UtshovChapter 64
64.1
भीष्म उवाच
सर्वान्कामान्प्रयच्छन्ति ये प्रयच्छन्ति काञ्चनम्
इत्येवं भगवानत्रिः पितामहसुतोऽब्रवीत्
Bhishma uvacha
Sarvankamanprayachchhanti ye prayachchhanti kanchanam
Ityevam bhagavanatrih pitamahasutobravit
64.2
पवित्रं शुच्यथायुष्यं पितॄणामक्षयं च तत्
सुवर्णं मनुजेन्द्रेण हरिश्चन्द्रेण कीर्तितम्
Pavitram shuchyathayushyam pitrinamakshayam cha tat
Suvarnam manujendrena harishchandrena kirtitam
64.3
पानीयदानं परमं दानानां मनुरब्रवीत्
तस्माद्वापीश्च कूपांश्च तडागानि च खानयेत्
Paniyadanam paramam dananam manurabravit
Tasmadvapishcha kupanshcha tadagani cha khanayet
64.4
अर्धं पापस्य हरति पुरुषस्येह कर्मणः
कूपः प्रवृत्तपानीयः सुप्रवृत्तश्च नित्यशः
Ardham papasya harati purushasyeha karmanah
Kupah pravrittapaniyah supravrittashcha nityashah
64.5
सर्वं तारयते वंशं यस्य खाते जलाशये
गावः पिबन्ति विप्राश्च साधवश्च नराः सदा
Sarvam tarayate vansham yasya khate jalashaye
Gavah pibanti viprashcha sadhavashcha narah sada
64.6
निदाघकाले पानीयं यस्य तिष्ठत्यवारितम्
स दुर्गं विषमं कृच्छ्रं न कदाचिदवाप्नुते
Nidaghakale paniyam yasya tishthatyavaritam
Sa durgam vishamam krichchhram na kadachidavapnute
64.7
बृहस्पतेर्भगवतः पूष्णश्चैव भगस्य च
अश्विनोश्चैव वह्नेश्च प्रीतिर्भवति सर्पिषा
Brihaspaterbhagavatah pushnashchaiva bhagasya cha
Ashvinoshchaiva vahneshcha pritirbhavati sarpisha
64.8
परमं भेषजं ह्येतद्यज्ञानामेतदुत्तमम्
रसानामुत्तमं चैतत्फलानां चैतदुत्तमम्
Paramam bheshajam hyetadyagyanametaduttamam
Rasanamuttamam chaitatphalanam chaitaduttamam
64.9
फलकामो यशस्कामः पुष्टिकामश्च नित्यदा
घृतं दद्याद्द्विजातिभ्यः पुरुषः शुचिरात्मवान्
Phalakamo yashaskamah pushtikamashcha nityada
Ghritam dadyaddvijatibhyah purushah shuchiratmavan
64.10
घृतं मासे आश्वयुजि विप्रेभ्यो यः प्रयच्छति
तस्मै प्रयच्छतो रूपं प्रीतौ देवाविहाश्विनौ
Ghritam mase ashvayuji viprebhyo yah prayachchhati
Tasmai prayachchhato rupam pritau devavihashvinau
64.11
पायसं सर्पिषा मिश्रं द्विजेभ्यो यः प्रयच्छति
गृहं तस्य न रक्षांसि धर्षयन्ति कदाचन
Payasam sarpisha mishram dvijebhyo yah prayachchhati
Griham tasya na rakshansi dharshayanti kadachana
64.12
पिपासया न म्रियते सोपच्छन्दश्च दृश्यते
न प्राप्नुयाच्च व्यसनं करकान्यः प्रयच्छति
Pipasaya na mriyate sopachchhandashcha drishyate
Na prapnuyachcha vyasanam karakanyah prayachchhati
64.13
प्रयतो ब्राह्मणाग्रेभ्यः श्रद्धया परया युतः
उपस्पर्शनषड्भागं लभते पुरुषः सदा
Prayato brahmanagrebhyah shraddhaya paraya yutah
Upasparshanashadbhagam labhate purushah sada
64.14
यः साधनार्थं काष्ठानि ब्राह्मणेभ्यः प्रयच्छति
प्रतापार्थं च राजेन्द्र वृत्तवद्भ्यः सदा नरः
Yah sadhanartham kashthani brahmanebhyah prayachchhati
Pratapartham cha rajendra vrittavadbhyah sada narah
64.15
सिध्यन्त्यर्थाः सदा तस्य कार्याणि विविधानि च
उपर्युपरि शत्रूणां वपुषा दीप्यते च सः
Sidhyantyarthah sada tasya karyani vividhani cha
Uparyupari shatrunam vapusha dipyate cha sah
64.16
भगवांश्चास्य सुप्रीतो वह्निर्भवति नित्यशः
न तं त्यजन्ते पशवः संग्रामे च जयत्यपि
Bhagavanshchasya suprito vahnirbhavati nityashah
Na tam tyajante pashavah sangrame cha jayatyapi
64.17
पुत्राञ्छ्रियं च लभते यश्छत्रं संप्रयच्छति
चक्षुर्व्याधिं न लभते यज्ञभागमथाश्नुते
Putranchhriyam cha labhate yashchhatram samprayachchhati
Chakshurvyadhim na labhate yagyabhagamathashnute
64.18
निदाघकाले वर्षे वा यश्छत्रं संप्रयच्छति
नास्य कश्चिन्मनोदाहः कदाचिदपि जायते
कृच्छ्रात्स विषमाच्चैव विप्र मोक्षमवाप्नुते
Nidaghakale varshe va yashchhatram samprayachchhati
Nasya kashchinmanodahah kadachidapi jayate
Krichchhratsa vishamachchaiva vipra mokshamavapnute
64.19
प्रदानं सर्वदानानां शकटस्य विशिष्यते
एवमाह महाभागः शाण्डिल्यो भगवानृषिः
Pradanam sarvadananam shakatasya vishishyate
Evamaha mahabhagah shandilyo bhagavanrishih