UtshovChapter 6
6.1
वैशंपायन उवाच
एतावदुक्त्वा देवर्षिर्विरराम स नारदः
युधिष्ठिरस्तु राजर्षिर्दध्यौ शोकपरिप्लुतः
Vaishampayana uvacha
Etavaduktva devarshirvirarama sa naradah
Yudhishthirastu rajarshirdadhyau shokapariplutah
6.2
तं दीनमनसं वीरमधोवदनमातुरम्
निःश्वसन्तं यथा नागं पर्यश्रुनयनं तथा
Tam dinamanasam viramadhovadanamaturam
Nihshvasantam yatha nagam paryashrunayanam tatha
6.3
कुन्ती शोकपरीताङ्गी दुःखोपहतचेतना
अब्रवीन्मधुराभाषा काले वचनमर्थवत्
Kunti shokaparitangi duhkhopahatachetana
Abravinmadhurabhasha kale vachanamarthavat
6.4
युधिष्ठिर महाबाहो नैनं शोचितुमर्हसि
जहि शोकं महाप्राज्ञ शृणु चेदं वचो मम
Yudhishthira mahabaho nainam shochitumarhasi
Jahi shokam mahapragya shrinu chedam vacho mama
6.5
यतितः स मया पूर्वं भ्रात्र्यं ज्ञापयितुं तव
भास्करेण च देवेन पित्रा धर्मभृतां वर
Yatitah sa maya purvam bhratryam gyapayitum tava
Bhaskarena cha devena pitra dharmabhritam vara
6.6
यद्वाच्यं हितकामेन सुहृदा भूतिमिच्छता
तथा दिवाकरेणोक्तः स्वप्नान्ते मम चाग्रतः
Yadvachyam hitakamena suhrida bhutimichchhata
Tatha divakarenoktah svapnante mama chagratah
6.7
न चैनमशकद्भानुरहं वा स्नेहकारणैः
पुरा प्रत्यनुनेतुं वा नेतुं वाप्येकतां त्वया
Na chainamashakadbhanuraham va snehakaranaih
Pura pratyanunetum va netum vapyekatam tvaya
6.8
ततः कालपरीतः स वैरस्योद्धुक्षणे रतः
प्रतीपकारी युष्माकमिति चोपेक्षितो मया
Tatah kalaparitah sa vairasyoddhukshane ratah
Pratipakari yushmakamiti chopekshito maya
6.9
इत्युक्तो धर्मराजस्तु मात्रा बाष्पाकुलेक्षणः
उवाच वाक्यं धर्मात्मा शोकव्याकुलचेतनः
Ityukto dharmarajastu matra bashpakulekshanah
Uvacha vakyam dharmatma shokavyakulachetanah
6.10
भवत्या गूढमन्त्रत्वात्पीडितोऽस्मीत्युवाच ताम्
शशाप च महातेजाः सर्वलोकेषु च स्त्रियः
न गुह्यं धारयिष्यन्तीत्यतिदुःखसमन्वितः
Bhavatya gudhamantratvatpiditosmityuvacha tam
Shashapa cha mahatejah sarvalokeshu cha striyah
Na guhyam dharayishyantityatiduhkhasamanvitah
6.11
स राजा पुत्रपौत्राणां संबन्धिसुहृदां तथा
स्मरन्नुद्विग्नहृदयो बभूवास्वस्थचेतनः
Sa raja putrapautranam sambandhisuhridam tatha
Smarannudvignahridayo babhuvasvasthachetanah
6.12
ततः शोकपरीतात्मा सधूम इव पावकः
निर्वेदमकरोद्धीमान्राजा संतापपीडितः
Tatah shokaparitatma sadhuma iva pavakah
Nirvedamakaroddhimanraja santapapiditah