UtshovChapter 38
38.1
कुन्त्युवाच
भगवञ्श्वशुरो मेऽसि दैवतस्यापि दैवतम्
स मे देवातिदेवस्त्वं शृणु सत्यां गिरं मम
Kuntyuvacha
Bhagavanshvashuro mesi daivatasyapi daivatam
Sa me devatidevastvam shrinu satyam giram mama
38.2
तपस्वी कोपनो विप्रो दुर्वासा नाम मे पितुः
भिक्षामुपागतो भोक्तुं तमहं पर्यतोषयम्
Tapasvi kopano vipro durvasa nama me pituh
Bhikshamupagato bhoktum tamaham paryatoshayam
38.3
शौचेन त्वागसस्त्यागैः शुद्धेन मनसा तथा
कोपस्थानेष्वपि महत्स्वकुप्यं न कदाचन
Shauchena tvagasastyagaih shuddhena manasa tatha
Kopasthaneshvapi mahatsvakupyam na kadachana
38.4
स मे वरमदात्प्रीतः कृतमित्यहमब्रुवम्
अवश्यं ते ग्रहीतव्यमिति मां सोऽब्रवीद्वचः
Sa me varamadatpritah kritamityahamabruvam
Avashyam te grahitavyamiti mam sobravidvachah
38.5
ततः शापभयाद्विप्रमवोचं पुनरेव तम्
एवमस्त्विति च प्राह पुनरेव स मां द्विजः
Tatah shapabhayadvipramavocham punareva tam
Evamastviti cha praha punareva sa mam dvijah
38.6
धर्मस्य जननी भद्रे भवित्री त्वं वरानने
वशे स्थास्यन्ति ते देवा यांस्त्वमावाहयिष्यसि
Dharmasya janani bhadre bhavitri tvam varanane
Vashe sthasyanti te deva yanstvamavahayishyasi
38.7
इत्युक्त्वान्तर्हितो विप्रस्ततोऽहं विस्मिताभवम्
न च सर्वास्ववस्थासु स्मृतिर्मे विप्रणश्यति
Ityuktvantarhito viprastatoham vismitabhavam
Na cha sarvasvavasthasu smritirme vipranashyati
38.8
अथ हर्म्यतलस्थाहं रविमुद्यन्तमीक्षती
संस्मृत्य तदृषेर्वाक्यं स्पृहयन्ती दिवाकरम्
स्थिताहं बालभावेन तत्र दोषमबुध्यती
Atha harmyatalasthaham ravimudyantamikshati
Sansmritya tadrishervakyam sprihayanti divakaram
Sthitaham balabhavena tatra doshamabudhyati
38.9
अथ देवः सहस्रांशुर्मत्समीपगतोऽभवत्
द्विधा कृत्वात्मनो देहं भूमौ च गगनेऽपि च
तताप लोकानेकेन द्वितीयेनागमच्च माम्
Atha devah sahasranshurmatsamipagatobhavat
Dvidha kritvatmano deham bhumau cha gaganepi cha
Tatapa lokanekena dvitiyenagamachcha mam
38.10
स मामुवाच वेपन्तीं वरं मत्तो वृणीष्व ह
गम्यतामिति तं चाहं प्रणम्य शिरसावदम्
Sa mamuvacha vepantim varam matto vrinishva ha
Gamyatamiti tam chaham pranamya shirasavadam
38.11
स मामुवाच तिग्मांशुर्वृथाह्वानं न ते क्षमम्
धक्ष्यामि त्वां च विप्रं च येन दत्तो वरस्तव
Sa mamuvacha tigmanshurvrithahvanam na te kshamam
Dhakshyami tvam cha vipram cha yena datto varastava
38.12
तमहं रक्षती विप्रं शापादनपराधिनम्
पुत्रो मे त्वत्समो देव भवेदिति ततोऽब्रुवम्
Tamaham rakshati vipram shapadanaparadhinam
Putro me tvatsamo deva bhavediti tatobruvam
38.13
ततो मां तेजसाविश्य मोहयित्वा च भानुमान्
उवाच भविता पुत्रस्तवेत्यभ्यगमद्दिवम्
Tato mam tejasavishya mohayitva cha bhanuman
Uvacha bhavita putrastavetyabhyagamaddivam
38.14
ततोऽहमन्तर्भवने पितुर्वृत्तान्तरक्षिणी
गूढोत्पन्नं सुतं बालं जले कर्णमवासृजम्
Tatohamantarbhavane piturvrittantarakshini
Gudhotpannam sutam balam jale karnamavasrijam
38.15
नूनं तस्यैव देवस्य प्रसादात्पुनरेव तु
कन्याहमभवं विप्र यथा प्राह स मामृषिः
Nunam tasyaiva devasya prasadatpunareva tu
Kanyahamabhavam vipra yatha praha sa mamrishih
38.16
स मया मूढया पुत्रो ज्ञायमानोऽप्युपेक्षितः
तन्मां दहति विप्रर्षे यथा सुविदितं तव
Sa maya mudhaya putro gyayamanopyupekshitah
Tanmam dahati viprarshe yatha suviditam tava
38.17
यदि पापमपापं वा तदेतद्विवृतं मया
तन्मे भयं त्वं भगवन्व्यपनेतुमिहार्हसि
Yadi papamapapam va tadetadvivritam maya
Tanme bhayam tvam bhagavanvyapanetumiharhasi
38.18
यच्चास्य राज्ञो विदितं हृदिस्थं भवतोऽनघ
तं चायं लभतां काममद्यैव मुनिसत्तम
Yachchasya ragyo viditam hridistham bhavatonagha
Tam chayam labhatam kamamadyaiva munisattama
38.19
इत्युक्तः प्रत्युवाचेदं व्यासो वेदविदां वरः
साधु सर्वमिदं तथ्यमेवमेव यथात्थ माम्
Ityuktah pratyuvachedam vyaso vedavidam varah
Sadhu sarvamidam tathyamevameva yathattha mam
38.20
अपराधश्च ते नास्ति कन्याभावं गता ह्यसि
देवाश्चैश्वर्यवन्तो वै शरीराण्याविशन्ति वै
Aparadhashcha te nasti kanyabhavam gata hyasi
Devashchaishvaryavanto vai shariranyavishanti vai
38.21
सन्ति देवनिकायाश्च संकल्पाज्जनयन्ति ये
वाचा दृष्ट्या तथा स्पर्शात्संघर्षेणेति पञ्चधा
Santi devanikayashcha sankalpajjanayanti ye
Vacha drishtya tatha sparshatsangharsheneti panchadha
38.22
मनुष्यधर्मो दैवेन धर्मेण न हि युज्यते
इति कुन्ति व्यजानीहि व्येतु ते मानसो ज्वरः
Manushyadharmo daivena dharmena na hi yujyate
Iti kunti vyajanihi vyetu te manaso jvarah
38.23
सर्वं बलवतां पथ्यं सर्वं बलवतां शुचि
सर्वं बलवतां धर्मः सर्वं बलवतां स्वकम्
Sarvam balavatam pathyam sarvam balavatam shuchi
Sarvam balavatam dharmah sarvam balavatam svakam