UtshovChapter 28
28.1
सूत उवाच
ततस्तस्मिन्द्विजश्रेष्ठ समुदीर्णे तथाविधे
गरुत्मान्पक्षिराट्तूर्णं संप्राप्तो विबुधान्प्रति
Suta uvacha
Tatastasmindvijashreshtha samudirne tathavidhe
Garutmanpakshiratturnam samprapto vibudhanprati
28.2
तं दृष्ट्वातिबलं चैव प्राकम्पन्त समन्ततः
परस्परं च प्रत्यघ्नन्सर्वप्रहरणान्यपि
Tam drishtvatibalam chaiva prakampanta samantatah
Parasparam cha pratyaghnansarvapraharananyapi
28.3
तत्र चासीदमेयात्मा विद्युदग्निसमप्रभः
भौवनः सुमहावीर्यः सोमस्य परिरक्षिता
Tatra chasidameyatma vidyudagnisamaprabhah
Bhauvanah sumahaviryah somasya parirakshita
28.4
स तेन पतगेन्द्रेण पक्षतुण्डनखैः क्षतः
मुहूर्तमतुलं युद्धं कृत्वा विनिहतो युधि
Sa tena patagendrena pakshatundanakhaih kshatah
Muhurtamatulam yuddham kritva vinihato yudhi
28.5
रजश्चोद्धूय सुमहत्पक्षवातेन खेचरः
कृत्वा लोकान्निरालोकांस्तेन देवानवाकिरत्
Rajashchoddhuya sumahatpakshavatena khecharah
Kritva lokanniralokanstena devanavakirat
28.6
तेनावकीर्णा रजसा देवा मोहमुपागमन्
न चैनं ददृशुश्छन्ना रजसामृतरक्षिणः
Tenavakirna rajasa deva mohamupagaman
Na chainam dadrishushchhanna rajasamritarakshinah
28.7
एवं संलोडयामास गरुडस्त्रिदिवालयम्
पक्षतुण्डप्रहारैश्च देवान्स विददार ह
Evam sanlodayamasa garudastridivalayam
Pakshatundapraharaishcha devansa vidadara ha
28.8
ततो देवः सहस्राक्षस्तूर्णं वायुमचोदयत्
विक्षिपेमां रजोवृष्टिं तवैतत्कर्म मारुत
Tato devah sahasrakshasturnam vayumachodayat
Vikshipemam rajovrishtim tavaitatkarma maruta
28.9
अथ वायुरपोवाह तद्रजस्तरसा बली
ततो वितिमिरे जाते देवाः शकुनिमार्दयन्
Atha vayurapovaha tadrajastarasa bali
Tato vitimire jate devah shakunimardayan
28.10
ननाद चोच्चैर्बलवान्महामेघरवः खगः
वध्यमानः सुरगणैः सर्वभूतानि भीषयन्
उत्पपात महावीर्यः पक्षिराट्परवीरहा
Nanada chochchairbalavanmahamegharavah khagah
Vadhyamanah suraganaih sarvabhutani bhishayan
Utpapata mahaviryah pakshiratparaviraha
28.11
तमुत्पत्यान्तरिक्षस्थं देवानामुपरि स्थितम्
वर्मिणो विबुधाः सर्वे नानाशस्त्रैरवाकिरन्
Tamutpatyantarikshastham devanamupari sthitam
Varmino vibudhah sarve nanashastrairavakiran
28.12
पट्टिशैः परिघैः शूलैर्गदाभिश्च सवासवाः
क्षुरान्तैर्ज्वलितैश्चापि चक्रैरादित्यरूपिभिः
Pattishaih parighaih shulairgadabhishcha savasavah
Kshurantairjvalitaishchapi chakrairadityarupibhih
28.13
नानाशस्त्रविसर्गैश्च वध्यमानः समन्ततः
कुर्वन्सुतुमुलं युद्धं पक्षिराण्न व्यकम्पत
Nanashastravisargaishcha vadhyamanah samantatah
Kurvansutumulam yuddham pakshiranna vyakampata
28.14
विनर्दन्निव चाकाशे वैनतेयः प्रतापवान्
पक्षाभ्यामुरसा चैव समन्ताद्व्याक्षिपत्सुरान्
Vinardanniva chakashe vainateyah pratapavan
Pakshabhyamurasa chaiva samantadvyakshipatsuran
28.15
ते विक्षिप्तास्ततो देवाः प्रजग्मुर्गरुडार्दिताः
नखतुण्डक्षताश्चैव सुस्रुवुः शोणितं बहु
Te vikshiptastato devah prajagmurgarudarditah
Nakhatundakshatashchaiva susruvuh shonitam bahu
28.16
साध्याः प्राचीं सगन्धर्वा वसवो दक्षिणां दिशम्
प्रजग्मुः सहिता रुद्रैः पतगेन्द्रप्रधर्षिताः
Sadhyah prachim sagandharva vasavo dakshinam disham
Prajagmuh sahita rudraih patagendrapradharshitah
28.17
दिशं प्रतीचीमादित्या नासत्या उत्तरां दिशम्
मुहुर्मुहुः प्रेक्षमाणा युध्यमाना महौजसम्
Disham pratichimaditya nasatya uttaram disham
Muhurmuhuh prekshamana yudhyamana mahaujasam
28.18
अश्वक्रन्देन वीरेण रेणुकेन च पक्षिणा
क्रथनेन च शूरेण तपनेन च खेचरः
Ashvakrandena virena renukena cha pakshina
Krathanena cha shurena tapanena cha khecharah
28.19
उलूकश्वसनाभ्यां च निमेषेण च पक्षिणा
प्ररुजेन च संयुद्धं चकार प्रलिहेन च
Ulukashvasanabhyam cha nimeshena cha pakshina
Prarujena cha sanyuddham chakara pralihena cha
28.20
तान्पक्षनखतुण्डाग्रैरभिनद्विनतासुतः
युगान्तकाले संक्रुद्धः पिनाकीव महाबलः
Tanpakshanakhatundagrairabhinadvinatasutah
Yugantakale sankruddhah pinakiva mahabalah
28.21
महावीर्या महोत्साहास्तेन ते बहुधा क्षताः
रेजुरभ्रघनप्रख्या रुधिरौघप्रवर्षिणः
Mahavirya mahotsahastena te bahudha kshatah
Rejurabhraghanaprakhya rudhiraughapravarshinah
28.22
तान्कृत्वा पतगश्रेष्ठः सर्वानुत्क्रान्तजीवितान्
अतिक्रान्तोऽमृतस्यार्थे सर्वतोऽग्निमपश्यत
Tankritva patagashreshthah sarvanutkrantajivitan
Atikrantomritasyarthe sarvatognimapashyata
28.23
आवृण्वानं महाज्वालमर्चिर्भिः सर्वतोऽम्बरम्
दहन्तमिव तीक्ष्णांशुं घोरं वायुसमीरितम्
Avrinvanam mahajvalamarchirbhih sarvatombaram
Dahantamiva tikshnanshum ghoram vayusamiritam
28.24
ततो नवत्या नवतीर्मुखानां; कृत्वा तरस्वी गरुडो महात्मा
नदीः समापीय मुखैस्ततस्तैः; सुशीघ्रमागम्य पुनर्जवेन
Tato navatya navatirmukhanam; kritva tarasvi garudo mahatma
Nadih samapiya mukhaistatastaih; sushighramagamya punarjavena
28.25
ज्वलन्तमग्निं तममित्रतापनः; समास्तरत्पत्ररथो नदीभिः
ततः प्रचक्रे वपुरन्यदल्पं; प्रवेष्टुकामोऽग्निमभिप्रशाम्य
Jvalantamagnim tamamitratapanah; samastaratpatraratho nadibhih
Tatah prachakre vapuranyadalpam; praveshtukamognimabhiprashamya