UtshovChapter 136
136.1
युधिष्ठिर उवाच
के पूज्याः के नमस्कार्याः कथं वर्तेत केषु च
किमाचारः कीदृशेषु पितामह न रिष्यते
Yudhishthira uvacha
Ke pujyah ke namaskaryah katham varteta keshu cha
Kimacharah kidrisheshu pitamaha na rishyate
136.2
भीष्म उवाच
ब्राह्मणानां परिभवः सादयेदपि देवताः
ब्राह्मणानां नमस्कर्ता युधिष्ठिर न रिष्यते
Bhishma uvacha
Brahmananam paribhavah sadayedapi devatah
Brahmananam namaskarta yudhishthira na rishyate
136.3
ते पूज्यास्ते नमस्कार्या वर्तेथास्तेषु पुत्रवत्
ते हि लोकानिमान्सर्वान्धारयन्ति मनीषिणः
Te pujyaste namaskarya vartethasteshu putravat
Te hi lokanimansarvandharayanti manishinah
136.4
ब्राह्मणाः सर्वलोकानां महान्तो धर्मसेतवः
धनत्यागाभिरामाश्च वाक्संयमरताश्च ये
Brahmanah sarvalokanam mahanto dharmasetavah
Dhanatyagabhiramashcha vaksanyamaratashcha ye
136.5
रमणीयाश्च भूतानां निधानं च धृतव्रताः
प्रणेतारश्च लोकानां शास्त्राणां च यशस्विनः
Ramaniyashcha bhutanam nidhanam cha dhritavratah
Pranetarashcha lokanam shastranam cha yashasvinah
136.6
तपो येषां धनं नित्यं वाक्चैव विपुलं बलम्
प्रभवश्चापि धर्माणां धर्मज्ञाः सूक्ष्मदर्शिनः
Tapo yesham dhanam nityam vakchaiva vipulam balam
Prabhavashchapi dharmanam dharmagyah sukshmadarshinah
136.7
धर्मकामाः स्थिता धर्मे सुकृतैर्धर्मसेतवः
यानुपाश्रित्य जीवन्ति प्रजाः सर्वाश्चतुर्विधाः
Dharmakamah sthita dharme sukritairdharmasetavah
Yanupashritya jivanti prajah sarvashchaturvidhah
136.8
पन्थानः सर्वनेतारो यज्ञवाहाः सनातनाः
पितृपैतामहीं गुर्वीमुद्वहन्ति धुरं सदा
Panthanah sarvanetaro yagyavahah sanatanah
Pitripaitamahim gurvimudvahanti dhuram sada
136.9
धुरि ये नावसीदन्ति विषमे सद्गवा इव
पितृदेवातिथिमुखा हव्यकव्याग्रभोजिनः
Dhuri ye navasidanti vishame sadgava iva
Pitridevatithimukha havyakavyagrabhojinah
136.10
भोजनादेव ये लोकांस्त्रायन्ते महतो भयात्
दीपाः सर्वस्य लोकस्य चक्षुश्चक्षुष्मतामपि
Bhojanadeva ye lokanstrayante mahato bhayat
Dipah sarvasya lokasya chakshushchakshushmatamapi
136.11
सर्वशिल्पादिनिधयो निपुणाः सूक्ष्मदर्शिनः
गतिज्ञाः सर्वभूतानामध्यात्मगतिचिन्तकाः
Sarvashilpadinidhayo nipunah sukshmadarshinah
Gatigyah sarvabhutanamadhyatmagatichintakah
136.12
आदिमध्यावसानानां ज्ञातारश्छिन्नसंशयाः
परावरविशेषज्ञा गन्तारः परमां गतिम्
Adimadhyavasananam gyatarashchhinnasanshayah
Paravaravisheshagya gantarah paramam gatim
136.13
विमुक्ता धुतपाप्मानो निर्द्वंद्वा निष्परिग्रहाः
मानार्हा मानिता नित्यं ज्ञानविद्भिर्महात्मभिः
Vimukta dhutapapmano nirdvandva nishparigrahah
Manarha manita nityam gyanavidbhirmahatmabhih
136.14
चन्दने मलपङ्के च भोजनेऽभोजने समाः
समं येषां दुकूलं च शाणक्षौमाजिनानि च
Chandane malapanke cha bhojanebhojane samah
Samam yesham dukulam cha shanakshaumajinani cha
136.15
तिष्ठेयुरप्यभुञ्जाना बहूनि दिवसान्यपि
शोषयेयुश्च गात्राणि स्वाध्यायैः संयतेन्द्रियाः
Tishtheyurapyabhunjana bahuni divasanyapi
Shoshayeyushcha gatrani svadhyayaih sanyatendriyah
136.16
अदैवं दैवतं कुर्युर्दैवतं चाप्यदैवतम्
लोकानन्यान्सृजेयुश्च लोकपालांश्च कोपिताः
Adaivam daivatam kuryurdaivatam chapyadaivatam
Lokananyansrijeyushcha lokapalanshcha kopitah
136.17
अपेयः सागरो येषामभिशापान्महात्मनाम्
येषां कोपाग्निरद्यापि दण्डके नोपशाम्यति
Apeyah sagaro yeshamabhishapanmahatmanam
Yesham kopagniradyapi dandake nopashamyati
136.18
देवानामपि ये देवाः कारणं कारणस्य च
प्रमाणस्य प्रमाणं च कस्तानभिभवेद्बुधः
Devanamapi ye devah karanam karanasya cha
Pramanasya pramanam cha kastanabhibhavedbudhah
136.19
येषां वृद्धश्च बालश्च सर्वः संमानमर्हति
तपोविद्याविशेषात्तु मानयन्ति परस्परम्
Yesham vriddhashcha balashcha sarvah sammanamarhati
Tapovidyavisheshattu manayanti parasparam
136.20
अविद्वान्ब्राह्मणो देवः पात्रं वै पावनं महत्
विद्वान्भूयस्तरो देवः पूर्णसागरसंनिभः
Avidvanbrahmano devah patram vai pavanam mahat
Vidvanbhuyastaro devah purnasagarasannibhah
136.21
अविद्वांश्चैव विद्वांश्च ब्राह्मणो दैवतं महत्
प्रणीतश्चाप्रणीतश्च यथाग्निर्दैवतं महत्
Avidvanshchaiva vidvanshcha brahmano daivatam mahat
Pranitashchapranitashcha yathagnirdaivatam mahat
136.22
श्मशाने ह्यपि तेजस्वी पावको नैव दुष्यति
हविर्यज्ञेषु च वहन्भूय एवाभिशोभते
Shmashane hyapi tejasvi pavako naiva dushyati
Haviryagyeshu cha vahanbhuya evabhishobhate
136.23
एवं यद्यप्यनिष्टेषु वर्तते सर्वकर्मसु
सर्वथा ब्राह्मणो मान्यो दैवतं विद्धि तत्परम्
Evam yadyapyanishteshu vartate sarvakarmasu
Sarvatha brahmano manyo daivatam viddhi tatparam