UtshovChapter 221
221.1
वैशंपायन उवाच
ततः प्रज्वलिते शुक्रे शार्ङ्गकास्ते सुदुःखिताः
व्यथिताः परमोद्विग्ना नाधिजग्मुः परायणम्
Vaishampayana uvacha
Tatah prajvalite shukre sharngakaste suduhkhitah
Vyathitah paramodvigna nadhijagmuh parayanam
221.2
निशाम्य पुत्रकान्बालान्माता तेषां तपस्विनी
जरिता दुःखसंतप्ता विललाप नरेश्वर
Nishamya putrakanbalanmata tesham tapasvini
Jarita duhkhasantapta vilalapa nareshvara
221.3
अयमग्निर्दहन्कक्षमित आयाति भीषणः
जगत्संदीपयन्भीमो मम दुःखविवर्धनः
Ayamagnirdahankakshamita ayati bhishanah
Jagatsandipayanbhimo mama duhkhavivardhanah
221.4
इमे च मां कर्षयन्ति शिशवो मन्दचेतसः
अबर्हाश्चरणैर्हीनाः पूर्वेषां नः परायणम्
त्रासयंश्चायमायाति लेलिहानो महीरुहान्
Ime cha mam karshayanti shishavo mandachetasah
Abarhashcharanairhinah purvesham nah parayanam
Trasayanshchayamayati lelihano mahiruhan
221.5
अशक्तिमत्त्वाच्च सुता न शक्ताः सरणे मम
आदाय च न शक्तास्मि पुत्रान्सरितुमन्यतः
Ashaktimattvachcha suta na shaktah sarane mama
Adaya cha na shaktasmi putransaritumanyatah
221.6
न च त्यक्तुमहं शक्ता हृदयं दूयतीव मे
कं नु जह्यामहं पुत्रं कमादाय व्रजाम्यहम्
Na cha tyaktumaham shakta hridayam duyativa me
Kam nu jahyamaham putram kamadaya vrajamyaham
221.7
किं नु मे स्यात्कृतं कृत्वा मन्यध्वं पुत्रकाः कथम्
चिन्तयाना विमोक्षं वो नाधिगच्छामि किंचन
छादयित्वा च वो गात्रैः करिष्ये मरणं सह
Kim nu me syatkritam kritva manyadhvam putrakah katham
Chintayana vimoksham vo nadhigachchhami kinchana
Chhadayitva cha vo gatraih karishye maranam saha
221.8
जरितारौ कुलं हीदं ज्येष्ठत्वेन प्रतिष्ठितम्
सारिसृक्वः प्रजायेत पितॄणां कुलवर्धनः
Jaritarau kulam hidam jyeshthatvena pratishthitam
Sarisrikvah prajayeta pitrinam kulavardhanah
221.9
स्तम्बमित्रस्तपः कुर्याद्द्रोणो ब्रह्मविदुत्तमः
इत्येवमुक्त्वा प्रययौ पिता वो निर्घृणः पुरा
Stambamitrastapah kuryaddrono brahmaviduttamah
Ityevamuktva prayayau pita vo nirghrinah pura
221.10
कमुपादाय शक्येत गन्तुं कस्यापदुत्तमा
किं नु कृत्वा कृतं कार्यं भवेदिति च विह्वला
Kamupadaya shakyeta gantum kasyapaduttama
Kim nu kritva kritam karyam bhavediti cha vihvala
221.11
नापश्यत्स्वधिया मोक्षं स्वसुतानां तदानलात्
एवं ब्रुवन्तीं शार्ङ्गास्ते प्रत्यूचुरथ मातरम्
Napashyatsvadhiya moksham svasutanam tadanalat
Evam bruvantim sharngaste pratyuchuratha mataram
221.12
स्नेहमुत्सृज्य मातस्त्वं पत यत्र न हव्यवाट्
अस्मासु हि विनष्टेषु भवितारः सुतास्तव
त्वयि मातर्विनष्टायां न नः स्यात्कुलसंततिः
Snehamutsrijya matastvam pata yatra na havyavat
Asmasu hi vinashteshu bhavitarah sutastava
Tvayi matarvinashtayam na nah syatkulasantatih
221.13
अन्ववेक्ष्यैतदुभयं क्षमं स्याद्यत्कुलस्य नः
तद्वै कर्तुं परः कालो मातरेष भवेत्तव
Anvavekshyaitadubhayam kshamam syadyatkulasya nah
Tadvai kartum parah kalo mataresha bhavettava
221.14
मा वै कुलविनाशाय स्नेहं कार्षीः सुतेषु नः
न हीदं कर्म मोघं स्याल्लोककामस्य नः पितुः
Ma vai kulavinashaya sneham karshih suteshu nah
Na hidam karma mogham syallokakamasya nah pituh
221.15
जरितोवाच
इदमाखोर्बिलं भूमौ वृक्षस्यास्य समीपतः
तदाविशध्वं त्वरिता वह्नेरत्र न वो भयम्
Jaritovacha
Idamakhorbilam bhumau vrikshasyasya samipatah
Tadavishadhvam tvarita vahneratra na vo bhayam
221.16
ततोऽहं पांसुना छिद्रमपिधास्यामि पुत्रकाः
एवं प्रतिकृतं मन्ये ज्वलतः कृष्णवर्त्मनः
Tatoham pansuna chhidramapidhasyami putrakah
Evam pratikritam manye jvalatah krishnavartmanah
221.17
तत एष्याम्यतीतेऽग्नौ विहर्तुं पांसुसंचयम्
रोचतामेष वोपायो विमोक्षाय हुताशनात्
Tata eshyamyatitegnau vihartum pansusanchayam
Rochatamesha vopayo vimokshaya hutashanat
221.18
शार्ङ्गका ऊचुः
अबर्हान्मांसभूतान्नः क्रव्यादाखुर्विनाशयेत्
पश्यमाना भयमिदं न शक्ष्यामो निषेवितुम्
Sharngaka uchuh
Abarhanmansabhutannah kravyadakhurvinashayet
Pashyamana bhayamidam na shakshyamo nishevitum
221.19
कथमग्निर्न नो दह्यात्कथमाखुर्न भक्षयेत्
कथं न स्यात्पिता मोघः कथं माता ध्रियेत नः
Kathamagnirna no dahyatkathamakhurna bhakshayet
Katham na syatpita moghah katham mata dhriyeta nah
221.20
बिल आखोर्विनाशः स्यादग्नेराकाशचारिणाम्
अन्ववेक्ष्यैतदुभयं श्रेयान्दाहो न भक्षणम्
Bila akhorvinashah syadagnerakashacharinam
Anvavekshyaitadubhayam shreyandaho na bhakshanam
221.21
गर्हितं मरणं नः स्यादाखुना खादता बिले
शिष्टादिष्टः परित्यागः शरीरस्य हुताशनात्
Garhitam maranam nah syadakhuna khadata bile
Shishtadishtah parityagah sharirasya hutashanat