UtshovChapter 3
3.1
वैशंपायन उवाच
स राजा सुमहातेजा वृद्धः कुरुकुलोद्वहः
नापश्यत तदा किंचिदप्रियं पाण्डुनन्दने
Vaishampayana uvacha
Sa raja sumahateja vriddhah kurukulodvahah
Napashyata tada kinchidapriyam pandunandane
3.2
वर्तमानेषु सद्वृत्तिं पाण्डवेषु महात्मसु
प्रीतिमानभवद्राजा धृतराष्ट्रोऽम्बिकासुतः
Vartamaneshu sadvrittim pandaveshu mahatmasu
Pritimanabhavadraja dhritarashtrombikasutah
3.3
सौबलेयी च गान्धारी पुत्रशोकमपास्य तम्
सदैव प्रीतिमत्यासीत्तनयेषु निजेष्विव
Saubaleyi cha gandhari putrashokamapasya tam
Sadaiva pritimatyasittanayeshu nijeshviva
3.4
प्रियाण्येव तु कौरव्यो नाप्रियाणि कुरूद्वह
वैचित्रवीर्ये नृपतौ समाचरति नित्यदा
Priyanyeva tu kauravyo napriyani kurudvaha
Vaichitravirye nripatau samacharati nityada
3.5
यद्यद्ब्रूते च किंचित्स धृतराष्ट्रो नराधिपः
गुरु वा लघु वा कार्यं गान्धारी च यशस्विनी
Yadyadbrute cha kinchitsa dhritarashtro naradhipah
Guru va laghu va karyam gandhari cha yashasvini
3.6
तत्स राजा महाराज पाण्डवानां धुरंधरः
पूजयित्वा वचस्तत्तदकार्षीत्परवीरहा
Tatsa raja maharaja pandavanam dhurandharah
Pujayitva vachastattadakarshitparaviraha
3.7
तेन तस्याभवत्प्रीतो वृत्तेन स नराधिपः
अन्वतप्यच्च संस्मृत्य पुत्रं मन्दमचेतसम्
Tena tasyabhavatprito vrittena sa naradhipah
Anvatapyachcha sansmritya putram mandamachetasam
3.8
सदा च प्रातरुत्थाय कृतजप्यः शुचिर्नृपः
आशास्ते पाण्डुपुत्राणां समरेष्वपराजयम्
Sada cha pratarutthaya kritajapyah shuchirnripah
Ashaste panduputranam samareshvaparajayam
3.9
ब्राह्मणान्वाचयित्वा च हुत्वा चैव हुताशनम्
आयुष्यं पाण्डुपुत्राणामाशास्ते स नराधिपः
Brahmananvachayitva cha hutva chaiva hutashanam
Ayushyam panduputranamashaste sa naradhipah
3.10
न तां प्रीतिं परामाप पुत्रेभ्यः स महीपतिः
यां प्रीतिं पाण्डुपुत्रेभ्यः समवाप तदा नृपः
Na tam pritim paramapa putrebhyah sa mahipatih
Yam pritim panduputrebhyah samavapa tada nripah
3.11
ब्राह्मणानां च वृद्धानां क्षत्रियाणां च भारत
तथा विट्शूद्रसंघानामभवत्सुप्रियस्तदा
Brahmananam cha vriddhanam kshatriyanam cha bharata
Tatha vitshudrasanghanamabhavatsupriyastada
3.12
यच्च किंचित्पुरा पापं धृतराष्ट्रसुतैः कृतम्
अकृत्वा हृदि तद्राजा तं नृपं सोऽन्ववर्तत
Yachcha kinchitpura papam dhritarashtrasutaih kritam
Akritva hridi tadraja tam nripam sonvavartata
3.13
यश्च कश्चिन्नरः किंचिदप्रियं चाम्बिकासुते
कुरुते द्वेष्यतामेति स कौन्तेयस्य धीमतः
Yashcha kashchinnarah kinchidapriyam chambikasute
Kurute dveshyatameti sa kaunteyasya dhimatah
3.14
न राज्ञो धृतराष्ट्रस्य न च दुर्योधनस्य वै
उवाच दुष्कृतं किंचिद्युधिष्ठिरभयान्नरः
Na ragyo dhritarashtrasya na cha duryodhanasya vai
Uvacha dushkritam kinchidyudhishthirabhayannarah
3.15
धृत्या तुष्टो नरेन्द्रस्य गान्धारी विदुरस्तथा
शौचेन चाजातशत्रोर्न तु भीमस्य शत्रुहन्
Dhritya tushto narendrasya gandhari vidurastatha
Shauchena chajatashatrorna tu bhimasya shatruhan
3.16
अन्ववर्तत भीमोऽपि निष्टनन्धर्मजं नृपम्
धृतराष्ट्रं च संप्रेक्ष्य सदा भवति दुर्मनाः
Anvavartata bhimopi nishtanandharmajam nripam
Dhritarashtram cha samprekshya sada bhavati durmanah
3.17
राजानमनुवर्तन्तं धर्मपुत्रं महामतिम्
अन्ववर्तत कौरव्यो हृदयेन पराङ्मुखः
Rajanamanuvartantam dharmaputram mahamatim
Anvavartata kauravyo hridayena paranmukhah