UtshovChapter 152
152.1
युधिष्ठिर उवाच
पापस्य यदधिष्ठानं यतः पापं प्रवर्तते
एतदिच्छाम्यहं ज्ञातुं तत्त्वेन भरतर्षभ
Yudhishthira uvacha
Papasya yadadhishthanam yatah papam pravartate
Etadichchhamyaham gyatum tattvena bharatarshabha
152.2
भीष्म उवाच
पापस्य यदधिष्ठानं तच्छृणुष्व नराधिप
एको लोभो महाग्राहो लोभात्पापं प्रवर्तते
Bhishma uvacha
Papasya yadadhishthanam tachchhrinushva naradhipa
Eko lobho mahagraho lobhatpapam pravartate
152.3
अतः पापमधर्मश्च तथा दुःखमनुत्तमम्
निकृत्या मूलमेतद्धि येन पापकृतो जनाः
Atah papamadharmashcha tatha duhkhamanuttamam
Nikritya mulametaddhi yena papakrito janah
152.4
लोभात्क्रोधः प्रभवति लोभात्कामः प्रवर्तते
लोभान्मोहश्च माया च मानस्तम्भः परासुता
Lobhatkrodhah prabhavati lobhatkamah pravartate
Lobhanmohashcha maya cha manastambhah parasuta
152.5
अक्षमा ह्रीपरित्यागः श्रीनाशो धर्मसंक्षयः
अभिध्याप्रज्ञता चैव सर्वं लोभात्प्रवर्तते
Akshama hriparityagah shrinasho dharmasankshayah
Abhidhyapragyata chaiva sarvam lobhatpravartate
152.6
अन्यायश्चावितर्कश्च विकर्मसु च याः क्रियाः
कूटविद्यादयश्चैव रूपैश्वर्यमदस्तथा
Anyayashchavitarkashcha vikarmasu cha yah kriyah
Kutavidyadayashchaiva rupaishvaryamadastatha
152.7
सर्वभूतेष्वविश्वासः सर्वभूतेष्वनार्जवम्
सर्वभूतेष्वभिद्रोहः सर्वभूतेष्वयुक्तता
हरणं परवित्तानां परदाराभिमर्शनम्
Sarvabhuteshvavishvasah sarvabhuteshvanarjavam
Sarvabhuteshvabhidrohah sarvabhuteshvayuktata
Haranam paravittanam paradarabhimarshanam
152.8
वाग्वेगो मानसो वेगो निन्दावेगस्तथैव च
उपस्थोदरयोर्वेगो मृत्युवेगश्च दारुणः
Vagvego manaso vego nindavegastathaiva cha
Upasthodarayorvego mrityuvegashcha darunah
152.9
ईर्ष्यावेगश्च बलवान्मिथ्यावेगश्च दुस्त्यजः
रसवेगश्च दुर्वारः श्रोत्रवेगश्च दुःसहः
Irshyavegashcha balavanmithyavegashcha dustyajah
Rasavegashcha durvarah shrotravegashcha duhsahah
152.10
कुत्सा विकत्था मात्सर्यं पापं दुष्करकारिता
साहसानां च सर्वेषामकार्याणां क्रियास्तथा
Kutsa vikattha matsaryam papam dushkarakarita
Sahasanam cha sarveshamakaryanam kriyastatha
152.11
जातौ बाल्येऽथ कौमारे यौवने चापि मानवः
न संत्यजत्यात्मकर्म यन्न जीर्यति जीर्यतः
Jatau balyetha kaumare yauvane chapi manavah
Na santyajatyatmakarma yanna jiryati jiryatah
152.12
यो न पूरयितुं शक्यो लोभः प्राप्त्या कुरूद्वह
नित्यं गम्भीरतोयाभिरापगाभिरिवोदधिः
न प्रहृष्यति लाभैर्यो यश्च कामैर्न तृप्यति
Yo na purayitum shakyo lobhah praptya kurudvaha
Nityam gambhiratoyabhirapagabhirivodadhih
Na prahrishyati labhairyo yashcha kamairna tripyati
152.13
यो न देवैर्न गन्धर्वैर्नासुरैर्न महोरगैः
ज्ञायते नृप तत्त्वेन सर्वैर्भूतगणैस्तथा
स लोभः सह मोहेन विजेतव्यो जितात्मना
Yo na devairna gandharvairnasurairna mahoragaih
Gyayate nripa tattvena sarvairbhutaganaistatha
Sa lobhah saha mohena vijetavyo jitatmana
152.14
दम्भो द्रोहश्च निन्दा च पैशुन्यं मत्सरस्तथा
भवन्त्येतानि कौरव्य लुब्धानामकृतात्मनाम्
Dambho drohashcha ninda cha paishunyam matsarastatha
Bhavantyetani kauravya lubdhanamakritatmanam
152.15
सुमहान्त्यपि शास्त्राणि धारयन्ति बहुश्रुताः
छेत्तारः संशयानां च क्लिश्यन्तीहाल्पबुद्धयः
Sumahantyapi shastrani dharayanti bahushrutah
Chhettarah sanshayanam cha klishyantihalpabuddhayah
152.16
द्वेषक्रोधप्रसक्ताश्च शिष्टाचारबहिष्कृताः
अन्तःक्षुरा वाङ्मधुराः कूपाश्छन्नास्तृणैरिव
धर्मवैतंसिकाः क्षुद्रा मुष्णन्ति ध्वजिनो जगत्
Dveshakrodhaprasaktashcha shishtacharabahishkritah
Antahkshura vanmadhurah kupashchhannastrinairiva
Dharmavaitansikah kshudra mushnanti dhvajino jagat
152.17
कुर्वते च बहून्मार्गांस्तांस्तान्हेतुबलाश्रिताः
सर्वं मार्गं विलुम्पन्ति लोभाज्ञानेषु निष्ठिताः
Kurvate cha bahunmarganstanstanhetubalashritah
Sarvam margam vilumpanti lobhagyaneshu nishthitah
152.18
धर्मस्याह्रियमाणस्य लोभग्रस्तैर्दुरात्मभिः
या या विक्रियते संस्था ततः साभिप्रपद्यते
Dharmasyahriyamanasya lobhagrastairduratmabhih
Ya ya vikriyate sanstha tatah sabhiprapadyate
152.19
दर्पः क्रोधो मदः स्वप्नो हर्षः शोकोऽतिमानिता
तत एव हि कौरव्य दृश्यन्ते लुब्धबुद्धिषु
एतानशिष्टान्बुध्यस्व नित्यं लोभसमन्वितान्
Darpah krodho madah svapno harshah shokotimanita
Tata eva hi kauravya drishyante lubdhabuddhishu
Etanashishtanbudhyasva nityam lobhasamanvitan
152.20
शिष्टांस्तु परिपृच्छेथा यान्वक्ष्यामि शुचिव्रतान्
येषु वृत्तिभयं नास्ति परलोकभयं न च
Shishtanstu pariprichchhetha yanvakshyami shuchivratan
Yeshu vrittibhayam nasti paralokabhayam na cha
152.21
नामिषेषु प्रसङ्गोऽस्ति न प्रियेष्वप्रियेषु च
शिष्टाचारः प्रियो येषु दमो येषु प्रतिष्ठितः
Namisheshu prasangosti na priyeshvapriyeshu cha
Shishtacharah priyo yeshu damo yeshu pratishthitah
152.22
सुखं दुःखं परं येषां सत्यं येषां परायणम्
दातारो न गृहीतारो दयावन्तस्तथैव च
Sukham duhkham param yesham satyam yesham parayanam
Dataro na grihitaro dayavantastathaiva cha
152.23
पितृदेवातिथेयाश्च नित्योद्युक्तास्तथैव च
सर्वोपकारिणो धीराः सर्वधर्मानुपालकाः
Pitridevatitheyashcha nityodyuktastathaiva cha
Sarvopakarino dhirah sarvadharmanupalakah
152.24
सर्वभूतहिताश्चैव सर्वदेयाश्च भारत
न ते चालयितुं शक्या धर्मव्यापारपारगाः
Sarvabhutahitashchaiva sarvadeyashcha bharata
Na te chalayitum shakya dharmavyaparaparagah
152.25
न तेषां भिद्यते वृत्तं यत्पुरा साधुभिः कृतम्
न त्रासिनो न चपला न रौद्राः सत्पथे स्थिताः
Na tesham bhidyate vrittam yatpura sadhubhih kritam
Na trasino na chapala na raudrah satpathe sthitah
152.26
ते सेव्याः साधुभिर्नित्यं येष्वहिंसा प्रतिष्ठिता
कामक्रोधव्यपेता ये निर्ममा निरहंकृताः
सुव्रताः स्थिरमर्यादास्तानुपास्स्व च पृच्छ च
Te sevyah sadhubhirnityam yeshvahinsa pratishthita
Kamakrodhavyapeta ye nirmama nirahankritah
Suvratah sthiramaryadastanupassva cha prichchha cha
152.27
न गवार्थं यशोर्थं वा धर्मस्तेषां युधिष्ठिर
अवश्यकार्य इत्येव शरीरस्य क्रियास्तथा
Na gavartham yashortham va dharmastesham yudhishthira
Avashyakarya ityeva sharirasya kriyastatha
152.28
न भयं क्रोधचापल्यं न शोकस्तेषु विद्यते
न धर्मध्वजिनश्चैव न गुह्यं किंचिदास्थिताः
Na bhayam krodhachapalyam na shokasteshu vidyate
Na dharmadhvajinashchaiva na guhyam kinchidasthitah
152.29
येष्वलोभस्तथामोहो ये च सत्यार्जवे रताः
तेषु कौन्तेय रज्येथा येष्वतन्द्रीकृतं मनः
Yeshvalobhastathamoho ye cha satyarjave ratah
Teshu kaunteya rajyetha yeshvatandrikritam manah
152.30
ये न हृष्यन्ति लाभेषु नालाभेषु व्यथन्ति च
निर्ममा निरहंकाराः सत्त्वस्थाः समदर्शिनः
Ye na hrishyanti labheshu nalabheshu vyathanti cha
Nirmama nirahankarah sattvasthah samadarshinah
152.31
लाभालाभौ सुखदुःखे च तात; प्रियाप्रिये मरणं जीवितं च
समानि येषां स्थिरविक्रमाणां; बुद्धात्मनां सत्त्वमवस्थितानाम्
Labhalabhau sukhaduhkhe cha tata; priyapriye maranam jivitam cha
Samani yesham sthiravikramanam; buddhatmanam sattvamavasthitanam
152.32
सुखप्रियैस्तान्सुमहाप्रतापा;न्यत्तोऽप्रमत्तश्च समर्थयेथाः
दैवात्सर्वे गुणवन्तो भवन्ति; शुभाशुभा वाक्प्रलापा यथैव
Sukhapriyaistansumahapratapa;nyattopramattashcha samarthayethah
Daivatsarve gunavanto bhavanti; shubhashubha vakpralapa yathaiva