UtshovChapter 4
4.1
लोमहर्षणपुत्र उग्रश्रवाः सूतः पौराणिको नैमिषारण्ये शौनकस्य कुलपतेर्द्वादशवार्षिके सत्रे ऋषीनभ्यागतानुपतस्थे
Lomaharshanaputra ugrashravah sutah pauraniko naimisharanye shaunakasya kulapaterdvadashavarshike satre rishinabhyagatanupatasthe
4.2
पौराणिकः पुराणे कृतश्रमः स तान्कृताञ्जलिरुवाच
किं भवन्तः श्रोतुमिच्छन्ति
किमहं ब्रुवाणीति
Pauranikah purane kritashramah sa tankritanjaliruvacha
Kim bhavantah shrotumichchhanti
Kimaham bruvaniti
4.3
तमृषय ऊचुः
परमं लोमहर्षणे प्रक्ष्यामस्त्वां वक्ष्यसि च नः शुश्रूषतां कथायोगम्
तद्भगवांस्तु तावच्छौनकोऽग्निशरणमध्यास्ते
Tamrishaya uchuh
Paramam lomaharshane prakshyamastvam vakshyasi cha nah shushrushatam kathayogam
Tadbhagavanstu tavachchhaunakognisharanamadhyaste
4.4
योऽसौ दिव्याः कथा वेद देवतासुरसंकथाः
मनुष्योरगगन्धर्वकथा वेद च सर्वशः
Yosau divyah katha veda devatasurasankathah
Manushyoragagandharvakatha veda cha sarvashah
4.5
स चाप्यस्मिन्मखे सौते विद्वान्कुलपतिर्द्विजः
दक्षो धृतव्रतो धीमाञ्शास्त्रे चारण्यके गुरुः
Sa chapyasminmakhe saute vidvankulapatirdvijah
Daksho dhritavrato dhimanshastre charanyake guruh
4.6
सत्यवादी शमपरस्तपस्वी नियतव्रतः
सर्वेषामेव नो मान्यः स तावत्प्रतिपाल्यताम्
Satyavadi shamaparastapasvi niyatavratah
Sarveshameva no manyah sa tavatpratipalyatam
4.7
तस्मिन्नध्यासति गुरावासनं परमार्चितम्
ततो वक्ष्यसि यत्त्वां स प्रक्ष्यति द्विजसत्तमः
Tasminnadhyasati guravasanam paramarchitam
Tato vakshyasi yattvam sa prakshyati dvijasattamah
4.8
सूत उवाच
एवमस्तु गुरौ तस्मिन्नुपविष्टे महात्मनि
तेन पृष्टः कथाः पुण्या वक्ष्यामि विविधाश्रयाः
Suta uvacha
Evamastu gurau tasminnupavishte mahatmani
Tena prishtah kathah punya vakshyami vividhashrayah
4.9
सोऽथ विप्रर्षभः कार्यं कृत्वा सर्वं यथाक्रमम्
देवान्वाग्भिः पितॄनद्भिस्तर्पयित्वाजगाम ह
Sotha viprarshabhah karyam kritva sarvam yathakramam
Devanvagbhih pitrinadbhistarpayitvajagama ha
4.10
यत्र ब्रह्मर्षयः सिद्धास्त आसीना यतव्रताः
यज्ञायतनमाश्रित्य सूतपुत्रपुरःसराः
Yatra brahmarshayah siddhasta asina yatavratah
Yagyayatanamashritya sutaputrapurahsarah
4.11
ऋत्विक्ष्वथ सदस्येषु स वै गृहपतिस्ततः
उपविष्टेषूपविष्टः शौनकोऽथाब्रवीदिदम्
Ritvikshvatha sadasyeshu sa vai grihapatistatah
Upavishteshupavishtah shaunakothabravididam