UtshovChapter 140
140.1
युधिष्ठिर उवाच
यदिदं घोरमुद्दिष्टमश्रद्धेयमिवानृतम्
अस्ति स्विद्दस्युमर्यादा यामहं परिवर्जये
Yudhishthira uvacha
Yadidam ghoramuddishtamashraddheyamivanritam
Asti sviddasyumaryada yamaham parivarjaye
140.2
संमुह्यामि विषीदामि धर्मो मे शिथिलीकृतः
उद्यमं नाधिगच्छामि कुतश्चित्परिचिन्तयन्
Sammuhyami vishidami dharmo me shithilikritah
Udyamam nadhigachchhami kutashchitparichintayan
140.3
भीष्म उवाच
नैतच्छुद्धागमादेव तव धर्मानुशासनम्
प्रज्ञासमवतारोऽयं कविभिः संभृतं मधु
Bhishma uvacha
Naitachchhuddhagamadeva tava dharmanushasanam
Pragyasamavataroyam kavibhih sambhritam madhu
140.4
बह्व्यः प्रतिविधातव्याः प्रज्ञा राज्ञा ततस्ततः
नैकशाखेन धर्मेण यात्रैषा संप्रवर्तते
Bahvyah pratividhatavyah pragya ragya tatastatah
Naikashakhena dharmena yatraisha sampravartate
140.5
बुद्धिसंजननं राज्ञां धर्ममाचरतां सदा
जयो भवति कौरव्य तदा तद्विद्धि मे वचः
Buddhisanjananam ragyam dharmamacharatam sada
Jayo bhavati kauravya tada tadviddhi me vachah
140.6
बुद्धिश्रेष्ठा हि राजानो जयन्ति विजयैषिणः
धर्मः प्रतिविधातव्यो बुद्ध्या राज्ञा ततस्ततः
Buddhishreshtha hi rajano jayanti vijayaishinah
Dharmah pratividhatavyo buddhya ragya tatastatah
140.7
नैकशाखेन धर्मेण राज्ञां धर्मो विधीयते
दुर्बलस्य कुतः प्रज्ञा पुरस्तादनुदाहृता
Naikashakhena dharmena ragyam dharmo vidhiyate
Durbalasya kutah pragya purastadanudahrita
140.8
अद्वैधज्ञः पथि द्वैधे संशयं प्राप्तुमर्हति
बुद्धिद्वैधं वेदितव्यं पुरस्तादेव भारत
Advaidhagyah pathi dvaidhe sanshayam praptumarhati
Buddhidvaidham veditavyam purastadeva bharata
140.9
पार्श्वतःकरणं प्रज्ञा विषूची त्वापगा इव
जनस्तूच्चारितं धर्मं विजानात्यन्यथान्यथा
Parshvatahkaranam pragya vishuchi tvapaga iva
Janastuchcharitam dharmam vijanatyanyathanyatha
140.10
सम्यग्विज्ञानिनः केचिन्मिथ्याविज्ञानिनोऽपरे
तद्वै यथातथं बुद्ध्वा ज्ञानमाददते सताम्
Samyagvigyaninah kechinmithyavigyaninopare
Tadvai yathatatham buddhva gyanamadadate satam
140.11
परिमुष्णन्ति शास्त्राणि धर्मस्य परिपन्थिनः
वैषम्यमर्थविद्यानां नैरर्थ्यात्ख्यापयन्ति ते
Parimushnanti shastrani dharmasya paripanthinah
Vaishamyamarthavidyanam nairarthyatkhyapayanti te
140.12
आजिजीविषवो विद्यां यशस्कामाः समन्ततः
ते सर्वे नरपापिष्ठा धर्मस्य परिपन्थिनः
Ajijivishavo vidyam yashaskamah samantatah
Te sarve narapapishtha dharmasya paripanthinah
140.13
अपक्वमतयो मन्दा न जानन्ति यथातथम्
सदा ह्यशास्त्रकुशलाः सर्वत्रापरिनिष्ठिताः
Apakvamatayo manda na jananti yathatatham
Sada hyashastrakushalah sarvatraparinishthitah
140.14
परिमुष्णन्ति शास्त्राणि शास्त्रदोषानुदर्शिनः
विज्ञानमथ विद्यानां न सम्यगिति वर्तते
Parimushnanti shastrani shastradoshanudarshinah
Vigyanamatha vidyanam na samyagiti vartate
140.15
निन्दया परविद्यानां स्वां विद्यां ख्यापयन्ति ये
वागस्त्रा वाक्छुरीमत्त्वा दुग्धविद्याफला इव
तान्विद्यावणिजो विद्धि राक्षसानिव भारत
Nindaya paravidyanam svam vidyam khyapayanti ye
Vagastra vakchhurimattva dugdhavidyaphala iva
Tanvidyavanijo viddhi rakshasaniva bharata
140.16
व्याजेन कृत्स्नो विदितो धर्मस्ते परिहास्यते
न धर्मवचनं वाचा न बुद्ध्या चेति नः श्रुतम्
Vyajena kritsno vidito dharmaste parihasyate
Na dharmavachanam vacha na buddhya cheti nah shrutam
140.17
इति बार्हस्पतं ज्ञानं प्रोवाच मघवा स्वयम्
न त्वेव वचनं किंचिदनिमित्तादिहोच्यते
Iti barhaspatam gyanam provacha maghava svayam
Na tveva vachanam kinchidanimittadihochyate
140.18
स्वविनीतेन शास्त्रेण व्यवस्यन्ति तथापरे
लोकयात्रामिहैके तु धर्ममाहुर्मनीषिणः
Svavinitena shastrena vyavasyanti tathapare
Lokayatramihaike tu dharmamahurmanishinah
140.19
समुद्दिष्टं सतां धर्मं स्वयमूहेन्न पण्डितः
अमर्षाच्छास्त्रसंमोहादविज्ञानाच्च भारत
Samuddishtam satam dharmam svayamuhenna panditah
Amarshachchhastrasammohadavigyanachcha bharata
140.20
शास्त्रं प्राज्ञस्य वदतः समूहे यात्यदर्शनम्
आगतागमया बुद्ध्या वचनेन प्रशस्यते
Shastram pragyasya vadatah samuhe yatyadarshanam
Agatagamaya buddhya vachanena prashasyate
140.21
अज्ञानाज्ज्ञानहेतुत्वाद्वचनं साधु मन्यते
अनपाहतमेवेदं नेदं शास्त्रमपार्थकम्
Agyanajgyanahetutvadvachanam sadhu manyate
Anapahatamevedam nedam shastramaparthakam
140.22
दैतेयानुशनाः प्राह संशयच्छेदने पुरा
ज्ञानमव्यपदेश्यं हि यथा नास्ति तथैव तत्
Daiteyanushanah praha sanshayachchhedane pura
Gyanamavyapadeshyam hi yatha nasti tathaiva tat
140.23
तेन त्वं छिन्नमूलेन कं तोषयितुमर्हसि
अतथ्यविहितं यो वा नेदं वाक्यमुपाश्नुयात्
Tena tvam chhinnamulena kam toshayitumarhasi
Atathyavihitam yo va nedam vakyamupashnuyat
140.24
उग्रायैव हि सृष्टोऽसि कर्मणे न त्ववेक्षसे
अङ्गेमामन्ववेक्षस्व राजनीतिं बुभूषितुम्
यया प्रमुच्यते त्वन्यो यदर्थं च प्रमोदते
Ugrayaiva hi srishtosi karmane na tvavekshase
Angemamanvavekshasva rajanitim bubhushitum
Yaya pramuchyate tvanyo yadartham cha pramodate
140.25
अजोऽश्वः क्षत्रमित्येतत्सदृशं ब्रह्मणा कृतम्
तस्मान्नतीक्ष्णभूतानां यात्रा काचित्प्रसिध्यति
Ajoshvah kshatramityetatsadrisham brahmana kritam
Tasmannatikshnabhutanam yatra kachitprasidhyati
140.26
यस्त्ववध्यवधे दोषः स वध्यस्यावधे स्मृतः
एषैव खलु मर्यादा यामयं परिवर्जयेत्
Yastvavadhyavadhe doshah sa vadhyasyavadhe smritah
Eshaiva khalu maryada yamayam parivarjayet
140.27
तस्मात्तीक्ष्णः प्रजा राजा स्वधर्मे स्थापयेदुत
अन्योन्यं भक्षयन्तो हि प्रचरेयुर्वृका इव
Tasmattikshnah praja raja svadharme sthapayeduta
Anyonyam bhakshayanto hi prachareyurvrika iva
140.28
यस्य दस्युगणा राष्ट्रे ध्वाङ्क्षा मत्स्याञ्जलादिव
विहरन्ति परस्वानि स वै क्षत्रियपांसनः
Yasya dasyugana rashtre dhvanksha matsyanjaladiva
Viharanti parasvani sa vai kshatriyapansanah
140.29
कुलीनान्सचिवान्कृत्वा वेदविद्यासमन्वितान्
प्रशाधि पृथिवीं राजन्प्रजा धर्मेण पालयन्
Kulinansachivankritva vedavidyasamanvitan
Prashadhi prithivim rajanpraja dharmena palayan
140.30
विहीनजमकर्माणं यः प्रगृह्णाति भूमिपः
उभयस्याविशेषज्ञस्तद्वै क्षत्रं नपुंसकम्
Vihinajamakarmanam yah pragrihnati bhumipah
Ubhayasyavisheshagyastadvai kshatram napunsakam
140.31
नैवोग्रं नैव चानुग्रं धर्मेणेह प्रशस्यते
उभयं न व्यतिक्रामेदुग्रो भूत्वा मृदुर्भव
Naivogram naiva chanugram dharmeneha prashasyate
Ubhayam na vyatikramedugro bhutva mridurbhava
140.32
कष्टः क्षत्रियधर्मोऽयं सौहृदं त्वयि यत्स्थितम्
उग्रे कर्मणि सृष्टोऽसि तस्माद्राज्यं प्रशाधि वै
Kashtah kshatriyadharmoyam sauhridam tvayi yatsthitam
Ugre karmani srishtosi tasmadrajyam prashadhi vai
140.33
अशिष्टनिग्रहो नित्यं शिष्टस्य परिपालनम्
इति शक्रोऽब्रवीद्धीमानापत्सु भरतर्षभ
Ashishtanigraho nityam shishtasya paripalanam
Iti shakrobraviddhimanapatsu bharatarshabha
140.34
युधिष्ठिर उवाच
अस्ति स्विद्दस्युमर्यादा यामन्यो नातिलङ्घयेत्
पृच्छामि त्वां सतां श्रेष्ठ तन्मे ब्रूहि पितामह
Yudhishthira uvacha
Asti sviddasyumaryada yamanyo natilanghayet
Prichchhami tvam satam shreshtha tanme bruhi pitamaha
140.35
भीष्म उवाच
ब्राह्मणानेव सेवेत विद्यावृद्धांस्तपस्विनः
श्रुतचारित्रवृत्ताढ्यान्पवित्रं ह्येतदुत्तमम्
Bhishma uvacha
Brahmananeva seveta vidyavriddhanstapasvinah
Shrutacharitravrittadhyanpavitram hyetaduttamam
140.36
या देवतासु वृत्तिस्ते सास्तु विप्रेषु सर्वदा
क्रुद्धैर्हि विप्रैः कर्माणि कृतानि बहुधा नृप
Ya devatasu vrittiste sastu vipreshu sarvada
Kruddhairhi vipraih karmani kritani bahudha nripa
140.37
तेषां प्रीत्या यशो मुख्यमप्रीत्या तु विपर्ययः
प्रीत्या ह्यमृतवद्विप्राः क्रुद्धाश्चैव यथा विषम्
Tesham pritya yasho mukhyamapritya tu viparyayah
Pritya hyamritavadviprah kruddhashchaiva yatha visham