UtshovChapter 119
119.1
व्यास उवाच
शुभेन कर्मणा यद्वै तिर्यग्योनौ न मुह्यसे
ममैव कीट तत्कर्म येन त्वं न प्रमुह्यसे
Vyasa uvacha
Shubhena karmana yadvai tiryagyonau na muhyase
Mamaiva kita tatkarma yena tvam na pramuhyase
119.2
अहं हि दर्शनादेव तारयामि तपोबलात्
तपोबलाद्धि बलवद्बलमन्यन्न विद्यते
Aham hi darshanadeva tarayami tapobalat
Tapobaladdhi balavadbalamanyanna vidyate
119.3
जानामि पापैः स्वकृतैर्गतं त्वां कीट कीटताम्
अवाप्स्यसि परं धर्मं धर्मस्थो यदि मन्यसे
Janami papaih svakritairgatam tvam kita kitatam
Avapsyasi param dharmam dharmastho yadi manyase
119.4
कर्म भूमिकृतं देवा भुञ्जते तिर्यगाश्च ये
धर्मादपि मनुष्येषु कामोऽर्थश्च यथा गुणैः
Karma bhumikritam deva bhunjate tiryagashcha ye
Dharmadapi manushyeshu kamorthashcha yatha gunaih
119.5
वाग्बुद्धिपाणिपादैश्चाप्युपेतस्य विपश्चितः
किं हीयते मनुष्यस्य मन्दस्यापि हि जीवतः
Vagbuddhipanipadaishchapyupetasya vipashchitah
Kim hiyate manushyasya mandasyapi hi jivatah
119.6
जीवन्हि कुरुते पूजां विप्राग्र्यः शशिसूर्ययोः
ब्रुवन्नपि कथां पुण्यां तत्र कीट त्वमेष्यसि
Jivanhi kurute pujam vipragryah shashisuryayoh
Bruvannapi katham punyam tatra kita tvameshyasi
119.7
गुणभूतानि भूतानि तत्र त्वमुपभोक्ष्यसे
तत्र तेऽहं विनेष्यामि ब्रह्मत्वं यत्र चेच्छसि
Gunabhutani bhutani tatra tvamupabhokshyase
Tatra teham vineshyami brahmatvam yatra chechchhasi
119.8
स तथेति प्रतिश्रुत्य कीटो वर्त्मन्यतिष्ठत
तमृषिं द्रष्टुमगमत्सर्वास्वन्यासु योनिषु
Sa tatheti pratishrutya kito vartmanyatishthata
Tamrishim drashtumagamatsarvasvanyasu yonishu
119.9
श्वाविद्गोधावराहाणां तथैव मृगपक्षिणाम्
श्वपाकवैश्यशूद्राणां क्षत्रियाणां च योनिषु
Shvavidgodhavarahanam tathaiva mrigapakshinam
Shvapakavaishyashudranam kshatriyanam cha yonishu
119.10
स कीटेत्येवमाभाष्य ऋषिणा सत्यवादिना
प्रतिस्मृत्याथ जग्राह पादौ मूर्ध्ना कृताञ्जलिः
Sa kitetyevamabhashya rishina satyavadina
Pratismrityatha jagraha padau murdhna kritanjalih
119.11
कीट उवाच
इदं तदतुलं स्थानमीप्सितं दशभिर्गुणैः
यदहं प्राप्य कीटत्वमागतो राजपुत्रताम्
Kita uvacha
Idam tadatulam sthanamipsitam dashabhirgunaih
Yadaham prapya kitatvamagato rajaputratam
119.12
वहन्ति मामतिबलाः कुञ्जरा हेममालिनः
स्यन्दनेषु च काम्बोजा युक्ताः परमवाजिनः
Vahanti mamatibalah kunjara hemamalinah
Syandaneshu cha kamboja yuktah paramavajinah
119.13
उष्ट्राश्वतरयुक्तानि यानानि च वहन्ति माम्
सबान्धवः सहामात्यश्चाश्नामि पिशितौदनम्
Ushtrashvatarayuktani yanani cha vahanti mam
Sabandhavah sahamatyashchashnami pishitaudanam
119.14
गृहेषु सुनिवासेषु सुखेषु शयनेषु च
परार्ध्येषु महाभाग स्वपामीह सुपूजितः
Griheshu sunivaseshu sukheshu shayaneshu cha
Parardhyeshu mahabhaga svapamiha supujitah
119.15
सर्वेष्वपररात्रेषु सूतमागधबन्दिनः
स्तुवन्ति मां यथा देवं महेन्द्रं प्रियवादिनः
Sarveshvapararatreshu sutamagadhabandinah
Stuvanti mam yatha devam mahendram priyavadinah
119.16
प्रसादात्सत्यसंधस्य भवतोऽमिततेजसः
यदहं कीटतां प्राप्य संप्राप्तो राजपुत्रताम्
Prasadatsatyasandhasya bhavatomitatejasah
Yadaham kitatam prapya samprapto rajaputratam
119.17
नमस्तेऽस्तु महाप्राज्ञ किं करोमि प्रशाधि माम्
त्वत्तपोबलनिर्दिष्टमिदं ह्यधिगतं मया
Namastestu mahapragya kim karomi prashadhi mam
Tvattapobalanirdishtamidam hyadhigatam maya
119.18
व्यास उवाच
अर्चितोऽहं त्वया राजन्वाग्भिरद्य यदृच्छया
अद्य ते कीटतां प्राप्य स्मृतिर्जाताजुगुप्सिता
Vyasa uvacha
Architoham tvaya rajanvagbhiradya yadrichchhaya
Adya te kitatam prapya smritirjatajugupsita
119.19
न तु नाशोऽस्ति पापस्य यत्त्वयोपचितं पुरा
शूद्रेणार्थप्रधानेन नृशंसेनाततायिना
Na tu nashosti papasya yattvayopachitam pura
Shudrenarthapradhanena nrishansenatatayina
119.20
मम ते दर्शनं प्राप्तं तच्चैव सुकृतं पुरा
तिर्यग्योनौ स्म जातेन मम चाप्यर्चनात्तथा
Mama te darshanam praptam tachchaiva sukritam pura
Tiryagyonau sma jatena mama chapyarchanattatha
119.21
इतस्त्वं राजपुत्रत्वाद्ब्राह्मण्यं समवाप्स्यसि
गोब्राह्मणकृते प्राणान्हुत्वात्मीयान्रणाजिरे
Itastvam rajaputratvadbrahmanyam samavapsyasi
Gobrahmanakrite prananhutvatmiyanranajire
119.22
राजपुत्रसुखं प्राप्य ऋतूंश्चैवाप्तदक्षिणान्
अथ मोदिष्यसे स्वर्गे ब्रह्मभूतोऽव्ययः सुखी
Rajaputrasukham prapya ritunshchaivaptadakshinan
Atha modishyase svarge brahmabhutovyayah sukhi
119.23
तिर्यग्योन्याः शूद्रतामभ्युपैति; शूद्रो वैश्यत्वं क्षत्रियत्वं च वैश्यः
वृत्तश्लाघी क्षत्रियो ब्राह्मणत्वं; स्वर्गं पुण्यं ब्राह्मणः साधुवृत्तः
Tiryagyonyah shudratamabhyupaiti; shudro vaishyatvam kshatriyatvam cha vaishyah
Vrittashlaghi kshatriyo brahmanatvam; svargam punyam brahmanah sadhuvrittah