UtshovChapter 211
211.1
युधिष्ठिर उवाच
केन वृत्तेन वृत्तज्ञो जनको मिथिलाधिपः
जगाम मोक्षं धर्मज्ञो भोगानुत्सृज्य मानुषान्
Yudhishthira uvacha
Kena vrittena vrittagyo janako mithiladhipah
Jagama moksham dharmagyo bhoganutsrijya manushan
211.2
भीष्म उवाच
अत्राप्युदाहरन्तीममितिहासं पुरातनम्
येन वृत्तेन वृत्तज्ञः स जगाम महत्सुखम्
Bhishma uvacha
Atrapyudaharantimamitihasam puratanam
Yena vrittena vrittagyah sa jagama mahatsukham
211.3
जनको जनदेवस्तु मिथिलायां जनाधिपः
और्ध्वदेहिकधर्माणामासीद्युक्तो विचिन्तने
Janako janadevastu mithilayam janadhipah
Aurdhvadehikadharmanamasidyukto vichintane
211.4
तस्य स्म शतमाचार्या वसन्ति सततं गृहे
दर्शयन्तः पृथग्धर्मान्नानापाषण्डवादिनः
Tasya sma shatamacharya vasanti satatam grihe
Darshayantah prithagdharmannanapashandavadinah
211.5
स तेषां प्रेत्यभावे च प्रेत्यजातौ विनिश्चये
आगमस्थः स भूयिष्ठमात्मतत्त्वे न तुष्यति
Sa tesham pretyabhave cha pretyajatau vinishchaye
Agamasthah sa bhuyishthamatmatattve na tushyati
211.6
तत्र पञ्चशिखो नाम कापिलेयो महामुनिः
परिधावन्महीं कृत्स्नां जगाम मिथिलामपि
Tatra panchashikho nama kapileyo mahamunih
Paridhavanmahim kritsnam jagama mithilamapi
211.7
सर्वसंन्यासधर्माणां तत्त्वज्ञानविनिश्चये
सुपर्यवसितार्थश्च निर्द्वंद्वो नष्टसंशयः
Sarvasannyasadharmanam tattvagyanavinishchaye
Suparyavasitarthashcha nirdvandvo nashtasanshayah
211.8
ऋषीणामाहुरेकं यं कामादवसितं नृषु
शाश्वतं सुखमत्यन्तमन्विच्छन्स सुदुर्लभम्
Rishinamahurekam yam kamadavasitam nrishu
Shashvatam sukhamatyantamanvichchhansa sudurlabham
211.9
यमाहुः कपिलं सांख्याः परमर्षिं प्रजापतिम्
स मन्ये तेन रूपेण विस्मापयति हि स्वयम्
Yamahuh kapilam sankhyah paramarshim prajapatim
Sa manye tena rupena vismapayati hi svayam
211.10
आसुरेः प्रथमं शिष्यं यमाहुश्चिरजीविनम्
पञ्चस्रोतसि यः सत्रमास्ते वर्षसहस्रिकम्
Asureh prathamam shishyam yamahushchirajivinam
Panchasrotasi yah satramaste varshasahasrikam
211.11
तं समासीनमागम्य मण्डलं कापिलं महत्
पुरुषावस्थमव्यक्तं परमार्थं निबोधयत्
Tam samasinamagamya mandalam kapilam mahat
Purushavasthamavyaktam paramartham nibodhayat
211.12
इष्टिसत्रेण संसिद्धो भूयश्च तपसा मुनिः
क्षेत्रक्षेत्रज्ञयोर्व्यक्तिं बुबुधे देवदर्शनः
Ishtisatrena sansiddho bhuyashcha tapasa munih
Kshetrakshetragyayorvyaktim bubudhe devadarshanah
211.13
यत्तदेकाक्षरं ब्रह्म नानारूपं प्रदृश्यते
आसुरिर्मण्डले तस्मिन्प्रतिपेदे तदव्ययम्
Yattadekaksharam brahma nanarupam pradrishyate
Asurirmandale tasminpratipede tadavyayam
211.14
तस्य पञ्चशिखः शिष्यो मानुष्या पयसा भृतः
ब्राह्मणी कपिला नाम काचिदासीत्कुटुम्बिनी
Tasya panchashikhah shishyo manushya payasa bhritah
Brahmani kapila nama kachidasitkutumbini
211.15
तस्याः पुत्रत्वमागम्य स्त्रियाः स पिबति स्तनौ
ततः स कापिलेयत्वं लेभे बुद्धिं च नैष्ठिकीम्
Tasyah putratvamagamya striyah sa pibati stanau
Tatah sa kapileyatvam lebhe buddhim cha naishthikim
211.16
एतन्मे भगवानाह कापिलेयाय संभवम्
तस्य तत्कापिलेयत्वं सर्ववित्त्वमनुत्तमम्
Etanme bhagavanaha kapileyaya sambhavam
Tasya tatkapileyatvam sarvavittvamanuttamam
211.17
सामान्यं कपिलो ज्ञात्वा धर्मज्ञानामनुत्तमम्
उपेत्य शतमाचार्यान्मोहयामास हेतुभिः
Samanyam kapilo gyatva dharmagyanamanuttamam
Upetya shatamacharyanmohayamasa hetubhih
211.18
जनकस्त्वभिसंरक्तः कापिलेयानुदर्शनात्
उत्सृज्य शतमाचार्यान्पृष्ठतोऽनुजगाम तम्
Janakastvabhisanraktah kapileyanudarshanat
Utsrijya shatamacharyanprishthatonujagama tam
211.19
तस्मै परमकल्याय प्रणताय च धर्मतः
अब्रवीत्परमं मोक्षं यत्तत्सांख्यं विधीयते
Tasmai paramakalyaya pranataya cha dharmatah
Abravitparamam moksham yattatsankhyam vidhiyate
211.20
जातिनिर्वेदमुक्त्वा हि कर्मनिर्वेदमब्रवीत्
कर्मनिर्वेदमुक्त्वा च सर्वनिर्वेदमब्रवीत्
Jatinirvedamuktva hi karmanirvedamabravit
Karmanirvedamuktva cha sarvanirvedamabravit
211.21
यदर्थं कर्मसंसर्गः कर्मणां च फलोदयः
तदनाश्वासिकं मोघं विनाशि चलमध्रुवम्
Yadartham karmasansargah karmanam cha phalodayah
Tadanashvasikam mogham vinashi chalamadhruvam
211.22
दृश्यमाने विनाशे च प्रत्यक्षे लोकसाक्षिके
आगमात्परमस्तीति ब्रुवन्नपि पराजितः
Drishyamane vinashe cha pratyakshe lokasakshike
Agamatparamastiti bruvannapi parajitah
211.23
अनात्मा ह्यात्मनो मृत्युः क्लेशो मृत्युर्जरामयः
आत्मानं मन्यते मोहात्तदसम्यक्परं मतम्
Anatma hyatmano mrityuh klesho mrityurjaramayah
Atmanam manyate mohattadasamyakparam matam
211.24
अथ चेदेवमप्यस्ति यल्लोके नोपपद्यते
अजरोऽयममृत्युश्च राजासौ मन्यते तथा
Atha chedevamapyasti yalloke nopapadyate
Ajaroyamamrityushcha rajasau manyate tatha
211.25
अस्ति नास्तीति चाप्येतत्तस्मिन्नसति लक्षणे
किमधिष्ठाय तद्ब्रूयाल्लोकयात्राविनिश्चयम्
Asti nastiti chapyetattasminnasati lakshane
Kimadhishthaya tadbruyallokayatravinishchayam
211.26
प्रत्यक्षं ह्येतयोर्मूलं कृतान्तैतिह्ययोरपि
प्रत्यक्षो ह्यागमोऽभिन्नः कृतान्तो वा न किंचन
Pratyaksham hyetayormulam kritantaitihyayorapi
Pratyaksho hyagamobhinnah kritanto va na kinchana
211.27
यत्र तत्रानुमानेऽस्ति कृतं भावयतेऽपि वा
अन्यो जीवः शरीरस्य नास्तिकानां मते स्मृतः
Yatra tatranumanesti kritam bhavayatepi va
Anyo jivah sharirasya nastikanam mate smritah
211.28
रेतो वटकणीकायां घृतपाकाधिवासनम्
जातिस्मृतिरयस्कान्तः सूर्यकान्तोऽम्बुभक्षणम्
Reto vatakanikayam ghritapakadhivasanam
Jatismritirayaskantah suryakantombubhakshanam
211.29
प्रेत्य भूतात्ययश्चैव देवताभ्युपयाचनम्
मृते कर्मनिवृत्तिश्च प्रमाणमिति निश्चयः
Pretya bhutatyayashchaiva devatabhyupayachanam
Mrite karmanivrittishcha pramanamiti nishchayah
211.30
न त्वेते हेतवः सन्ति ये केचिन्मूर्तिसंस्थिताः
अमर्त्यस्य हि मर्त्येन सामान्यं नोपपद्यते
Na tvete hetavah santi ye kechinmurtisansthitah
Amartyasya hi martyena samanyam nopapadyate
211.31
अविद्याकर्मचेष्टानां केचिदाहुः पुनर्भवम्
कारणं लोभमोहौ तु दोषाणां च निषेवणम्
Avidyakarmacheshtanam kechidahuh punarbhavam
Karanam lobhamohau tu doshanam cha nishevanam
211.32
अविद्यां क्षेत्रमाहुर्हि कर्म बीजं तथा कृतम्
तृष्णासंजननं स्नेह एष तेषां पुनर्भवः
Avidyam kshetramahurhi karma bijam tatha kritam
Trishnasanjananam sneha esha tesham punarbhavah
211.33
तस्मिन्व्यूढे च दग्धे च चित्ते मरणधर्मिणि
अन्योऽन्याज्जायते देहस्तमाहुः सत्त्वसंक्षयम्
Tasminvyudhe cha dagdhe cha chitte maranadharmini
Anyonyajjayate dehastamahuh sattvasankshayam
211.34
यदा स रूपतश्चान्यो जातितः श्रुतितोऽर्थतः
कथमस्मिन्स इत्येव संबन्धः स्यादसंहितः
Yada sa rupatashchanyo jatitah shrutitorthatah
Kathamasminsa ityeva sambandhah syadasanhitah
211.35
एवं सति च का प्रीतिर्दानविद्यातपोबलैः
यदन्याचरितं कर्म सर्वमन्यः प्रपद्यते
Evam sati cha ka pritirdanavidyatapobalaih
Yadanyacharitam karma sarvamanyah prapadyate
211.36
यदा ह्ययमिहैवान्यैः प्राकृतैर्दुःखितो भवेत्
सुखितैर्दुःखितैर्वापि दृश्योऽप्यस्य विनिर्णयः
Yada hyayamihaivanyaih prakritairduhkhito bhavet
Sukhitairduhkhitairvapi drishyopyasya vinirnayah
211.37
तथा हि मुसलैर्हन्युः शरीरं तत्पुनर्भवेत्
पृथग्ज्ञानं यदन्यच्च येनैतन्नोपलभ्यते
Tatha hi musalairhanyuh shariram tatpunarbhavet
Prithaggyanam yadanyachcha yenaitannopalabhyate
211.38
ऋतुः संवत्सरस्तिथ्यः शीतोष्णे च प्रियाप्रिये
यथातीतानि पश्यन्ति तादृशः सत्त्वसंक्षयः
Rituh sanvatsarastithyah shitoshne cha priyapriye
Yathatitani pashyanti tadrishah sattvasankshayah
211.39
जरया हि परीतस्य मृत्युना वा विनाशिना
दुर्बलं दुर्बलं पूर्वं गृहस्येव विनश्यति
Jaraya hi paritasya mrityuna va vinashina
Durbalam durbalam purvam grihasyeva vinashyati
211.40
इन्द्रियाणि मनो वायुः शोणितं मांसमस्थि च
आनुपूर्व्या विनश्यन्ति स्वं धातुमुपयान्ति च
Indriyani mano vayuh shonitam mansamasthi cha
Anupurvya vinashyanti svam dhatumupayanti cha
211.41
लोकयात्राविधानं च दानधर्मफलागमः
यदर्थं वेदशब्दाश्च व्यवहाराश्च लौकिकाः
Lokayatravidhanam cha danadharmaphalagamah
Yadartham vedashabdashcha vyavaharashcha laukikah
211.42
इति सम्यङ्मनस्येते बहवः सन्ति हेतवः
एतदस्तीदमस्तीति न किंचित्प्रतिपद्यते
Iti samyanmanasyete bahavah santi hetavah
Etadastidamastiti na kinchitpratipadyate
211.43
तेषां विमृशतामेवं तत्तत्समभिधावताम्
क्वचिन्निविशते बुद्धिस्तत्र जीर्यति वृक्षवत्
Tesham vimrishatamevam tattatsamabhidhavatam
Kvachinnivishate buddhistatra jiryati vrikshavat
211.44
एवमर्थैरनर्थैश्च दुःखिताः सर्वजन्तवः
आगमैरपकृष्यन्ते हस्तिपैर्हस्तिनो यथा
Evamarthairanarthaishcha duhkhitah sarvajantavah
Agamairapakrishyante hastipairhastino yatha
211.45
अर्थांस्तथात्यन्तसुखावहांश्च; लिप्सन्त एते बहवो विशुल्काः
महत्तरं दुःखमभिप्रपन्ना; हित्वामिषं मृत्युवशं प्रयान्ति
Arthanstathatyantasukhavahanshcha; lipsanta ete bahavo vishulkah
Mahattaram duhkhamabhiprapanna; hitvamisham mrityuvasham prayanti
211.46
विनाशिनो ह्यध्रुवजीवितस्य; किं बन्धुभिर्मित्रपरिग्रहैश्च
विहाय यो गच्छति सर्वमेव; क्षणेन गत्वा न निवर्तते च
Vinashino hyadhruvajivitasya; kim bandhubhirmitraparigrahaishcha
Vihaya yo gachchhati sarvameva; kshanena gatva na nivartate cha
211.47
भूव्योमतोयानलवायवो हि; सदा शरीरं परिपालयन्ति
इतीदमालक्ष्य कुतो रतिर्भवे;द्विनाशिनो ह्यस्य न शर्म विद्यते
Bhuvyomatoyanalavayavo hi; sada shariram paripalayanti
Itidamalakshya kuto ratirbhave;dvinashino hyasya na sharma vidyate
211.48
इदमनुपधि वाक्यमच्छलं; परमनिरामयमात्मसाक्षिकम्
नरपतिरभिवीक्ष्य विस्मितः; पुनरनुयोक्तुमिदं प्रचक्रमे
Idamanupadhi vakyamachchhalam; paramaniramayamatmasakshikam
Narapatirabhivikshya vismitah; punaranuyoktumidam prachakrame