UtshovChapter 11
11.1
धृतराष्ट्र उवाच
मण्डलानि च बुध्येथाः परेषामात्मनस्तथा
उदासीनगुणानां च मध्यमानां तथैव च
Dhritarashtra uvacha
Mandalani cha budhyethah pareshamatmanastatha
Udasinagunanam cha madhyamanam tathaiva cha
11.2
चतुर्णां शत्रुजातानां सर्वेषामाततायिनाम्
मित्रं चामित्रमित्रं च बोद्धव्यं तेऽरिकर्शन
Chaturnam shatrujatanam sarveshamatatayinam
Mitram chamitramitram cha boddhavyam terikarshana
11.3
तथामात्या जनपदा दुर्गाणि विषमाणि च
बलानि च कुरुश्रेष्ठ भवन्त्येषां यथेच्छकम्
Tathamatya janapada durgani vishamani cha
Balani cha kurushreshtha bhavantyesham yathechchhakam
11.4
ते च द्वादश कौन्तेय राज्ञां वै विविधात्मकाः
मन्त्रिप्रधानाश्च गुणाः षष्टिर्द्वादश च प्रभो
Te cha dvadasha kaunteya ragyam vai vividhatmakah
Mantripradhanashcha gunah shashtirdvadasha cha prabho
11.5
एतन्मण्डलमित्याहुराचार्या नीतिकोविदाः
अत्र षाड्गुण्यमायत्तं युधिष्ठिर निबोध तत्
Etanmandalamityahuracharya nitikovidah
Atra shadgunyamayattam yudhishthira nibodha tat
11.6
वृद्धिक्षयौ च विज्ञेयौ स्थानं च कुरुनन्दन
द्विसप्तत्या महाबाहो ततः षाड्गुण्यचारिणः
Vriddhikshayau cha vigyeyau sthanam cha kurunandana
Dvisaptatya mahabaho tatah shadgunyacharinah
11.7
यदा स्वपक्षो बलवान्परपक्षस्तथाबलः
विगृह्य शत्रून्कौन्तेय यायात्क्षितिपतिस्तदा
यदा स्वपक्षोऽबलवांस्तदा संधिं समाश्रयेत्
Yada svapaksho balavanparapakshastathabalah
Vigrihya shatrunkaunteya yayatkshitipatistada
Yada svapakshobalavanstada sandhim samashrayet
11.8
द्रव्याणां संचयश्चैव कर्तव्यः स्यान्महांस्तथा
यदा समर्थो यानाय नचिरेणैव भारत
Dravyanam sanchayashchaiva kartavyah syanmahanstatha
Yada samartho yanaya nachirenaiva bharata
11.9
तदा सर्वं विधेयं स्यात्स्थानं च न विभाजयेत्
भूमिरल्पफला देया विपरीतस्य भारत
Tada sarvam vidheyam syatsthanam cha na vibhajayet
Bhumiralpaphala deya viparitasya bharata
11.10
हिरण्यं कुप्यभूयिष्ठं मित्रं क्षीणमकोशवत्
विपरीतान्न गृह्णीयात्स्वयं संधिविशारदः
Hiranyam kupyabhuyishtham mitram kshinamakoshavat
Viparitanna grihniyatsvayam sandhivisharadah
11.11
संध्यर्थं राजपुत्रं च लिप्सेथा भरतर्षभ
विपरीतस्तु तेऽदेयः पुत्र कस्यांचिदापदि
तस्य प्रमोक्षे यत्नं च कुर्याः सोपायमन्त्रवित्
Sandhyartham rajaputram cha lipsetha bharatarshabha
Viparitastu tedeyah putra kasyanchidapadi
Tasya pramokshe yatnam cha kuryah sopayamantravit
11.12
प्रकृतीनां च कौन्तेय राजा दीनां विभावयेत्
क्रमेण युगपद्द्वंद्वं व्यसनानां बलाबलम्
Prakritinam cha kaunteya raja dinam vibhavayet
Kramena yugapaddvandvam vyasananam balabalam
11.13
पीडनं स्तम्भनं चैव कोशभङ्गस्तथैव च
कार्यं यत्नेन शत्रूणां स्वराष्ट्रं रक्षता स्वयम्
Pidanam stambhanam chaiva koshabhangastathaiva cha
Karyam yatnena shatrunam svarashtram rakshata svayam
11.14
न च हिंस्योऽभ्युपगतः सामन्तो वृद्धिमिच्छता
कौन्तेय तं न हिंसेत यो महीं विजिगीषते
Na cha hinsyobhyupagatah samanto vriddhimichchhata
Kaunteya tam na hinseta yo mahim vijigishate
11.15
गणानां भेदने योगं गच्छेथाः सह मन्त्रिभिः
साधुसंग्रहणाच्चैव पापनिग्रहणात्तथा
Gananam bhedane yogam gachchhethah saha mantribhih
Sadhusangrahanachchaiva papanigrahanattatha
11.16
दुर्बलाश्चापि सततं नावष्टभ्या बलीयसा
तिष्ठेथा राजशार्दूल वैतसीं वृत्तिमास्थितः
Durbalashchapi satatam navashtabhya baliyasa
Tishthetha rajashardula vaitasim vrittimasthitah
11.17
यद्येवमभियायाच्च दुर्बलं बलवान्नृपः
सामादिभिरुपायैस्तं क्रमेण विनिवर्तयेत्
Yadyevamabhiyayachcha durbalam balavannripah
Samadibhirupayaistam kramena vinivartayet
11.18
अशक्नुवंस्तु युद्धाय निष्पतेत्सह मन्त्रिभिः
कोशेन पौरैर्दण्डेन ये चान्ये प्रियकारिणः
Ashaknuvanstu yuddhaya nishpatetsaha mantribhih
Koshena paurairdandena ye chanye priyakarinah
11.19
असंभवे तु सर्वस्य यथामुख्येन निष्पतेत्
क्रमेणानेन मोक्षः स्याच्छरीरमपि केवलम्
Asambhave tu sarvasya yathamukhyena nishpatet
Kramenanena mokshah syachchhariramapi kevalam