UtshovChapter 29
29.1
भीष्म उवाच
एवमुक्तो मतङ्गस्तु संशितात्मा यतव्रतः
अतिष्ठदेकपादेन वर्षाणां शतमच्युत
Bhishma uvacha
Evamukto matangastu sanshitatma yatavratah
Atishthadekapadena varshanam shatamachyuta
29.2
तमुवाच ततः शक्रः पुनरेव महायशाः
मतङ्ग परमं स्थानं प्रार्थयन्नतिदुर्लभम्
Tamuvacha tatah shakrah punareva mahayashah
Matanga paramam sthanam prarthayannatidurlabham
29.3
मा कृथाः साहसं पुत्र नैष धर्मपथस्तव
अप्राप्यं प्रार्थयानो हि नचिराद्विनशिष्यसि
Ma krithah sahasam putra naisha dharmapathastava
Aprapyam prarthayano hi nachiradvinashishyasi
29.4
मतङ्ग परमं स्थानं वार्यमाणो मया सकृत्
चिकीर्षस्येव तपसा सर्वथा न भविष्यसि
Matanga paramam sthanam varyamano maya sakrit
Chikirshasyeva tapasa sarvatha na bhavishyasi
29.5
तिर्यग्योनिगतः सर्वो मानुष्यं यदि गच्छति
स जायते पुल्कसो वा चण्डालो वा कदाचन
Tiryagyonigatah sarvo manushyam yadi gachchhati
Sa jayate pulkaso va chandalo va kadachana
29.6
पुंश्चलः पापयोनिर्वा यः कश्चिदिह लक्ष्यते
स तस्यामेव सुचिरं मतङ्ग परिवर्तते
Punshchalah papayonirva yah kashchidiha lakshyate
Sa tasyameva suchiram matanga parivartate
29.7
ततो दशगुणे काले लभते शूद्रतामपि
शूद्रयोनावपि ततो बहुशः परिवर्तते
Tato dashagune kale labhate shudratamapi
Shudrayonavapi tato bahushah parivartate
29.8
ततस्त्रिंशद्गुणे काले लभते वैश्यतामपि
वैश्यतायां चिरं कालं तत्रैव परिवर्तते
Tatastrinshadgune kale labhate vaishyatamapi
Vaishyatayam chiram kalam tatraiva parivartate
29.9
ततः षष्टिगुणे काले राजन्यो नाम जायते
राजन्यत्वे चिरं कालं तत्रैव परिवर्तते
Tatah shashtigune kale rajanyo nama jayate
Rajanyatve chiram kalam tatraiva parivartate
29.10
ततः षष्टिगुणे काले लभते ब्रह्मबन्धुताम्
ब्रह्मबन्धुश्चिरं कालं तत्रैव परिवर्तते
Tatah shashtigune kale labhate brahmabandhutam
Brahmabandhushchiram kalam tatraiva parivartate
29.11
ततस्तु द्विशते काले लभते काण्डपृष्ठताम्
काण्डपृष्ठश्चिरं कालं तत्रैव परिवर्तते
Tatastu dvishate kale labhate kandaprishthatam
Kandaprishthashchiram kalam tatraiva parivartate
29.12
ततस्तु त्रिशते काले लभते द्विजतामपि
तां च प्राप्य चिरं कालं तत्रैव परिवर्तते
Tatastu trishate kale labhate dvijatamapi
Tam cha prapya chiram kalam tatraiva parivartate
29.13
ततश्चतुःशते काले श्रोत्रियो नाम जायते
श्रोत्रियत्वे चिरं कालं तत्रैव परिवर्तते
Tatashchatuhshate kale shrotriyo nama jayate
Shrotriyatve chiram kalam tatraiva parivartate
29.14
तदैव क्रोधहर्षौ च कामद्वेषौ च पुत्रक
अतिमानातिवादौ तमाविशन्ति द्विजाधमम्
Tadaiva krodhaharshau cha kamadveshau cha putraka
Atimanativadau tamavishanti dvijadhamam
29.15
तांश्चेज्जयति शत्रून्स तदा प्राप्नोति सद्गतिम्
अथ ते वै जयन्त्येनं तालाग्रादिव पात्यते
Tanshchejjayati shatrunsa tada prapnoti sadgatim
Atha te vai jayantyenam talagradiva patyate
29.16
मतङ्ग संप्रधार्यैतद्यदहं त्वामचूचुदम्
वृणीष्व काममन्यं त्वं ब्राह्मण्यं हि सुदुर्लभम्
Matanga sampradharyaitadyadaham tvamachuchudam
Vrinishva kamamanyam tvam brahmanyam hi sudurlabham