UtshovChapter 143
143.1
भीष्म उवाच
ततस्तं लुब्धकः पश्यन्कृपयाभिपरिप्लुतः
कपोतमग्नौ पतितं वाक्यं पुनरुवाच ह
Bhishma uvacha
Tatastam lubdhakah pashyankripayabhipariplutah
Kapotamagnau patitam vakyam punaruvacha ha
143.2
किमीदृशं नृशंसेन मया कृतमबुद्धिना
भविष्यति हि मे नित्यं पातकं हृदि जीवतः
Kimidrisham nrishansena maya kritamabuddhina
Bhavishyati hi me nityam patakam hridi jivatah
143.3
स विनिन्दन्नथात्मानं पुनः पुनरुवाच ह
धिङ्मामस्तु सुदुर्बुद्धिं सदा निकृतिनिश्चयम्
शुभं कर्म परित्यज्य योऽहं शकुनिलुब्धकः
Sa vinindannathatmanam punah punaruvacha ha
Dhinmamastu sudurbuddhim sada nikritinishchayam
Shubham karma parityajya yoham shakunilubdhakah
143.4
नृशंसस्य ममाद्यायं प्रत्यादेशो न संशयः
दत्तः स्वमांसं ददता कपोतेन महात्मना
Nrishansasya mamadyayam pratyadesho na sanshayah
Dattah svamansam dadata kapotena mahatmana
143.5
सोऽहं त्यक्ष्ये प्रियान्प्राणान्पुत्रदारं विसृज्य च
उपदिष्टो हि मे धर्मः कपोतेनातिधर्मिणा
Soham tyakshye priyanprananputradaram visrijya cha
Upadishto hi me dharmah kapotenatidharmina
143.6
अद्य प्रभृति देहं स्वं सर्वभोगैर्विवर्जितम्
यथा स्वल्पं जलं ग्रीष्मे शोषयिष्याम्यहं तथा
Adya prabhriti deham svam sarvabhogairvivarjitam
Yatha svalpam jalam grishme shoshayishyamyaham tatha
143.7
क्षुत्पिपासातपसहः कृशो धमनिसंततः
उपवासैर्बहुविधैश्चरिष्ये पारलौकिकम्
Kshutpipasatapasahah krisho dhamanisantatah
Upavasairbahuvidhaishcharishye paralaukikam
143.8
अहो देहप्रदानेन दर्शितातिथिपूजना
तस्माद्धर्मं चरिष्यामि धर्मो हि परमा गतिः
दृष्टो हि धर्मो धर्मिष्ठैर्यादृशो विहगोत्तमे
Aho dehapradanena darshitatithipujana
Tasmaddharmam charishyami dharmo hi parama gatih
Drishto hi dharmo dharmishthairyadrisho vihagottame
143.9
एवमुक्त्वा विनिश्चित्य रौद्रकर्मा स लुब्धकः
महाप्रस्थानमाश्रित्य प्रययौ संशितव्रतः
Evamuktva vinishchitya raudrakarma sa lubdhakah
Mahaprasthanamashritya prayayau sanshitavratah
143.10
ततो यष्टिं शलाकाश्च क्षारकं पञ्जरं तथा
तांश्च बद्धा कपोतान्स संप्रमुच्योत्ससर्ज ह
Tato yashtim shalakashcha ksharakam panjaram tatha
Tanshcha baddha kapotansa sampramuchyotsasarja ha