiputrasya mama kamah samridhyatam
43.6
सूत उवाच
इत्युक्तवचने तस्मिन्नृपे व्यासः प्रतापवान्
प्रसादमकरोद्धीमानानयच्च परिक्षितम्
Suta uvacha
Ityuktavachane tasminnripe vyasah pratapavan
Prasadamakaroddhimananayachcha parikshitam
43.7
ततस्तद्रूपवयसमागतं नृपतिं दिवः
श्रीमन्तं पितरं राजा ददर्श जनमेजयः
Tatastadrupavayasamagatam nripatim divah
Shrimantam pitaram raja dadarsha janamejayah
43.8
शमीकं च महात्मानं पुत्रं तं चास्य शृङ्गिणम्
अमात्या ये बभूवुश्च राज्ञस्तांश्च ददर्श ह
Shamikam cha mahatmanam putram tam chasya shringinam
Amatya ye babhuvushcha ragyastanshcha dadarsha ha
43.9
ततः सोऽवभृथे राजा मुदितो जनमेजयः
पितरं स्नापयामास स्वयं सस्नौ च पार्थिवः
Tatah sovabhrithe raja mudito janamejayah
Pitaram snapayamasa svayam sasnau cha parthivah
43.10
स्नात्वा च भरतश्रेष्ठः सोऽऽस्तीकमिदमब्रवीत्
यायावरकुलोत्पन्नं जरत्कारुसुतं तदा
Snatva cha bharatashreshthah sostikamidamabravit
Yayavarakulotpannam jaratkarusutam tada
43.11
आस्तीक विविधाश्चर्यो यज्ञोऽयमिति मे मतिः
यदद्यायं पिता प्राप्तो मम शोकप्रणाशनः
Astika vividhashcharyo yagyoyamiti me matih
Yadadyayam pita prapto mama shokapranashanah
43.12
आस्तीक उवाच
ऋषिर्द्वैपायनो यत्र पुराणस्तपसो निधिः
यज्ञे कुरुकुलश्रेष्ठ तस्य लोकावुभौ जितौ
Astika uvacha
Rishirdvaipayano yatra puranastapaso nidhih
Yagye kurukulashreshtha tasya lokavubhau jitau
43.13
श्रुतं विचित्रमाख्यानं त्वया पाण्डवनन्दन
सर्पाश्च भस्मसान्नीता गताश्च पदवीं पितुः
Shrutam vichitramakhyanam tvaya pandavanandana
Sarpashcha bhasmasannita gatashcha padavim pituh
43.14
कथंचित्तक्षको मुक्तः सत्यत्वात्तव पार्थिव
ऋषयः पूजिताः सर्वे गतिं दृष्ट्वा महात्मनः
Kathanchittakshako muktah satyatvattava parthiva
Rishayah pujitah sarve gatim drishtva mahatmanah
43.15
प्राप्तः सुविपुलो धर्मः श्रुत्वा पापविनाशनम्
विमुक्तो हृदयग्रन्थिरुदारजनदर्शनात्
Praptah suvipulo dharmah shrutva papavinashanam
Vimukto hridayagranthirudarajanadarshanat
43.16
ये च पक्षधरा धर्मे सद्वृत्तरुचयश्च ये
यान्दृष्ट्वा हीयते पापं तेभ्यः कार्या नमस्क्रियाः
Ye cha pakshadhara dharme sadvrittaruchayashcha ye
Yandrishtva hiyate papam tebhyah karya namaskriyah
43.17
सूत उवाच
एतच्छ्रुत्वा द्विजश्रेष्ठात्स राजा जनमेजयः
पूजयामास तमृषिमनुमान्य पुनः पुनः
Suta uvacha
Etachchhrutva dvijashreshthatsa raja janamejayah
Pujayamasa tamrishimanumanya punah punah
43.18
पप्रच्छ तमृषिं चापि वैशंपायनमच्युतम्
कथावशेषं धर्मज्ञो वनवासस्य सत्तम
Paprachchha tamrishim chapi vaishampayanamachyutam
Kathavashesham dharmagyo vanavasasya sattama