UtshovChapter 63
63.1
वैशंपायन उवाच
ततस्ते प्रययुर्हृष्टाः प्रहृष्टनरवाहनाः
रथघोषेण महता पूरयन्तो वसुंधराम्
Vaishampayana uvacha
Tataste prayayurhrishtah prahrishtanaravahanah
Rathaghoshena mahata purayanto vasundharam
63.2
संस्तूयमानाः स्तुतिभिः सूतमागधबन्दिभिः
स्वेन सैन्येन संवीता यथादित्याः स्वरश्मिभिः
Sanstuyamanah stutibhih sutamagadhabandibhih
Svena sainyena sanvita yathadityah svarashmibhih
63.3
पाण्डुरेणातपत्रेण ध्रियमाणेन मूर्धनि
बभौ युधिष्ठिरस्तत्र पौर्णमास्यामिवोडुराट्
Pandurenatapatrena dhriyamanena murdhani
Babhau yudhishthirastatra paurnamasyamivodurat
63.4
जयाशिषः प्रहृष्टानां नराणां पथि पाण्डवः
प्रत्यगृह्णाद्यथान्यायं यथावत्पुरुषर्षभः
Jayashishah prahrishtanam naranam pathi pandavah
Pratyagrihnadyathanyayam yathavatpurusharshabhah
63.5
तथैव सैनिका राजन्राजानमनुयान्ति ये
तेषां हलहलाशब्दो दिवं स्तब्ध्वा व्यतिष्ठत
Tathaiva sainika rajanrajanamanuyanti ye
Tesham halahalashabdo divam stabdhva vyatishthata
63.6
स सरांसि नदीश्चैव वनान्युपवनानि च
अत्यक्रामन्महाराजो गिरिं चैवान्वपद्यत
Sa saransi nadishchaiva vananyupavanani cha
Atyakramanmaharajo girim chaivanvapadyata
63.7
तस्मिन्देशे च राजेन्द्र यत्र तद्द्रव्यमुत्तमम्
चक्रे निवेशनं राजा पाण्डवः सह सैनिकैः
शिवे देशे समे चैव तदा भरतसत्तम
Tasmindeshe cha rajendra yatra taddravyamuttamam
Chakre niveshanam raja pandavah saha sainikaih
Shive deshe same chaiva tada bharatasattama
63.8
अग्रतो ब्राह्मणान्कृत्वा तपोविद्यादमान्वितान्
पुरोहितं च कौरव्य वेदवेदाङ्गपारगम्
Agrato brahmanankritva tapovidyadamanvitan
Purohitam cha kauravya vedavedangaparagam
63.9
प्राङ्निवेशात्तु राजानं ब्राह्मणाः सपुरोधसः
कृत्वा शान्तिं यथान्यायं सर्वतः पर्यवारयन्
Pranniveshattu rajanam brahmanah sapurodhasah
Kritva shantim yathanyayam sarvatah paryavarayan
63.10
कृत्वा च मध्ये राजानममात्यांश्च यथाविधि
षट्पथं नवसंस्थानं निवेशं चक्रिरे द्विजाः
Kritva cha madhye rajanamamatyanshcha yathavidhi
Shatpatham navasansthanam nivesham chakrire dvijah
63.11
मत्तानां वारणेन्द्राणां निवेशं च यथाविधि
कारयित्वा स राजेन्द्रो ब्राह्मणानिदमब्रवीत्
Mattanam varanendranam nivesham cha yathavidhi
Karayitva sa rajendro brahmananidamabravit
63.12
अस्मिन्कार्ये द्विजश्रेष्ठा नक्षत्रे दिवसे शुभे
यथा भवन्तो मन्यन्ते कर्तुमर्हथ तत्तथा
Asminkarye dvijashreshtha nakshatre divase shubhe
Yatha bhavanto manyante kartumarhatha tattatha
63.13
न नः कालात्ययो वै स्यादिहैव परिलम्बताम्
इति निश्चित्य विप्रेन्द्राः क्रियतां यदनन्तरम्
Na nah kalatyayo vai syadihaiva parilambatam
Iti nishchitya viprendrah kriyatam yadanantaram
63.14
श्रुत्वैतद्वचनं राज्ञो ब्राह्मणाः सपुरोधसः
इदमूचुर्वचो हृष्टा धर्मराजप्रियेप्सवः
Shrutvaitadvachanam ragyo brahmanah sapurodhasah
Idamuchurvacho hrishta dharmarajapriyepsavah
63.15
अद्यैव नक्षत्रमहश्च पुण्यं; यतामहे श्रेष्ठतमं क्रियासु
अम्भोभिरद्येह वसाम राज;न्नुपोष्यतां चापि भवद्भिरद्य
Adyaiva nakshatramahashcha punyam; yatamahe shreshthatamam kriyasu
Ambhobhiradyeha vasama raja;nnuposhyatam chapi bhavadbhiradya
63.16
श्रुत्वा तु तेषां द्विजसत्तमानां; कृतोपवासा रजनीं नरेन्द्राः
ऊषुः प्रतीताः कुशसंस्तरेषु; यथाध्वरेषु ज्वलिता हव्यवाहाः
Shrutva tu tesham dvijasattamanam; kritopavasa rajanim narendrah
Ushuh pratitah kushasanstareshu; yathadhvareshu jvalita havyavahah
63.17
ततो निशा सा व्यगमन्महात्मनां; संशृण्वतां विप्रसमीरिता गिरः
ततः प्रभाते विमले द्विजर्षभा; वचोऽब्रुवन्धर्मसुतं नराधिपम्
Tato nisha sa vyagamanmahatmanam; sanshrinvatam viprasamirita girah
Tatah prabhate vimale dvijarshabha; vachobruvandharmasutam naradhipam