UtshovChapter 87
87.1
वैशंपायन उवाच
तस्मिन्यज्ञे प्रवृत्ते तु वाग्मिनो हेतुवादिनः
हेतुवादान्बहून्प्राहुः परस्परजिगीषवः
Vaishampayana uvacha
Tasminyagye pravritte tu vagmino hetuvadinah
Hetuvadanbahunprahuh parasparajigishavah
87.2
ददृशुस्तं नृपतयो यज्ञस्य विधिमुत्तमम्
देवेन्द्रस्येव विहितं भीमेन कुरुनन्दन
Dadrishustam nripatayo yagyasya vidhimuttamam
Devendrasyeva vihitam bhimena kurunandana
87.3
ददृशुस्तोरणान्यत्र शातकुम्भमयानि ते
शय्यासनविहारांश्च सुबहून्रत्नभूषितान्
Dadrishustorananyatra shatakumbhamayani te
Shayyasanaviharanshcha subahunratnabhushitan
87.4
घटान्पात्रीः कटाहानि कलशान्वर्धमानकान्
न हि किंचिदसौवर्णमपश्यंस्तत्र पार्थिवाः
Ghatanpatrih katahani kalashanvardhamanakan
Na hi kinchidasauvarnamapashyanstatra parthivah
87.5
यूपांश्च शास्त्रपठितान्दारवान्हेमभूषितान्
उपकॢप्तान्यथाकालं विधिवद्भूरिवर्चसः
Yupanshcha shastrapathitandaravanhemabhushitan
Upakliptanyathakalam vidhivadbhurivarchasah
87.6
स्थलजा जलजा ये च पशवः केचन प्रभो
सर्वानेव समानीतांस्तानपश्यन्त ते नृपाः
Sthalaja jalaja ye cha pashavah kechana prabho
Sarvaneva samanitanstanapashyanta te nripah
87.7
गाश्चैव महिषीश्चैव तथा वृद्धाः स्त्रियोऽपि च
औदकानि च सत्त्वानि श्वापदानि वयांसि च
Gashchaiva mahishishchaiva tatha vriddhah striyopi cha
Audakani cha sattvani shvapadani vayansi cha
87.8
जरायुजान्यण्डजानि स्वेदजान्युद्भिदानि च
पर्वतानूपवन्यानि भूतानि ददृशुश्च ते
Jarayujanyandajani svedajanyudbhidani cha
Parvatanupavanyani bhutani dadrishushcha te
87.9
एवं प्रमुदितं सर्वं पशुगोधनधान्यतः
यज्ञवाटं नृपा दृष्ट्वा परं विस्मयमागमन्
ब्राह्मणानां विशां चैव बहुमृष्टान्नमृद्धिमत्
Evam pramuditam sarvam pashugodhanadhanyatah
Yagyavatam nripa drishtva param vismayamagaman
Brahmananam visham chaiva bahumrishtannamriddhimat
87.10
पूर्णे शतसहस्रे तु विप्राणां तत्र भुञ्जताम्
दुन्दुभिर्मेघनिर्घोषो मुहुर्मुहुरताड्यत
Purne shatasahasre tu vipranam tatra bhunjatam
Dundubhirmeghanirghosho muhurmuhuratadyata
87.11
विननादासकृत्सोऽथ दिवसे दिवसे तदा
एवं स ववृते यज्ञो धर्मराजस्य धीमतः
Vinanadasakritsotha divase divase tada
Evam sa vavrite yagyo dharmarajasya dhimatah
87.12
अन्नस्य बहवो राजन्नुत्सर्गाः पर्वतोपमाः
दधिकुल्याश्च ददृशुः सर्पिषश्च ह्रदाञ्जनाः
Annasya bahavo rajannutsargah parvatopamah
Dadhikulyashcha dadrishuh sarpishashcha hradanjanah
87.13
जम्बूद्वीपो हि सकलो नानाजनपदायुतः
राजन्नदृश्यतैकस्थो राज्ञस्तस्मिन्महाक्रतौ
Jambudvipo hi sakalo nanajanapadayutah
Rajannadrishyataikastho ragyastasminmahakratau
87.14
तत्र जातिसहस्राणि पुरुषाणां ततस्ततः
गृहीत्वा धनमाजग्मुर्बहूनि भरतर्षभ
Tatra jatisahasrani purushanam tatastatah
Grihitva dhanamajagmurbahuni bharatarshabha
87.15
राजानः स्रग्विणश्चापि सुमृष्टमणिकुण्डलाः
पर्यवेषन्द्विजाग्र्यांस्ताञ्शतशोऽथ सहस्रशः
Rajanah sragvinashchapi sumrishtamanikundalah
Paryaveshandvijagryanstanshatashotha sahasrashah
87.16
विविधान्यन्नपानानि पुरुषा येऽनुयायिनः
तेषां नृपोपभोज्यानि ब्राह्मणेभ्यो ददुः स्म ते
Vividhanyannapanani purusha yenuyayinah
Tesham nripopabhojyani brahmanebhyo daduh sma te