UtshovChapter 35
35.1
सूत उवाच
एलापत्रस्य तु वचः श्रुत्वा नागा द्विजोत्तम
सर्वे प्रहृष्टमनसः साधु साध्वित्यपूजयन्
Suta uvacha
Elapatrasya tu vachah shrutva naga dvijottama
Sarve prahrishtamanasah sadhu sadhvityapujayan
35.2
ततः प्रभृति तां कन्यां वासुकिः पर्यरक्षत
जरत्कारुं स्वसारं वै परं हर्षमवाप च
Tatah prabhriti tam kanyam vasukih paryarakshata
Jaratkarum svasaram vai param harshamavapa cha
35.3
ततो नातिमहान्कालः समतीत इवाभवत्
अथ देवासुराः सर्वे ममन्थुर्वरुणालयम्
Tato natimahankalah samatita ivabhavat
Atha devasurah sarve mamanthurvarunalayam
35.4
तत्र नेत्रमभून्नागो वासुकिर्बलिनां वरः
समाप्यैव च तत्कर्म पितामहमुपागमन्
Tatra netramabhunnago vasukirbalinam varah
Samapyaiva cha tatkarma pitamahamupagaman
35.5
देवा वासुकिना सार्धं पितामहमथाब्रुवन्
भगवञ्शापभीतोऽयं वासुकिस्तप्यते भृशम्
Deva vasukina sardham pitamahamathabruvan
Bhagavanshapabhitoyam vasukistapyate bhrisham
35.6
तस्येदं मानसं शल्यं समुद्धर्तुं त्वमर्हसि
जनन्याः शापजं देव ज्ञातीनां हितकाङ्क्षिणः
Tasyedam manasam shalyam samuddhartum tvamarhasi
Jananyah shapajam deva gyatinam hitakankshinah
35.7
हितो ह्ययं सदास्माकं प्रियकारी च नागराट्
कुरु प्रसादं देवेश शमयास्य मनोज्वरम्
Hito hyayam sadasmakam priyakari cha nagarat
Kuru prasadam devesha shamayasya manojvaram
35.8
ब्रह्मोवाच
मयैवैतद्वितीर्णं वै वचनं मनसामराः
एलापत्रेण नागेन यदस्याभिहितं पुरा
Brahmovacha
Mayaivaitadvitirnam vai vachanam manasamarah
Elapatrena nagena yadasyabhihitam pura
35.9
तत्करोत्वेष नागेन्द्रः प्राप्तकालं वचस्तथा
विनशिष्यन्ति ये पापा न तु ये धर्मचारिणः
Tatkarotvesha nagendrah praptakalam vachastatha
Vinashishyanti ye papa na tu ye dharmacharinah
35.10
उत्पन्नः स जरत्कारुस्तपस्युग्रे रतो द्विजः
तस्यैष भगिनीं काले जरत्कारुं प्रयच्छतु
Utpannah sa jaratkarustapasyugre rato dvijah
Tasyaisha bhaginim kale jaratkarum prayachchhatu
35.11
यदेलापत्रेण वचस्तदोक्तं भुजगेन ह
पन्नगानां हितं देवास्तत्तथा न तदन्यथा
Yadelapatrena vachastadoktam bhujagena ha
Pannaganam hitam devastattatha na tadanyatha
35.12
सूत उवाच
एतच्छ्रुत्वा स नागेन्द्रः पितामहवचस्तदा
सर्पान्बहूञ्जरत्कारौ नित्ययुक्तान्समादधत्
Suta uvacha
Etachchhrutva sa nagendrah pitamahavachastada
Sarpanbahunjaratkarau nityayuktansamadadhat
35.13
जरत्कारुर्यदा भार्यामिच्छेद्वरयितुं प्रभुः
शीघ्रमेत्य ममाख्येयं तन्नः श्रेयो भविष्यति
Jaratkaruryada bharyamichchhedvarayitum prabhuh
Shighrametya mamakhyeyam tannah shreyo bhavishyati