UtshovChapter 12
12.1
धृतराष्ट्र उवाच
संधिविग्रहमप्यत्र पश्येथा राजसत्तम
द्वियोनिं त्रिविधोपायं बहुकल्पं युधिष्ठिर
Dhritarashtra uvacha
Sandhivigrahamapyatra pashyetha rajasattama
Dviyonim trividhopayam bahukalpam yudhishthira
12.2
राजेन्द्र पर्युपासीथाश्छित्त्वा द्वैविध्यमात्मनः
तुष्टपुष्टबलः शत्रुरात्मवानिति च स्मरेत्
Rajendra paryupasithashchhittva dvaividhyamatmanah
Tushtapushtabalah shatruratmavaniti cha smaret
12.3
पर्युपासनकाले तु विपरीतं विधीयते
आमर्दकाले राजेन्द्र व्यपसर्पस्ततो वरः
Paryupasanakale tu viparitam vidhiyate
Amardakale rajendra vyapasarpastato varah
12.4
व्यसनं भेदनं चैव शत्रूणां कारयेत्ततः
कर्शनं भीषणं चैव युद्धे चापि बहुक्षयम्
Vyasanam bhedanam chaiva shatrunam karayettatah
Karshanam bhishanam chaiva yuddhe chapi bahukshayam
12.5
प्रयास्यमानो नृपतिस्त्रिविधं परिचिन्तयेत्
आत्मनश्चैव शत्रोश्च शक्तिं शास्त्रविशारदः
Prayasyamano nripatistrividham parichintayet
Atmanashchaiva shatroshcha shaktim shastravisharadah
12.6
उत्साहप्रभुशक्तिभ्यां मन्त्रशक्त्या च भारत
उपपन्नो नरो यायाद्विपरीतमतोऽन्यथा
Utsahaprabhushaktibhyam mantrashaktya cha bharata
Upapanno naro yayadviparitamatonyatha
12.7
आददीत बलं राजा मौलं मित्रबलं तथा
अटवीबलं भृतं चैव तथा श्रेणीबलं च यत्
Adadita balam raja maulam mitrabalam tatha
Atavibalam bhritam chaiva tatha shrenibalam cha yat
12.8
तत्र मित्रबलं राजन्मौलेन न विशिष्यते
श्रेणीबलं भृतं चैव तुल्य एवेति मे मतिः
Tatra mitrabalam rajanmaulena na vishishyate
Shrenibalam bhritam chaiva tulya eveti me matih
12.9
तथा चारबलं चैव परस्परसमं नृप
विज्ञेयं बलकालेषु राज्ञा काल उपस्थिते
Tatha charabalam chaiva parasparasamam nripa
Vigyeyam balakaleshu ragya kala upasthite
12.10
आपदश्चापि बोद्धव्या बहुरूपा नराधिप
भवन्ति राज्ञां कौरव्य यास्ताः पृथगतः शृणु
Apadashchapi boddhavya bahurupa naradhipa
Bhavanti ragyam kauravya yastah prithagatah shrinu
12.11
विकल्पा बहवो राजन्नापदां पाण्डुनन्दन
सामादिभिरुपन्यस्य शमयेत्तान्नृपः सदा
Vikalpa bahavo rajannapadam pandunandana
Samadibhirupanyasya shamayettannripah sada
12.12
यात्रां यायाद्बलैर्युक्तो राजा षड्भिः परंतप
संयुक्तो देशकालाभ्यां बलैरात्मगुणैस्तथा
Yatram yayadbalairyukto raja shadbhih parantapa
Sanyukto deshakalabhyam balairatmagunaistatha
12.13
तुष्टपुष्टबलो यायाद्राजा वृद्ध्युदये रतः
आहूतश्चाप्यथो यायादनृतावपि पार्थिवः
Tushtapushtabalo yayadraja vriddhyudaye ratah
Ahutashchapyatho yayadanritavapi parthivah
12.14
स्थूणाश्मानं वाजिरथप्रधानां; ध्वजद्रुमैः संवृतकूलरोधसम्
पदातिनागैर्बहुकर्दमां नदीं; सपत्ननाशे नृपतिः प्रयायात्
Sthunashmanam vajirathapradhanam; dhvajadrumaih sanvritakularodhasam
Padatinagairbahukardamam nadim; sapatnanashe nripatih prayayat
12.15
अथोपपत्त्या शकटं पद्मं वज्रं च भारत
उशना वेद यच्छास्त्रं तत्रैतद्विहितं विभो
Athopapattya shakatam padmam vajram cha bharata
Ushana veda yachchhastram tatraitadvihitam vibho
12.16
सादयित्वा परबलं कृत्वा च बलहर्षणम्
स्वभूमौ योजयेद्युद्धं परभूमौ तथैव च
Sadayitva parabalam kritva cha balaharshanam
Svabhumau yojayedyuddham parabhumau tathaiva cha
12.17
लब्धं प्रशमयेद्राजा निक्षिपेद्धनिनो नरान्
ज्ञात्वा स्वविषयं तं च सामादिभिरुपक्रमेत्
Labdham prashamayedraja nikshipeddhanino naran
Gyatva svavishayam tam cha samadibhirupakramet
12.18
सर्वथैव महाराज शरीरं धारयेदिह
प्रेत्येह चैव कर्तव्यमात्मनिःश्रेयसं परम्
Sarvathaiva maharaja shariram dharayediha
Pretyeha chaiva kartavyamatmanihshreyasam param
12.19
एवं कुर्वञ्शुभा वाचो लोकेऽस्मिञ्शृणुते नृपः
प्रेत्य स्वर्गं तथाप्नोति प्रजा धर्मेण पालयन्
Evam kurvanshubha vacho lokesminshrinute nripah
Pretya svargam tathapnoti praja dharmena palayan
12.20
एवं त्वया कुरुश्रेष्ठ वर्तितव्यं प्रजाहितम्
उभयोर्लोकयोस्तात प्राप्तये नित्यमेव च
Evam tvaya kurushreshtha vartitavyam prajahitam
Ubhayorlokayostata praptaye nityameva cha
12.21
भीष्मेण पूर्वमुक्तोऽसि कृष्णेन विदुरेण च
मयाप्यवश्यं वक्तव्यं प्रीत्या ते नृपसत्तम
Bhishmena purvamuktosi krishnena vidurena cha
Mayapyavashyam vaktavyam pritya te nripasattama
12.22
एतत्सर्वं यथान्यायं कुर्वीथा भूरिदक्षिण
प्रियस्तथा प्रजानां त्वं स्वर्गे सुखमवाप्स्यसि
Etatsarvam yathanyayam kurvitha bhuridakshina
Priyastatha prajanam tvam svarge sukhamavapsyasi
12.23
अश्वमेधसहस्रेण यो यजेत्पृथिवीपतिः
पालयेद्वापि धर्मेण प्रजास्तुल्यं फलं लभेत्
Ashvamedhasahasrena yo yajetprithivipatih
Palayedvapi dharmena prajastulyam phalam labhet