UtshovChapter 71
71.1
जनमेजय उवाच
ययातिः पूर्वकोऽस्माकं दशमो यः प्रजापतेः
कथं स शुक्रतनयां लेभे परमदुर्लभाम्
Janamejaya uvacha
Yayatih purvakosmakam dashamo yah prajapateh
Katham sa shukratanayam lebhe paramadurlabham
71.2
एतदिच्छाम्यहं श्रोतुं विस्तरेण द्विजोत्तम
आनुपूर्व्या च मे शंस पूरोर्वंशकरान्पृथक्
Etadichchhamyaham shrotum vistarena dvijottama
Anupurvya cha me shansa purorvanshakaranprithak
71.3
वैशंपायन उवाच
ययातिरासीद्राजर्षिर्देवराजसमद्युतिः
तं शुक्रवृषपर्वाणौ वव्राते वै यथा पुरा
Vaishampayana uvacha
Yayatirasidrajarshirdevarajasamadyutih
Tam shukravrishaparvanau vavrate vai yatha pura
71.4
तत्तेऽहं संप्रवक्ष्यामि पृच्छतो जनमेजय
देवयान्याश्च संयोगं ययातेर्नाहुषस्य च
Tatteham sampravakshyami prichchhato janamejaya
Devayanyashcha sanyogam yayaternahushasya cha
71.5
सुराणामसुराणां च समजायत वै मिथः
ऐश्वर्यं प्रति संघर्षस्त्रैलोक्ये सचराचरे
Suranamasuranam cha samajayata vai mithah
Aishvaryam prati sangharshastrailokye sacharachare
71.6
जिगीषया ततो देवा वव्रिरेऽऽङ्गिरसं मुनिम्
पौरोहित्येन याज्यार्थे काव्यं तूशनसं परे
ब्राह्मणौ तावुभौ नित्यमन्योन्यस्पर्धिनौ भृशम्
Jigishaya tato deva vavrirengirasam munim
Paurohityena yajyarthe kavyam tushanasam pare
Brahmanau tavubhau nityamanyonyaspardhinau bhrisham
71.7
तत्र देवा निजघ्नुर्यान्दानवान्युधि संगतान्
तान्पुनर्जीवयामास काव्यो विद्याबलाश्रयात्
ततस्ते पुनरुत्थाय योधयां चक्रिरे सुरान्
Tatra deva nijaghnuryandanavanyudhi sangatan
Tanpunarjivayamasa kavyo vidyabalashrayat
Tataste punarutthaya yodhayam chakrire suran
71.8
असुरास्तु निजघ्नुर्यान्सुरान्समरमूर्धनि
न तान्संजीवयामास बृहस्पतिरुदारधीः
Asurastu nijaghnuryansuransamaramurdhani
Na tansanjivayamasa brihaspatirudaradhih
71.9
न हि वेद स तां विद्यां यां काव्यो वेद वीर्यवान्
संजीवनीं ततो देवा विषादमगमन्परम्
Na hi veda sa tam vidyam yam kavyo veda viryavan
Sanjivanim tato deva vishadamagamanparam
71.10
ते तु देवा भयोद्विग्नाः काव्यादुशनसस्तदा
ऊचुः कचमुपागम्य ज्येष्ठं पुत्रं बृहस्पतेः
Te tu deva bhayodvignah kavyadushanasastada
Uchuh kachamupagamya jyeshtham putram brihaspateh
71.11
भजमानान्भजस्वास्मान्कुरु नः साह्यमुत्तमम्
यासौ विद्या निवसति ब्राह्मणेऽमिततेजसि
शुक्रे तामाहर क्षिप्रं भागभाङ्नो भविष्यसि
Bhajamananbhajasvasmankuru nah sahyamuttamam
Yasau vidya nivasati brahmanemitatejasi
Shukre tamahara kshipram bhagabhanno bhavishyasi
71.12
वृषपर्वसमीपे स शक्यो द्रष्टुं त्वया द्विजः
रक्षते दानवांस्तत्र न स रक्षत्यदानवान्
Vrishaparvasamipe sa shakyo drashtum tvaya dvijah
Rakshate danavanstatra na sa rakshatyadanavan
71.13
तमाराधयितुं शक्तो भवान्पूर्ववयाः कविम्
देवयानीं च दयितां सुतां तस्य महात्मनः
Tamaradhayitum shakto bhavanpurvavayah kavim
Devayanim cha dayitam sutam tasya mahatmanah
71.14
त्वमाराधयितुं शक्तो नान्यः कश्चन विद्यते
शीलदाक्षिण्यमाधुर्यैराचारेण दमेन च
देवयान्यां हि तुष्टायां विद्यां तां प्राप्स्यसि ध्रुवम्
Tvamaradhayitum shakto nanyah kashchana vidyate
Shiladakshinyamadhuryairacharena damena cha
Devayanyam hi tushtayam vidyam tam prapsyasi dhruvam
71.15
तथेत्युक्त्वा ततः प्रायाद्बृहस्पतिसुतः कचः
तदाभिपूजितो देवैः समीपं वृषपर्वणः
Tathetyuktva tatah prayadbrihaspatisutah kachah
Tadabhipujito devaih samipam vrishaparvanah
71.16
स गत्वा त्वरितो राजन्देवैः संप्रेषितः कचः
असुरेन्द्रपुरे शुक्रं दृष्ट्वा वाक्यमुवाच ह
Sa gatva tvarito rajandevaih sampreshitah kachah
Asurendrapure shukram drishtva vakyamuvacha ha
71.17
ऋषेरङ्गिरसः पौत्रं पुत्रं साक्षाद्बृहस्पतेः
नाम्ना कच इति ख्यातं शिष्यं गृह्णातु मां भवान्
Risherangirasah pautram putram sakshadbrihaspateh
Namna kacha iti khyatam shishyam grihnatu mam bhavan
71.18
ब्रह्मचर्यं चरिष्यामि त्वय्यहं परमं गुरौ
अनुमन्यस्व मां ब्रह्मन्सहस्रं परिवत्सरान्
Brahmacharyam charishyami tvayyaham paramam gurau
Anumanyasva mam brahmansahasram parivatsaran
71.19
शुक्र उवाच
कच सुस्वागतं तेऽस्तु प्रतिगृह्णामि ते वचः
अर्चयिष्येऽहमर्च्यं त्वामर्चितोऽस्तु बृहस्पतिः
Shukra uvacha
Kacha susvagatam testu pratigrihnami te vachah
Archayishyehamarchyam tvamarchitostu brihaspatih
71.20
वैशंपायन उवाच
कचस्तु तं तथेत्युक्त्वा प्रतिजग्राह तद्व्रतम्
आदिष्टं कविपुत्रेण शुक्रेणोशनसा स्वयम्
Vaishampayana uvacha
Kachastu tam tathetyuktva pratijagraha tadvratam
Adishtam kaviputrena shukrenoshanasa svayam
71.21
व्रतस्य व्रतकालं स यथोक्तं प्रत्यगृह्णत
आराधयन्नुपाध्यायं देवयानीं च भारत
Vratasya vratakalam sa yathoktam pratyagrihnata
Aradhayannupadhyayam devayanim cha bharata
71.22
नित्यमाराधयिष्यंस्तां युवा यौवनगोऽऽमुखे
गायन्नृत्यन्वादयंश्च देवयानीमतोषयत्
Nityamaradhayishyanstam yuva yauvanagomukhe
Gayannrityanvadayanshcha devayanimatoshayat
71.23
संशीलयन्देवयानीं कन्यां संप्राप्तयौवनाम्
पुष्पैः फलैः प्रेषणैश्च तोषयामास भारत
Sanshilayandevayanim kanyam sampraptayauvanam
Pushpaih phalaih preshanaishcha toshayamasa bharata
71.24
देवयान्यपि तं विप्रं नियमव्रतचारिणम्
अनुगायमाना ललना रहः पर्यचरत्तदा
Devayanyapi tam vipram niyamavratacharinam
Anugayamana lalana rahah paryacharattada
71.25
पञ्च वर्षशतान्येवं कचस्य चरतो व्रतम्
तत्रातीयुरथो बुद्ध्वा दानवास्तं ततः कचम्
Pancha varshashatanyevam kachasya charato vratam
Tatratiyuratho buddhva danavastam tatah kacham
71.26
गा रक्षन्तं वने दृष्ट्वा रहस्येकममर्षिताः
जघ्नुर्बृहस्पतेर्द्वेषाद्विद्यारक्षार्थमेव च
हत्वा शालावृकेभ्यश्च प्रायच्छंस्तिलशः कृतम्
Ga rakshantam vane drishtva rahasyekamamarshitah
Jaghnurbrihaspaterdveshadvidyaraksharthameva cha
Hatva shalavrikebhyashcha prayachchhanstilashah kritam
71.27
ततो गावो निवृत्तास्ता अगोपाः स्वं निवेशनम्
ता दृष्ट्वा रहिता गास्तु कचेनाभ्यागता वनात्
उवाच वचनं काले देवयान्यथ भारत
Tato gavo nivrittasta agopah svam niveshanam
Ta drishtva rahita gastu kachenabhyagata vanat
Uvacha vachanam kale devayanyatha bharata
71.28
अहुतं चाग्निहोत्रं ते सूर्यश्चास्तं गतः प्रभो
अगोपाश्चागता गावः कचस्तात न दृश्यते
Ahutam chagnihotram te suryashchastam gatah prabho
Agopashchagata gavah kachastata na drishyate
71.29
व्यक्तं हतो मृतो वापि कचस्तात भविष्यति
तं विना न च जीवेयं कचं सत्यं ब्रवीमि ते
Vyaktam hato mrito vapi kachastata bhavishyati
Tam vina na cha jiveyam kacham satyam bravimi te
71.30
शुक्र उवाच
अयमेहीति शब्देन मृतं संजीवयाम्यहम्
Shukra uvacha
Ayamehiti shabdena mritam sanjivayamyaham
71.31
वैशंपायन उवाच
ततः संजीवनीं विद्यां प्रयुज्य कचमाह्वयत्
आहूतः प्रादुरभवत्कचोऽरिष्टोऽथ विद्यया
हतोऽहमिति चाचख्यौ पृष्टो ब्राह्मणकन्यया
Vaishampayana uvacha
Tatah sanjivanim vidyam prayujya kachamahvayat
Ahutah pradurabhavatkachorishtotha vidyaya
Hatohamiti chachakhyau prishto brahmanakanyaya
71.32
स पुनर्देवयान्योक्तः पुष्पाहारो यदृच्छया
वनं ययौ ततो विप्रो ददृशुर्दानवाश्च तम्
Sa punardevayanyoktah pushpaharo yadrichchhaya
Vanam yayau tato vipro dadrishurdanavashcha tam
71.33
ततो द्वितीयं हत्वा तं दग्ध्वा कृत्वा च चूर्णशः
प्रायच्छन्ब्राह्मणायैव सुरायामसुरास्तदा
Tato dvitiyam hatva tam dagdhva kritva cha churnashah
Prayachchhanbrahmanayaiva surayamasurastada
71.34
देवयान्यथ भूयोऽपि वाक्यं पितरमब्रवीत्
पुष्पाहारः प्रेषणकृत्कचस्तात न दृश्यते
Devayanyatha bhuyopi vakyam pitaramabravit
Pushpaharah preshanakritkachastata na drishyate
71.35
शुक्र उवाच
बृहस्पतेः सुतः पुत्रि कचः प्रेतगतिं गतः
विद्यया जीवितोऽप्येवं हन्यते करवाणि किम्
Shukra uvacha
Brihaspateh sutah putri kachah pretagatim gatah
Vidyaya jivitopyevam hanyate karavani kim
71.36
मैवं शुचो मा रुद देवयानि; न त्वादृशी मर्त्यमनुप्रशोचेत्
सुराश्च विश्वे च जगच्च सर्व;मुपस्थितां वैकृतिमानमन्ति
Maivam shucho ma ruda devayani; na tvadrishi martyamanuprashochet
Surashcha vishve cha jagachcha sarva;mupasthitam vaikritimanamanti
71.37
देवयान्युवाच
यस्याङ्गिरा वृद्धतमः पितामहो; बृहस्पतिश्चापि पिता तपोधनः
ऋषेः पुत्रं तमथो वापि पौत्रं; कथं न शोचेयमहं न रुद्याम्
Devayanyuvacha
Yasyangira vriddhatamah pitamaho; brihaspatishchapi pita tapodhanah
Risheh putram tamatho vapi pautram; katham na shocheyamaham na rudyam
71.38
स ब्रह्मचारी च तपोधनश्च; सदोत्थितः कर्मसु चैव दक्षः
कचस्य मार्गं प्रतिपत्स्ये न भोक्ष्ये; प्रियो हि मे तात कचोऽभिरूपः
Sa brahmachari cha tapodhanashcha; sadotthitah karmasu chaiva dakshah
Kachasya margam pratipatsye na bhokshye; priyo hi me tata kachobhirupah
71.39
शुक्र उवाच
असंशयं मामसुरा द्विषन्ति; ये मे शिष्यं नागसं सूदयन्ति
अब्राह्मणं कर्तुमिच्छन्ति रौद्रा;स्ते मां यथा प्रस्तुतं दानवैर्हि
अप्यस्य पापस्य भवेदिहान्तः; कं ब्रह्महत्या न दहेदपीन्द्रम्
Shukra uvacha
Asanshayam mamasura dvishanti; ye me shishyam nagasam sudayanti
Abrahmanam kartumichchhanti raudra;ste mam yatha prastutam danavairhi
Apyasya papasya bhavedihantah; kam brahmahatya na dahedapindram
71.40
वैशंपायन उवाच
संचोदितो देवयान्या महर्षिः पुनराह्वयत्
संरम्भेणैव काव्यो हि बृहस्पतिसुतं कचम्
Vaishampayana uvacha
Sanchodito devayanya maharshih punarahvayat
Sanrambhenaiva kavyo hi brihaspatisutam kacham
71.41
गुरोर्भीतो विद्यया चोपहूतः; शनैर्वाचं जठरे व्याजहार
तमब्रवीत्केन पथोपनीतो; ममोदरे तिष्ठसि ब्रूहि विप्र
Gurorbhito vidyaya chopahutah; shanairvacham jathare vyajahara
Tamabravitkena pathopanito; mamodare tishthasi bruhi vipra
71.42
कच उवाच
भवत्प्रसादान्न जहाति मां स्मृतिः; स्मरे च सर्वं यच्च यथा च वृत्तम्
न त्वेवं स्यात्तपसो व्ययो मे; ततः क्लेशं घोरमिमं सहामि
Kacha uvacha
Bhavatprasadanna jahati mam smritih; smare cha sarvam yachcha yatha cha vrittam
Na tvevam syattapaso vyayo me; tatah klesham ghoramimam sahami
71.43
असुरैः सुरायां भवतोऽस्मि दत्तो; हत्वा दग्ध्वा चूर्णयित्वा च काव्य
ब्राह्मीं मायामासुरी चैव माया; त्वयि स्थिते कथमेवातिवर्तेत्
Asuraih surayam bhavatosmi datto; hatva dagdhva churnayitva cha kavya
Brahmim mayamasuri chaiva maya; tvayi sthite kathamevativartet
71.44
शुक्र उवाच
किं ते प्रियं करवाण्यद्य वत्से; वधेन मे जीवितं स्यात्कचस्य
नान्यत्र कुक्षेर्मम भेदनेन; दृश्येत्कचो मद्गतो देवयानि
Shukra uvacha
Kim te priyam karavanyadya vatse; vadhena me jivitam syatkachasya
Nanyatra kukshermama bhedanena; drishyetkacho madgato devayani
71.45
देवयान्युवाच
द्वौ मां शोकावग्निकल्पौ दहेतां; कचस्य नाशस्तव चैवोपघातः
कचस्य नाशे मम नास्ति शर्म; तवोपघाते जीवितुं नास्मि शक्ता
Devayanyuvacha
Dvau mam shokavagnikalpau dahetam; kachasya nashastava chaivopaghatah
Kachasya nashe mama nasti sharma; tavopaghate jivitum nasmi shakta
71.46
शुक्र उवाच
संसिद्धरूपोऽसि बृहस्पतेः सुत; यत्त्वां भक्तं भजते देवयानी
विद्यामिमां प्राप्नुहि जीवनीं त्वं; न चेदिन्द्रः कचरूपी त्वमद्य
Shukra uvacha
Sansiddharuposi brihaspateh suta; yattvam bhaktam bhajate devayani
Vidyamimam prapnuhi jivanim tvam; na chedindrah kacharupi tvamadya
71.47
न निवर्तेत्पुनर्जीवन्कश्चिदन्यो ममोदरात्
ब्राह्मणं वर्जयित्वैकं तस्माद्विद्यामवाप्नुहि
Na nivartetpunarjivankashchidanyo mamodarat
Brahmanam varjayitvaikam tasmadvidyamavapnuhi
71.48
पुत्रो भूत्वा भावय भावितो मा;मस्माद्देहादुपनिष्क्रम्य तात
समीक्षेथा धर्मवतीमवेक्षां; गुरोः सकाशात्प्राप्य विद्यां सविद्यः
Putro bhutva bhavaya bhavito ma;masmaddehadupanishkramya tata
Samikshetha dharmavatimaveksham; guroh sakashatprapya vidyam savidyah
71.49
वैशंपायन उवाच
गुरोः सकाशात्समवाप्य विद्यां; भित्त्वा कुक्षिं निर्विचक्राम विप्रः
कचोऽभिरूपो दक्षिणं ब्राह्मणस्य; शुक्लात्यये पौर्णमास्यामिवेन्दुः
Vaishampayana uvacha
Guroh sakashatsamavapya vidyam; bhittva kukshim nirvichakrama viprah
Kachobhirupo dakshinam brahmanasya; shuklatyaye paurnamasyamivenduh
71.50
दृष्ट्वा च तं पतितं ब्रह्मराशि;मुत्थापयामास मृतं कचोऽपि
विद्यां सिद्धां तामवाप्याभिवाद्य; ततः कचस्तं गुरुमित्युवाच
Drishtva cha tam patitam brahmarashi;mutthapayamasa mritam kachopi
Vidyam siddham tamavapyabhivadya; tatah kachastam gurumityuvacha
71.51
ऋतस्य दातारमनुत्तमस्य; निधिं निधीनां चतुरन्वयानाम्
ये नाद्रियन्ते गुरुमर्चनीयं; पापाँल्लोकांस्ते व्रजन्त्यप्रतिष्ठान्
Ritasya dataramanuttamasya; nidhim nidhinam chaturanvayanam
Ye nadriyante gurumarchaniyam; papanllokanste vrajantyapratishthan
71.52
वैशंपायन उवाच
सुरापानाद्वञ्चनां प्रापयित्वा; संज्ञानाशं चैव तथातिघोरम्
दृष्ट्वा कचं चापि तथाभिरूपं; पीतं तदा सुरया मोहितेन
Vaishampayana uvacha
Surapanadvanchanam prapayitva; sangyanasham chaiva tathatighoram
Drishtva kacham chapi tathabhirupam; pitam tada suraya mohitena
71.53
समन्युरुत्थाय महानुभाव;स्तदोशना विप्रहितं चिकीर्षुः
काव्यः स्वयं वाक्यमिदं जगाद; सुरापानं प्रति वै जातशङ्कः
Samanyurutthaya mahanubhava;stadoshana viprahitam chikirshuh
Kavyah svayam vakyamidam jagada; surapanam prati vai jatashankah
71.54
यो ब्राह्मणोऽद्य प्रभृतीह कश्चि;न्मोहात्सुरां पास्यति मन्दबुद्धिः
अपेतधर्मो ब्रह्महा चैव स स्या;दस्मिँल्लोके गर्हितः स्यात्परे च
Yo brahmanodya prabhritiha kashchi;nmohatsuram pasyati mandabuddhih
Apetadharmo brahmaha chaiva sa sya;dasminlloke garhitah syatpare cha
71.55
मया चेमां विप्रधर्मोक्तिसीमां; मर्यादां वै स्थापितां सर्वलोके
सन्तो विप्राः शुश्रुवांसो गुरूणां; देवा लोकाश्चोपशृण्वन्तु सर्वे
Maya chemam vipradharmoktisimam; maryadam vai sthapitam sarvaloke
Santo viprah shushruvanso gurunam; deva lokashchopashrinvantu sarve
71.56
इतीदमुक्त्वा स महानुभाव;स्तपोनिधीनां निधिरप्रमेयः
तान्दानवान्दैवविमूढबुद्धी;निदं समाहूय वचोऽभ्युवाच
Itidamuktva sa mahanubhava;staponidhinam nidhiraprameyah
Tandanavandaivavimudhabuddhi;nidam samahuya vachobhyuvacha
71.57
आचक्षे वो दानवा बालिशाः स्थ; सिद्धः कचो वत्स्यति मत्सकाशे
संजीवनीं प्राप्य विद्यां महार्थां; तुल्यप्रभावो ब्रह्मणा ब्रह्मभूतः
Achakshe vo danava balishah stha; siddhah kacho vatsyati matsakashe
Sanjivanim prapya vidyam mahartham; tulyaprabhavo brahmana brahmabhutah
71.58
गुरोरुष्य सकाशे तु दश वर्षशतानि सः
अनुज्ञातः कचो गन्तुमियेष त्रिदशालयम्
Gurorushya sakashe tu dasha varshashatani sah
Anugyatah kacho gantumiyesha tridashalayam