UtshovChapter 43
43.1
वैशंपायन उवाच
अभिषिक्तो महाप्राज्ञो राज्यं प्राप्य युधिष्ठिरः
दाशार्हं पुण्डरीकाक्षमुवाच प्राञ्जलिः शुचिः
Vaishampayana uvacha
Abhishikto mahapragyo rajyam prapya yudhishthirah
Dasharham pundarikakshamuvacha pranjalih shuchih
43.2
तव कृष्ण प्रसादेन नयेन च बलेन च
बुद्ध्या च यदुशार्दूल तथा विक्रमणेन च
Tava krishna prasadena nayena cha balena cha
Buddhya cha yadushardula tatha vikramanena cha
43.3
पुनः प्राप्तमिदं राज्यं पितृपैतामहं मया
नमस्ते पुण्डरीकाक्ष पुनः पुनररिंदम
Punah praptamidam rajyam pitripaitamaham maya
Namaste pundarikaksha punah punararindama
43.4
त्वामेकमाहुः पुरुषं त्वामाहुः सात्वतां पतिम्
नामभिस्त्वां बहुविधैः स्तुवन्ति परमर्षयः
Tvamekamahuh purusham tvamahuh satvatam patim
Namabhistvam bahuvidhaih stuvanti paramarshayah
43.5
विश्वकर्मन्नमस्तेऽस्तु विश्वात्मन्विश्वसंभव
विष्णो जिष्णो हरे कृष्ण वैकुण्ठ पुरुषोत्तम
Vishvakarmannamastestu vishvatmanvishvasambhava
Vishno jishno hare krishna vaikuntha purushottama
43.6
अदित्याः सप्तरात्रं तु पुराणे गर्भतां गतः
पृश्निगर्भस्त्वमेवैकस्त्रियुगं त्वां वदन्त्यपि
Adityah saptaratram tu purane garbhatam gatah
Prishnigarbhastvamevaikastriyugam tvam vadantyapi
43.7
शुचिश्रवा हृषीकेशो घृतार्चिर्हंस उच्यसे
त्रिचक्षुः शंभुरेकस्त्वं विभुर्दामोदरोऽपि च
Shuchishrava hrishikesho ghritarchirhansa uchyase
Trichakshuh shambhurekastvam vibhurdamodaropi cha
43.8
वराहोऽग्निर्बृहद्भानुर्वृषणस्तार्क्ष्यलक्षणः
अनीकसाहः पुरुषः शिपिविष्ट उरुक्रमः
Varahognirbrihadbhanurvrishanastarkshyalakshanah
Anikasahah purushah shipivishta urukramah
43.9
वाचिष्ठ उग्रः सेनानीः सत्यो वाजसनिर्गुहः
अच्युतश्च्यावनोऽरीणां संकृतिर्विकृतिर्वृषः
Vachishtha ugrah senanih satyo vajasanirguhah
Achyutashchyavanorinam sankritirvikritirvrishah
43.10
कृतवर्त्मा त्वमेवाद्रिर्वृषगर्भो वृषाकपिः
सिन्धुक्षिदूर्मिस्त्रिककुत्त्रिधामा त्रिवृदच्युतः
Kritavartma tvamevadrirvrishagarbho vrishakapih
Sindhukshidurmistrikakuttridhama trivridachyutah
43.11
सम्राड्विराट्स्वराट्चैव सुरराड्धर्मदो भवः
विभुर्भूरभिभूः कृष्णः कृष्णवर्त्मा त्वमेव च
Samradviratsvaratchaiva suraraddharmado bhavah
Vibhurbhurabhibhuh krishnah krishnavartma tvameva cha
43.12
स्विष्टकृद्भिषगावर्तः कपिलस्त्वं च वामनः
यज्ञो ध्रुवः पतंगश्च जयत्सेनस्त्वमुच्यसे
Svishtakridbhishagavartah kapilastvam cha vamanah
Yagyo dhruvah patangashcha jayatsenastvamuchyase
43.13
शिखण्डी नहुषो बभ्रुर्दिवस्पृक्त्वं पुनर्वसुः
सुबभ्रुरुक्षो रुक्मस्त्वं सुषेणो दुन्दुभिस्तथा
Shikhandi nahusho babhrurdivaspriktvam punarvasuh
Subabhruruksho rukmastvam susheno dundubhistatha
43.14
गभस्तिनेमिः श्रीपद्मं पुष्करं पुष्पधारणः
ऋभुर्विभुः सर्वसूक्ष्मस्त्वं सावित्रं च पठ्यसे
Gabhastinemih shripadmam pushkaram pushpadharanah
Ribhurvibhuh sarvasukshmastvam savitram cha pathyase
43.15
अम्भोनिधिस्त्वं ब्रह्मा त्वं पवित्रं धाम धन्व च
हिरण्यगर्भं त्वामाहुः स्वधा स्वाहा च केशव
Ambhonidhistvam brahma tvam pavitram dhama dhanva cha
Hiranyagarbham tvamahuh svadha svaha cha keshava
43.16
योनिस्त्वमस्य प्रलयश्च कृष्ण; त्वमेवेदं सृजसि विश्वमग्रे
विश्वं चेदं त्वद्वशे विश्वयोने; नमोऽस्तु ते शार्ङ्गचक्रासिपाणे
Yonistvamasya pralayashcha krishna; tvamevedam srijasi vishvamagre
Vishvam chedam tvadvashe vishvayone; namostu te sharngachakrasipane
43.17
एवं स्तुतो धर्मराजेन कृष्णः; सभामध्ये प्रीतिमान्पुष्कराक्षः
तमभ्यनन्दद्भारतं पुष्कलाभि;र्वाग्भिर्ज्येष्ठं पाण्डवं यादवाग्र्यः
Evam stuto dharmarajena krishnah; sabhamadhye pritimanpushkarakshah
Tamabhyanandadbharatam pushkalabhi;rvagbhirjyeshtham pandavam yadavagryah