UtshovChapter 22
22.1
युधिष्ठिर उवाच
न बिभेति कथं सा स्त्री शापस्य परमद्युतेः
कथं निवृत्तो भगवांस्तद्भवान्प्रब्रवीतु मे
Yudhishthira uvacha
Na bibheti katham sa stri shapasya paramadyuteh
Katham nivritto bhagavanstadbhavanprabravitu me
22.2
भीष्म उवाच
अष्टावक्रोऽन्वपृच्छत्तां रूपं विकुरुषे कथम्
न चानृतं ते वक्तव्यं ब्रूहि ब्राह्मणकाम्यया
Bhishma uvacha
Ashtavakronvaprichchhattam rupam vikurushe katham
Na chanritam te vaktavyam bruhi brahmanakamyaya
22.3
स्त्र्युवाच
द्यावापृथिवीमात्रैषा काम्या ब्राह्मणसत्तम
शृणुष्वावहितः सर्वं यदिदं सत्यविक्रम
Stryuvacha
Dyavaprithivimatraisha kamya brahmanasattama
Shrinushvavahitah sarvam yadidam satyavikrama
22.4
उत्तरां मां दिशं विद्धि दृष्टं स्त्रीचापलं च ते
अव्युत्थानेन ते लोका जिताः सत्यपराक्रम
Uttaram mam disham viddhi drishtam strichapalam cha te
Avyutthanena te loka jitah satyaparakrama
22.5
जिज्ञासेयं प्रयुक्ता मे स्थिरीकर्तुं तवानघ
स्थविराणामपि स्त्रीणां बाधते मैथुनज्वरः
Jigyaseyam prayukta me sthirikartum tavanagha
Sthaviranamapi strinam badhate maithunajvarah
22.6
तुष्टः पितामहस्तेऽद्य तथा देवाः सवासवाः
स त्वं येन च कार्येण संप्राप्तो भगवानिह
Tushtah pitamahastedya tatha devah savasavah
Sa tvam yena cha karyena samprapto bhagavaniha
22.7
प्रेषितस्तेन विप्रेण कन्यापित्रा द्विजर्षभ
तवोपदेशं कर्तुं वै तच्च सर्वं कृतं मया
Preshitastena viprena kanyapitra dvijarshabha
Tavopadesham kartum vai tachcha sarvam kritam maya
22.8
क्षेमी गमिष्यसि गृहाञ्श्रमश्च न भविष्यति
कन्यां प्राप्स्यसि तां विप्र पुत्रिणी च भविष्यति
Kshemi gamishyasi grihanshramashcha na bhavishyati
Kanyam prapsyasi tam vipra putrini cha bhavishyati
22.9
काम्यया पृष्टवांस्त्वं मां ततो व्याहृतमुत्तरम्
अनतिक्रमणीयैषा कृत्स्नैर्लोकैस्त्रिभिः सदा
Kamyaya prishtavanstvam mam tato vyahritamuttaram
Anatikramaniyaisha kritsnairlokaistribhih sada
22.10
गच्छस्व सुकृतं कृत्वा किं वान्यच्छ्रोतुमिच्छसि
यावद्ब्रवीमि विप्रर्षे अष्टावक्र यथातथम्
Gachchhasva sukritam kritva kim vanyachchhrotumichchhasi
Yavadbravimi viprarshe ashtavakra yathatatham
22.11
ऋषिणा प्रसादिता चास्मि तव हेतोर्द्विजर्षभ
तस्य संमाननार्थं मे त्वयि वाक्यं प्रभाषितम्
Rishina prasadita chasmi tava hetordvijarshabha
Tasya sammananartham me tvayi vakyam prabhashitam
22.12
श्रुत्वा तु वचनं तस्याः स विप्रः प्राञ्जलिः स्थितः
अनुज्ञातस्तया चापि स्वगृहं पुनराव्रजत्
Shrutva tu vachanam tasyah sa viprah pranjalih sthitah
Anugyatastaya chapi svagriham punaravrajat
22.13
गृहमागम्य विश्रान्तः स्वजनं प्रतिपूज्य च
अभ्यगच्छत तं विप्रं न्यायतः कुरुनन्दन
Grihamagamya vishrantah svajanam pratipujya cha
Abhyagachchhata tam vipram nyayatah kurunandana
22.14
पृष्टश्च तेन विप्रेण दृष्टं त्वेतन्निदर्शनम्
प्राह विप्रं तदा विप्रः सुप्रीतेनान्तरात्मना
Prishtashcha tena viprena drishtam tvetannidarshanam
Praha vipram tada viprah supritenantaratmana
22.15
भवताहमनुज्ञातः प्रस्थितो गन्धमादनम्
तस्य चोत्तरतो देशे दृष्टं तद्दैवतं महत्
Bhavatahamanugyatah prasthito gandhamadanam
Tasya chottarato deshe drishtam taddaivatam mahat
22.16
तया चाहमनुज्ञातो भवांश्चापि प्रकीर्तितः
श्रावितश्चापि तद्वाक्यं गृहमभ्यागतः प्रभो
Taya chahamanugyato bhavanshchapi prakirtitah
Shravitashchapi tadvakyam grihamabhyagatah prabho
22.17
तमुवाच ततो विप्रः प्रतिगृह्णीष्व मे सुताम्
नक्षत्रतिथिसंयोगे पात्रं हि परमं भवान्
Tamuvacha tato viprah pratigrihnishva me sutam
Nakshatratithisanyoge patram hi paramam bhavan
22.18
भीष्म उवाच
अष्टावक्रस्तथेत्युक्त्वा प्रतिगृह्य च तां प्रभो
कन्यां परमधर्मात्मा प्रीतिमांश्चाभवत्तदा
Bhishma uvacha
Ashtavakrastathetyuktva pratigrihya cha tam prabho
Kanyam paramadharmatma pritimanshchabhavattada
22.19
कन्यां तां प्रतिगृह्यैव भार्यां परमशोभनाम्
उवास मुदितस्तत्र आश्रमे स्वे गतज्वरः
Kanyam tam pratigrihyaiva bharyam paramashobhanam
Uvasa muditastatra ashrame sve gatajvarah