UtshovChapter 132
132.1
भीष्म उवाच
अत्र कर्मान्तवचनं कीर्तयन्ति पुराविदः
प्रत्यक्षावेव धर्मार्थौ क्षत्रियस्य विजानतः
तत्र न व्यवधातव्यं परोक्षा धर्मयापना
Bhishma uvacha
Atra karmantavachanam kirtayanti puravidah
Pratyakshaveva dharmarthau kshatriyasya vijanatah
Tatra na vyavadhatavyam paroksha dharmayapana
132.2
अधर्मो धर्म इत्येतद्यथा वृकपदं तथा
धर्माधर्मफले जातु न ददर्शेह कश्चन
Adharmo dharma ityetadyatha vrikapadam tatha
Dharmadharmaphale jatu na dadarsheha kashchana
132.3
बुभूषेद्बलवानेव सर्वं बलवतो वशे
श्रियं बलममात्यांश्च बलवानिह विन्दति
Bubhushedbalavaneva sarvam balavato vashe
Shriyam balamamatyanshcha balavaniha vindati
132.4
यो ह्यनाढ्यः स पतितस्तदुच्छिष्टं यदल्पकम्
बह्वपथ्यं बलवति न किंचित्त्रायते भयात्
Yo hyanadhyah sa patitastaduchchhishtam yadalpakam
Bahvapathyam balavati na kinchittrayate bhayat
132.5
उभौ सत्याधिकारौ तौ त्रायेते महतो भयात्
अति धर्माद्बलं मन्ये बलाद्धर्मः प्रवर्तते
Ubhau satyadhikarau tau trayete mahato bhayat
Ati dharmadbalam manye baladdharmah pravartate
132.6
बले प्रतिष्ठितो धर्मो धरण्यामिव जङ्गमः
धूमो वायोरिव वशं बलं धर्मोऽनुवर्तते
Bale pratishthito dharmo dharanyamiva jangamah
Dhumo vayoriva vasham balam dharmonuvartate
132.7
अनीश्वरे बलं धर्मो द्रुमं वल्लीव संश्रिता
वश्यो बलवतां धर्मः सुखं भोगवतामिव
नास्त्यसाध्यं बलवतां सर्वं बलवतां शुचि
Anishvare balam dharmo drumam valliva sanshrita
Vashyo balavatam dharmah sukham bhogavatamiva
Nastyasadhyam balavatam sarvam balavatam shuchi
132.8
दुराचारः क्षीणबलः परिमाणं नियच्छति
अथ तस्मादुद्विजते सर्वो लोको वृकादिव
Duracharah kshinabalah parimanam niyachchhati
Atha tasmadudvijate sarvo loko vrikadiva
132.9
अपध्वस्तो ह्यवमतो दुःखं जीवति जीवितम्
जीवितं यदवक्षिप्तं यथैव मरणं तथा
Apadhvasto hyavamato duhkham jivati jivitam
Jivitam yadavakshiptam yathaiva maranam tatha
132.10
यदेनमाहुः पापेन चारित्रेण विनिक्षतम्
स भृशं तप्यतेऽनेन वाक्शल्येन परिक्षतः
Yadenamahuh papena charitrena vinikshatam
Sa bhrisham tapyatenena vakshalyena parikshatah
132.11
अत्रैतदाहुराचार्याः पापस्य परिमोक्षणे
त्रयीं विद्यां निषेवेत तथोपासीत स द्विजान्
Atraitadahuracharyah papasya parimokshane
Trayim vidyam nisheveta tathopasita sa dvijan
132.12
प्रसादयेन्मधुरया वाचाप्यथ च कर्मणा
महामनाश्चैव भवेद्विवहेच्च महाकुले
Prasadayenmadhuraya vachapyatha cha karmana
Mahamanashchaiva bhavedvivahechcha mahakule
132.13
इत्यस्मीति वदेदेवं परेषां कीर्तयन्गुणान्
जपेदुदकशीलः स्यात्पेशलो नातिजल्पनः
Ityasmiti vadedevam paresham kirtayangunan
Japedudakashilah syatpeshalo natijalpanah
132.14
ब्रह्मक्षत्रं संप्रविशेद्बहु कृत्वा सुदुष्करम्
उच्यमानोऽपि लोकेन बहु तत्तदचिन्तयन्
Brahmakshatram sampravishedbahu kritva sudushkaram
Uchyamanopi lokena bahu tattadachintayan
132.15
अपापो ह्येवमाचारः क्षिप्रं बहुमतो भवेत्
सुखं वित्तं च भुञ्जीत वृत्तेनैतेन गोपयेत्
लोके च लभते पूजां परत्र च महत्फलम्
Apapo hyevamacharah kshipram bahumato bhavet
Sukham vittam cha bhunjita vrittenaitena gopayet
Loke cha labhate pujam paratra cha mahatphalam