UtshovChapter 52
52.1
शौनक उवाच
ये सर्पाः सर्पसत्रेऽस्मिन्पतिता हव्यवाहने
तेषां नामानि सर्वेषां श्रोतुमिच्छामि सूतज
Shaunaka uvacha
Ye sarpah sarpasatresminpatita havyavahane
Tesham namani sarvesham shrotumichchhami sutaja
52.2
सूत उवाच
सहस्राणि बहून्यस्मिन्प्रयुतान्यर्बुदानि च
न शक्यं परिसंख्यातुं बहुत्वाद्वेदवित्तम
Suta uvacha
Sahasrani bahunyasminprayutanyarbudani cha
Na shakyam parisankhyatum bahutvadvedavittama
52.3
यथास्मृति तु नामानि पन्नगानां निबोध मे
उच्यमानानि मुख्यानां हुतानां जातवेदसि
Yathasmriti tu namani pannaganam nibodha me
Uchyamanani mukhyanam hutanam jatavedasi
52.4
वासुकेः कुलजांस्तावत्प्राधान्येन निबोध मे
नीलरक्तान्सितान्घोरान्महाकायान्विषोल्बणान्
Vasukeh kulajanstavatpradhanyena nibodha me
Nilaraktansitanghoranmahakayanvisholbanan
52.5
कोटिको मानसः पूर्णः सहः पैलो हलीसकः
पिच्छिलः कोणपश्चक्रः कोणवेगः प्रकालनः
Kotiko manasah purnah sahah pailo halisakah
Pichchhilah konapashchakrah konavegah prakalanah
52.6
हिरण्यवाहः शरणः कक्षकः कालदन्तकः
एते वासुकिजा नागाः प्रविष्टा हव्यवाहनम्
Hiranyavahah sharanah kakshakah kaladantakah
Ete vasukija nagah pravishta havyavahanam
52.7
तक्षकस्य कुले जातान्प्रवक्ष्यामि निबोध तान्
पुच्छण्डको मण्डलकः पिण्डभेत्ता रभेणकः
Takshakasya kule jatanpravakshyami nibodha tan
Puchchhandako mandalakah pindabhetta rabhenakah
52.8
उच्छिखः सुरसो द्रङ्गो बलहेडो विरोहणः
शिलीशलकरो मूकः सुकुमारः प्रवेपनः
Uchchhikhah suraso drango balahedo virohanah
Shilishalakaro mukah sukumarah pravepanah
52.9
मुद्गरः शशरोमा च सुमना वेगवाहनः
एते तक्षकजा नागाः प्रविष्टा हव्यवाहनम्
Mudgarah shasharoma cha sumana vegavahanah
Ete takshakaja nagah pravishta havyavahanam
52.10
पारावतः पारियात्रः पाण्डरो हरिणः कृशः
विहंगः शरभो मोदः प्रमोदः संहताङ्गदः
Paravatah pariyatrah pandaro harinah krishah
Vihangah sharabho modah pramodah sanhatangadah
52.11
ऐरावतकुलादेते प्रविष्टा हव्यवाहनम्
कौरव्यकुलजान्नागाञ्शृणु मे द्विजसत्तम
Airavatakuladete pravishta havyavahanam
Kauravyakulajannaganshrinu me dvijasattama
52.12
ऐण्डिलः कुण्डलो मुण्डो वेणिस्कन्धः कुमारकः
बाहुकः शृङ्गवेगश्च धूर्तकः पातपातरौ
Aindilah kundalo mundo veniskandhah kumarakah
Bahukah shringavegashcha dhurtakah patapatarau
52.13
धृतराष्ट्रकुले जाताञ्शृणु नागान्यथातथम्
कीर्त्यमानान्मया ब्रह्मन्वातवेगान्विषोल्बणान्
Dhritarashtrakule jatanshrinu naganyathatatham
Kirtyamananmaya brahmanvataveganvisholbanan
52.14
शङ्कुकर्णः पिङ्गलकः कुठारमुखमेचकौ
पूर्णाङ्गदः पूर्णमुखः प्रहसः शकुनिर्हरिः
Shankukarnah pingalakah kutharamukhamechakau
Purnangadah purnamukhah prahasah shakunirharih
52.15
आमाहठः कोमठकः श्वसनो मानवो वटः
भैरवो मुण्डवेदाङ्गः पिशङ्गश्चोद्रपारगः
Amahathah komathakah shvasano manavo vatah
Bhairavo mundavedangah pishangashchodraparagah
52.16
ऋषभो वेगवान्नाम पिण्डारकमहाहनू
रक्ताङ्गः सर्वसारङ्गः समृद्धः पाटराक्षसौ
Rishabho vegavannama pindarakamahahanu
Raktangah sarvasarangah samriddhah patarakshasau
52.17
वराहको वारणकः सुमित्रश्चित्रवेदिकः
पराशरस्तरुणको मणिस्कन्धस्तथारुणिः
Varahako varanakah sumitrashchitravedikah
Parasharastarunako maniskandhastatharunih
52.18
इति नागा मया ब्रह्मन्कीर्तिताः कीर्तिवर्धनाः
प्राधान्येन बहुत्वात्तु न सर्वे परिकीर्तिताः
Iti naga maya brahmankirtitah kirtivardhanah
Pradhanyena bahutvattu na sarve parikirtitah
52.19
एतेषां पुत्रपौत्रास्तु प्रसवस्य च संततिः
न शक्याः परिसंख्यातुं ये दीप्तं पावकं गताः
Etesham putrapautrastu prasavasya cha santatih
Na shakyah parisankhyatum ye diptam pavakam gatah
52.20
सप्तशीर्षा द्विशीर्षाश्च पञ्चशीर्षास्तथापरे
कालानलविषा घोरा हुताः शतसहस्रशः
Saptashirsha dvishirshashcha panchashirshastathapare
Kalanalavisha ghora hutah shatasahasrashah
52.21
महाकाया महावीर्याः शैलशृङ्गसमुच्छ्रयाः
योजनायामविस्तारा द्वियोजनसमायताः
Mahakaya mahaviryah shailashringasamuchchhrayah
Yojanayamavistara dviyojanasamayatah
52.22
कामरूपाः कामगमा दीप्तानलविषोल्बणाः
दग्धास्तत्र महासत्रे ब्रह्मदण्डनिपीडिताः
Kamarupah kamagama diptanalavisholbanah
Dagdhastatra mahasatre brahmadandanipiditah