UtshovChapter 88
88.1
वैशंपायन उवाच
समागतान्वेदविदो राज्ञश्च पृथिवीश्वरान्
दृष्ट्वा युधिष्ठिरो राजा भीमसेनमथाब्रवीत्
Vaishampayana uvacha
Samagatanvedavido ragyashcha prithivishvaran
Drishtva yudhishthiro raja bhimasenamathabravit
88.2
उपयाता नरव्याघ्रा य इमे जगदीश्वराः
एतेषां क्रियतां पूजा पूजार्हा हि नरेश्वराः
Upayata naravyaghra ya ime jagadishvarah
Etesham kriyatam puja pujarha hi nareshvarah
88.3
इत्युक्तः स तथा चक्रे नरेन्द्रेण यशस्विना
भीमसेनो महातेजा यमाभ्यां सह भारत
Ityuktah sa tatha chakre narendrena yashasvina
Bhimaseno mahateja yamabhyam saha bharata
88.4
अथाभ्यगच्छद्गोविन्दो वृष्णिभिः सह धर्मजम्
बलदेवं पुरस्कृत्य सर्वप्राणभृतां वरः
Athabhyagachchhadgovindo vrishnibhih saha dharmajam
Baladevam puraskritya sarvapranabhritam varah
88.5
युयुधानेन सहितः प्रद्युम्नेन गदेन च
निशठेनाथ साम्बेन तथैव कृतवर्मणा
Yuyudhanena sahitah pradyumnena gadena cha
Nishathenatha sambena tathaiva kritavarmana
88.6
तेषामपि परां पूजां चक्रे भीमो महाभुजः
विविशुस्ते च वेश्मानि रत्नवन्ति नरर्षभाः
Teshamapi param pujam chakre bhimo mahabhujah
Vivishuste cha veshmani ratnavanti nararshabhah
88.7
युधिष्ठिरसमीपे तु कथान्ते मधुसूदनः
अर्जुनं कथयामास बहुसंग्रामकर्शितम्
Yudhishthirasamipe tu kathante madhusudanah
Arjunam kathayamasa bahusangramakarshitam
88.8
स तं पप्रच्छ कौन्तेयः पुनः पुनररिंदमम्
धर्मराड्भ्रातरं जिष्णुं समाचष्ट जगत्पतिः
Sa tam paprachchha kaunteyah punah punararindamam
Dharmaradbhrataram jishnum samachashta jagatpatih
88.9
आगमद्द्वारकावासी ममाप्तः पुरुषो नृप
योऽद्राक्षीत्पाण्डवश्रेष्ठं बहुसंग्रामकर्शितम्
Agamaddvarakavasi mamaptah purusho nripa
Yodrakshitpandavashreshtham bahusangramakarshitam
88.10
समीपे च महाबाहुमाचष्ट च मम प्रभो
कुरु कार्याणि कौन्तेय हयमेधार्थसिद्धये
Samipe cha mahabahumachashta cha mama prabho
Kuru karyani kaunteya hayamedharthasiddhaye
88.11
इत्युक्तः प्रत्युवाचैनं धर्मराजो युधिष्ठिरः
दिष्ट्या स कुशली जिष्णुरुपयाति च माधव
Ityuktah pratyuvachainam dharmarajo yudhishthirah
Dishtya sa kushali jishnurupayati cha madhava
88.12
तव यत्संदिदेशासौ पाण्डवानां बलाग्रणीः
तदाख्यातुमिहेच्छामि भवता यदुनन्दन
Tava yatsandideshasau pandavanam balagranih
Tadakhyatumihechchhami bhavata yadunandana
88.13
इत्युक्ते राजशार्दूल वृष्ण्यन्धकपतिस्तदा
प्रोवाचेदं वचो वाग्मी धर्मात्मानं युधिष्ठिरम्
Ityukte rajashardula vrishnyandhakapatistada
Provachedam vacho vagmi dharmatmanam yudhishthiram
88.14
इदमाह महाराज पार्थवाक्यं नरः स माम्
वाच्यो युधिष्ठिरः कृष्ण काले वाक्यमिदं मम
Idamaha maharaja parthavakyam narah sa mam
Vachyo yudhishthirah krishna kale vakyamidam mama
88.15
आगमिष्यन्ति राजानः सर्वतः कौरवान्प्रति
तेषामेकैकशः पूजा कार्येत्येतत्क्षमं हि नः
Agamishyanti rajanah sarvatah kauravanprati
Teshamekaikashah puja karyetyetatkshamam hi nah
88.16
इत्येतद्वचनाद्राजा विज्ञाप्यो मम मानद
न तदात्ययिकं हि स्याद्यदर्घ्यानयने भवेत्
Ityetadvachanadraja vigyapyo mama manada
Na tadatyayikam hi syadyadarghyanayane bhavet
88.17
कर्तुमर्हति तद्राजा भवांश्चाप्यनुमन्यताम्
राजद्वेषाद्विनश्येयुर्नेमा राजन्प्रजाः पुनः
Kartumarhati tadraja bhavanshchapyanumanyatam
Rajadveshadvinashyeyurnema rajanprajah punah
88.18
इदमन्यच्च कौन्तेय वचः स पुरुषोऽब्रवीत्
धनंजयस्य नृपते तन्मे निगदतः शृणु
Idamanyachcha kaunteya vachah sa purushobravit
Dhananjayasya nripate tanme nigadatah shrinu
88.19
उपयास्यति यज्ञं नो मणिपूरपतिर्नृपः
पुत्रो मम महातेजा दयितो बभ्रुवाहनः
Upayasyati yagyam no manipurapatirnripah
Putro mama mahateja dayito babhruvahanah
88.20
तं भवान्मदपेक्षार्थं विधिवत्प्रतिपूजयेत्
स हि भक्तोऽनुरक्तश्च मम नित्यमिति प्रभो
Tam bhavanmadapekshartham vidhivatpratipujayet
Sa hi bhaktonuraktashcha mama nityamiti prabho
88.21
इत्येतद्वचनं श्रुत्वा धर्मराजो युधिष्ठिरः
अभिनन्द्यास्य तद्वाक्यमिदं वचनमब्रवीत्
Ityetadvachanam shrutva dharmarajo yudhishthirah
Abhinandyasya tadvakyamidam vachanamabravit