UtshovChapter 215
215.1
युधिष्ठिर उवाच
यदिदं कर्म लोकेऽस्मिञ्शुभं वा यदि वाशुभम्
पुरुषं योजयत्येव फलयोगेन भारत
Yudhishthira uvacha
Yadidam karma lokesminshubham va yadi vashubham
Purusham yojayatyeva phalayogena bharata
215.2
कर्ता स्वित्तस्य पुरुष उताहो नेति संशयः
एतदिच्छामि तत्त्वेन त्वत्तः श्रोतुं पितामह
Karta svittasya purusha utaho neti sanshayah
Etadichchhami tattvena tvattah shrotum pitamaha
215.3
भीष्म उवाच
अत्राप्युदाहरन्तीममितिहासं पुरातनम्
प्रह्रादस्य च संवादमिन्द्रस्य च युधिष्ठिर
Bhishma uvacha
Atrapyudaharantimamitihasam puratanam
Prahradasya cha sanvadamindrasya cha yudhishthira
215.4
असक्तं धूतपाप्मानं कुले जातं बहुश्रुतम्
अस्तम्भमनहंकारं सत्त्वस्थं समये रतम्
Asaktam dhutapapmanam kule jatam bahushrutam
Astambhamanahankaram sattvastham samaye ratam
215.5
तुल्यनिन्दास्तुतिं दान्तं शून्यागारनिवेशनम्
चराचराणां भूतानां विदितप्रभवाप्ययम्
Tulyanindastutim dantam shunyagaraniveshanam
Characharanam bhutanam viditaprabhavapyayam
215.6
अक्रुध्यन्तमहृष्यन्तमप्रियेषु प्रियेषु च
काञ्चने वाथ लोष्टे वा उभयोः समदर्शनम्
Akrudhyantamahrishyantamapriyeshu priyeshu cha
Kanchane vatha loshte va ubhayoh samadarshanam
215.7
आत्मनिःश्रेयसज्ञाने धीरं निश्चितनिश्चयम्
परावरज्ञं भूतानां सर्वज्ञं समदर्शनम्
Atmanihshreyasagyane dhiram nishchitanishchayam
Paravaragyam bhutanam sarvagyam samadarshanam
215.8
शक्रः प्रह्रादमासीनमेकान्ते संयतेन्द्रियम्
बुभुत्समानस्तत्प्रज्ञामभिगम्येदमब्रवीत्
Shakrah prahradamasinamekante sanyatendriyam
Bubhutsamanastatpragyamabhigamyedamabravit
215.9
यैः कैश्चित्संमतो लोके गुणैः स्यात्पुरुषो नृषु
भवत्यनपगान्सर्वांस्तान्गुणाँल्लक्षयामहे
Yaih kaishchitsammato loke gunaih syatpurusho nrishu
Bhavatyanapagansarvanstangunanllakshayamahe
215.10
अथ ते लक्ष्यते बुद्धिः समा बालजनैरिह
आत्मानं मन्यमानः सञ्श्रेयः किमिह मन्यसे
Atha te lakshyate buddhih sama balajanairiha
Atmanam manyamanah sanshreyah kimiha manyase
215.11
बद्धः पाशैश्च्युतः स्थानाद्द्विषतां वशमागतः
श्रिया विहीनः प्रह्राद शोचितव्ये न शोचसि
Baddhah pashaishchyutah sthanaddvishatam vashamagatah
Shriya vihinah prahrada shochitavye na shochasi
215.12
प्रज्ञालाभात्तु दैतेय उताहो धृतिमत्तया
प्रह्राद स्वस्थरूपोऽसि पश्यन्व्यसनमात्मनः
Pragyalabhattu daiteya utaho dhritimattaya
Prahrada svastharuposi pashyanvyasanamatmanah
215.13
इति संचोदितस्तेन धीरो निश्चितनिश्चयः
उवाच श्लक्ष्णया वाचा स्वां प्रज्ञामनुवर्णयन्
Iti sanchoditastena dhiro nishchitanishchayah
Uvacha shlakshnaya vacha svam pragyamanuvarnayan
215.14
प्रवृत्तिं च निवृत्तिं च भूतानां यो न बुध्यते
तस्य स्तम्भो भवेद्बाल्यान्नास्ति स्तम्भोऽनुपश्यतः
Pravrittim cha nivrittim cha bhutanam yo na budhyate
Tasya stambho bhavedbalyannasti stambhonupashyatah
215.15
स्वभावात्संप्रवर्तन्ते निवर्तन्ते तथैव च
सर्वे भावास्तथाभावाः पुरुषार्थो न विद्यते
Svabhavatsampravartante nivartante tathaiva cha
Sarve bhavastathabhavah purushartho na vidyate
215.16
पुरुषार्थस्य चाभावे नास्ति कश्चित्स्वकारकः
स्वयं तु कुर्वतस्तस्य जातु मानो भवेदिह
Purusharthasya chabhave nasti kashchitsvakarakah
Svayam tu kurvatastasya jatu mano bhavediha
215.17
यस्तु कर्तारमात्मानं मन्यते साध्वसाधुनोः
तस्य दोषवती प्रज्ञा स्वमूर्त्यज्ञेति मे मतिः
Yastu kartaramatmanam manyate sadhvasadhunoh
Tasya doshavati pragya svamurtyagyeti me matih
215.18
यदि स्यात्पुरुषः कर्ता शक्रात्मश्रेयसे ध्रुवम्
आरम्भास्तस्य सिध्येरन्न च जातु पराभवेत्
Yadi syatpurushah karta shakratmashreyase dhruvam
Arambhastasya sidhyeranna cha jatu parabhavet
215.19
अनिष्टस्य हि निर्वृत्तिरनिवृत्तिः प्रियस्य च
लक्ष्यते यतमानानां पुरुषार्थस्ततः कुतः
Anishtasya hi nirvrittiranivrittih priyasya cha
Lakshyate yatamananam purusharthastatah kutah
215.20
अनिष्टस्याभिनिर्वृत्तिमिष्टसंवृत्तिमेव च
अप्रयत्नेन पश्यामः केषांचित्तत्स्वभावतः
Anishtasyabhinirvrittimishtasanvrittimeva cha
Aprayatnena pashyamah keshanchittatsvabhavatah
215.21
प्रतिरूपधराः केचिद्दृश्यन्ते बुद्धिसत्तमाः
विरूपेभ्योऽल्पबुद्धिभ्यो लिप्समाना धनागमम्
Pratirupadharah kechiddrishyante buddhisattamah
Virupebhyolpabuddhibhyo lipsamana dhanagamam
215.22
स्वभावप्रेरिताः सर्वे निविशन्ते गुणा यदा
शुभाशुभास्तदा तत्र तस्य किं मानकारणम्
Svabhavapreritah sarve nivishante guna yada
Shubhashubhastada tatra tasya kim manakaranam
215.23
स्वभावादेव तत्सर्वमिति मे निश्चिता मतिः
आत्मप्रतिष्ठिता प्रज्ञा मम नास्ति ततोऽन्यथा
Svabhavadeva tatsarvamiti me nishchita matih
Atmapratishthita pragya mama nasti tatonyatha
215.24
कर्मजं त्विह मन्येऽहं फलयोगं शुभाशुभम्
कर्मणां विषयं कृत्स्नमहं वक्ष्यामि तच्छृणु
Karmajam tviha manyeham phalayogam shubhashubham
Karmanam vishayam kritsnamaham vakshyami tachchhrinu
215.25
यथा वेदयते कश्चिदोदनं वायसो वदन्
एवं सर्वाणि कर्माणि स्वभावस्यैव लक्षणम्
Yatha vedayate kashchidodanam vayaso vadan
Evam sarvani karmani svabhavasyaiva lakshanam
215.26
विकारानेव यो वेद न वेद प्रकृतिं पराम्
तस्य स्तम्भो भवेद्बाल्यान्नास्ति स्तम्भोऽनुपश्यतः
Vikaraneva yo veda na veda prakritim param
Tasya stambho bhavedbalyannasti stambhonupashyatah
215.27
स्वभावभाविनो भावान्सर्वानेवेह निश्चये
बुध्यमानस्य दर्पो वा मानो वा किं करिष्यति
Svabhavabhavino bhavansarvaneveha nishchaye
Budhyamanasya darpo va mano va kim karishyati
215.28
वेद धर्मविधिं कृत्स्नं भूतानां चाप्यनित्यताम्
तस्माच्छक्र न शोचामि सर्वं ह्येवेदमन्तवत्
Veda dharmavidhim kritsnam bhutanam chapyanityatam
Tasmachchhakra na shochami sarvam hyevedamantavat
215.29
निर्ममो निरहंकारो निरीहो मुक्तबन्धनः
स्वस्थोऽव्यपेतः पश्यामि भूतानां प्रभवाप्ययौ
Nirmamo nirahankaro niriho muktabandhanah
Svasthovyapetah pashyami bhutanam prabhavapyayau
215.30
कृतप्रज्ञस्य दान्तस्य वितृष्णस्य निराशिषः
नायासो विद्यते शक्र पश्यतो लोकविद्यया
Kritapragyasya dantasya vitrishnasya nirashishah
Nayaso vidyate shakra pashyato lokavidyaya
215.31
प्रकृतौ च विकारे च न मे प्रीतिर्न च द्विषे
द्वेष्टारं न च पश्यामि यो ममाद्य ममायते
Prakritau cha vikare cha na me pritirna cha dvishe
Dveshtaram na cha pashyami yo mamadya mamayate
215.32
नोर्ध्वं नावाङ्न तिर्यक्च न क्वचिच्छक्र कामये
न विज्ञाने न विज्ञेये नाज्ञाने शर्म विद्यते
Nordhvam navanna tiryakcha na kvachichchhakra kamaye
Na vigyane na vigyeye nagyane sharma vidyate
215.33
शक्र उवाच
येनैषा लभ्यते प्रज्ञा येन शान्तिरवाप्यते
प्रब्रूहि तमुपायं मे सम्यक्प्रह्राद पृच्छते
Shakra uvacha
Yenaisha labhyate pragya yena shantiravapyate
Prabruhi tamupayam me samyakprahrada prichchhate
215.34
प्रह्राद उवाच
आर्जवेनाप्रमादेन प्रसादेनात्मवत्तया
वृद्धशुश्रूषया शक्र पुरुषो लभते महत्
Prahrada uvacha
Arjavenapramadena prasadenatmavattaya
Vriddhashushrushaya shakra purusho labhate mahat
215.35
स्वभावाल्लभते प्रज्ञां शान्तिमेति स्वभावतः
स्वभावादेव तत्सर्वं यत्किंचिदनुपश्यसि
Svabhavallabhate pragyam shantimeti svabhavatah
Svabhavadeva tatsarvam yatkinchidanupashyasi
215.36
भीष्म उवाच
इत्युक्तो दैत्यपतिना शक्रो विस्मयमागमत्
प्रीतिमांश्च तदा राजंस्तद्वाक्यं प्रत्यपूजयत्
Bhishma uvacha
Ityukto daityapatina shakro vismayamagamat
Pritimanshcha tada rajanstadvakyam pratyapujayat
215.37
स तदाभ्यर्च्य दैत्येन्द्रं त्रैलोक्यपतिरीश्वरः
असुरेन्द्रमुपामन्त्र्य जगाम स्वं निवेशनम्
Sa tadabhyarchya daityendram trailokyapatirishvarah
Asurendramupamantrya jagama svam niveshanam